مساعده يأهل الخبره

[عبدالله الجبرين]

السلام عليكم ورحمة الله وبركاته


اول شي اتشرف بانضمامي معاكم في هذا المنتدى الطيب المبارك


ثانيا:

بصراحه انا ابي اعرف شنو الفرق بين
ls 430 2004
ls 430 2005
ls 430 2006
من ناحية المواصفات وايضا من ناحية السعر
وايش الافضل امريكي او الخليجي

انا قررت اشتري لكزس بس ياخواني والله محتار ويهمني جدا رأيكم
لان التجربه خير برهان

انا فلوسي تقريبا 120 الف ريال حاليا موجوده كاش

بس مادري اشتري موديل جديد من فئة gs او is او es
او اشتري موديل اقدم من فئة ls

وتقبلو مرووري وآسف على الاطاله

[عاشق الألحـــان]

تبغى رايي ياخوي عن تجربه سنوات صراحه ابعد عن الامريكي ياخي قلق بمعنى الكلمة لاسمح الله يخرب اي شي وتكون القطعة تختلف عن السعودي ويالله عاد دور عليها في شتى ربوع بلادي ياخوي ماحد الله خلك على السعودي لوكان ماكان اي شي يصير فالي تبغاه بتلاقيه بقطع الغيار وانت مرتاح اما من ناحية المادة طبعا ارخص بكثير جدا الامريكي بس ياخوي انا اشتري راحتي طول الوقت وتحياتي،،،،،

[دودج تشارجر]

وعليكم السلام ورحمة الله بركاته

حـياكـ الله اخـوي (( عبدالله الجبرين )) بمـوقع toyota 4 arab

وانت يالغالي بين أخوانكـ .. والشباب هيـنا ما يقـصرون وان شالله تفـيد وتـستفـيد

بالنـسبهـ يالغالي من ناحية الفـرق بينهم على ما اظن ما في أي فـرق بينهم بالمواصفات .. الفـرق فقط بالمـوديل والـسعر بس

من ناحية الافضل اذا كان امريـكي او سعـودي .. فا الأفضل سـعودي بسبب المـواصفات الي تملكها السعوديه أكـثر من الامريكية

السعر يالغالي 2004 بتحـصلها ما بين 95 الف إلى 110 الاف ريال .. حسب النظافه والممشى

سعر 2005 بتحصلها ما بين 115 إلى 125 الف ريال .. حسب النظافة والممشى

سعر 2006 بتحصلها ما بين 130 إلى 145 الف ريال .. وحسب النظافة واللمشى

(( حسب النظافة )) لا يـوجد بهـا أي صدمهـ او ضـربهـ أو خـدوش أو رش بالبدي


واللهـ يـرزقـكـ ان شالله بالأفضل دائماً .. وحـياكـ يالغالي بالمنـتدى بين أخوانكـ وأي طلب ان شالله محد مقصـر معكـ ..

[عبدالله الجبرين]

بصراحه ماتوقعت تفاعلكم بهالسرعه

مشكوور اخوي دووج تشارجر

بس من وين تنصحني اشتري يعني معارض ولا صالات لاني متعقد من الشريطيه

[عبدالله الجبرين]

مشكووور اخوي عاشق الالحان على توضيحك بخصوص الامريكي

[دودج تشارجر]

والله يالغالي صالات العرض دائما ترفع عن السوق من 3,000 ريال إلى 10,000 ريال

أفضلكـ المعارض بس أفضل لكـ ما تاخذها من المعرض نفسه بسرعه حاول تشوف السيارات الي تمشي وتبغى تبيع.. لان الشريطين ما يرحمون ياخذون السياره بـ 95 الف .. واذا يبي يبيعها زاد عليها 10.000 ريال

او تشوفها بمعرض وتحاول تكلم صاحبها ينزل لك في سعرها .. وفتش بمواقع البيع عندك موقع مستعمل راح تحصل فيها .. واذا عزمت تشتري ان شالله افحصها بالوكاله او بميزان العضيب .. بيطلع لكـ وش تحتاج السياره .. عشان تنزل من سعرها لو لا قدر الله صارت السياره تحتاج شي

حاول تشتري من صاحب السياره لا من صاحب المعرض .. بعض المعارض تعرض سيارات ماهي لهم وتقدر تفاوض بالسعر .. والمعرض الي يعرض السياره الي يملكها بتشوف سعرهاا يختلف عن اصحاب السياره بمـراحل

والله يرزقكـ يـا أخوي بالأفضل ..