سعر الافالون2009 اقساط وكاش صدمه قووويه

[فهدعسيري]

السلام عليكم ورحمة الله وبركاته

كيفكم ياشباب

اليوم مريت وكالة عبدالطيف جميل 000 بالرياض

سالت عن سعر الافالون ليمتد كاش 123.500

واقساط على حسب الراتب انا راتبي 5800

قالي مقدم 44.000 ********************اشتري كامري 2004 مستعمل نضيف

والقسط يطلع 1900

ودفعه اخيره 38.000

وسعرها الاجمالي بتطلع علي بــــ170.000


لمدة اربع سنوات

وطلعت من الوكاله وانا حزين

انشالله اني افدتكم
مع اول مشاركه لي

[дβū ŅūĦд]

عزيزي

انا اشتريت سيارتي اقساط على سنتين

القسط 2100 ريال ودفعه اولى 55000 ريال ودفعه اخيره 34000 ريال

تقريبا الزيادة 20 الف

وتفرق عن الزيادة الي عندك بـ 30 الف

[أسير نت]

هههههههههههههههههه ياحليلك .. ,/

انا ماخذ على نظام الايجار المنتهي بالتمليك ..

انا مادري ضحكو علي ولا مدري وشلون

الدفعه الاولى 10 الاف ..

و القسد قريبا 3,200 ريال

و المؤآخر 35 الف ريال .. , /

القيمه الاجمآليه 186 الف(( ريآل سعودي ))


و لمده 5 سنوات تهي تهي .. , /

و الله الاقساط مهي زينه بس الشكوى لله ..

نصيحتي ((خذها)) من بنك الراجحي(( ولا)) الاهلي , /

ولا(( جمع )) لك كم قرش و طقها ((كاش)) ..

يالغالي و الله بيضيق صدرك من الاقسآط .. , /

و لا تنسى ان التآمين شآملني , /

على العموم الله يعينك و يستر عليك .. , /



/
\
/
\
/
\
/
\
/
\

,, آخوكـ الصغير : أسير نت

[م.عمر]

اخوي فهد حياك الله في المنتدى وان شاء الله تفيد وتستفيد
نصيحتي مد رجولك على قد لحافك راتبك مايغطي وحتى لو غطى بتاخذ الحد الاعلى وبتورط نفسك
لو شي بسيط صرلك او احتجت مبلغ بسيط مايمديك لانه تكون متورط مع القسط
اهم شي تكون سيارة جديدة ونظيفه حتنبسط منها ان شاء الله
شف الاكورد 4 سلندر او الالتيما

[TroubleMaker]

يارجال
وش فايدة سيارة جديده ونص راتبك عليها

خذ لك سيارة على قد دراهمك
وصدقني بتنفرج ان شاء الله وتشتري احسن منها

[آملي افالون]

اذا مصمم على الافالون , أنا أنصحك تأخذ لك قرض من البنك , وتزيد عليها اللي تقدر عليه وتشتري افالون , واذا ماقدرت على الجديده بتحصل 2007 أو 2008 ,,, مش حالك فيها الين يرزقك الله

[قراندي كشميري]

نصيحة لك ابتعد عن الاقساط وغنيلة ، ولا أعصر روحك وجمع المبلغ لو تصبر سنة سنتين أهم شيء الأقساط لا يقربك ، صدقني خل الاقساط لشيء يسوى بيت ولا زواج وأنت أبخص .

[& لحـن الحـياة&]

المشاركة الأصلية كتبت بواسطة قراندي كشميري [عزيزي الزائر يتوجب عليك التسجيل للمشاهدة الرابطللتسجيل اضغط هنا]

نصيحة لك ابتعد عن الاقساط وغنيلة ، ولا أعصر روحك وجمع المبلغ لو تصبر سنة سنتين أهم شيء الأقساط لا يقربك ، صدقني خل الاقساط لشيء يسوى بيت ولا زواج وأنت أبخص .

خشمك ياسنافي على كلامك الرزين

اخوي فهد حرررررام عليك تشتري سياره قيمنا 120 الف او اكثر وانت ماعندك دراهمها

يعني لو تدور لك عن افالون 2007 او 2008 مستخدم نظيف اطلق لك

والقرض خله على شي يسوى يابعدي

ويقولك المثل يا اخوي : مد رجولك على قد لحافك

والله يوفقك يا اخوي

[حسونه]

شوف حبيب قلبي
أخوي شرى ليمتيد2009 لؤلؤي بـ122 ألف
قبل 3 أيام فقط
وكلها كم يوم بنزل صورها في المنتدى

[جاكم ملك]

حسونة حلو السعر من وين طلعها من الشركة او من معرض

[عرعرينو]

اخوي نصيحه لوجه الله

دور لك مستعمل اخو الجديد

وبصفه عامه اكثر اصحاب الافالونات محافظين على سياراتهم


وتلقى نظيف وبسعر معقول















مجرد رأي

[عاشق الخبوب]

^^^^^^^^^^^^^^^^^^^^^^^^

اظم صوتي لصوت عرعرينوا

او على قول المهندس عمر مد رجولك على قد لحافك شف الاكورد تراها روووووووووعة

[كامري 306]

لاتاخذها اقساط ولا أيجار
خذ لك قرض وزيد عليه كم ريال واشتريها
القرض بياخذ عليك فائدة سنوية تتراوح من 3,5 الى 5%
يعني خلال اربع سنوات بتكون دافع 20-25 الف فائدة على القرض اللا عندك
افضل من الاقساط والايجار
والله يوفقك
ولاتنسى الاستخارة

[skoda superb]

سيارة بـ 123 ألف والله حرام إلا إذا كنت قادر عليها كاش فالله يقويك غير كذا أنصحك ابعد
ونصيحتي للأخوان الباقين أنا ما أدري وين عقولهم سيارة بتطيح عليهم بأكثر من 40 ألف فايدة ومع ذلك يشترون ترى كلها سيارة لاراحت ولا جات سنة سنتين وبتمل منها لو كانت مايباخ فمد رجلك على قد لحافك والسيارة مهي رافعة في قدر الإنسان ولا منزلة في قدره فلا تضيق على نفسك وتتسبب في إحراجات لنفسك وتدفع 170 ألف في سيارة حتى لو أقساط
كلامي موجه للناس اللي تتاخذ تأجير أو تقسيط من الشركات ووالله كلهم حرامية ونصابين وأخذين مكسب دبل السيارة كاش ودبلين أقساط وتأجير وأولهم أبو جميل ( أو أبو أكلك حلال ما أدري ليه ما يوجه السؤال لنفسه )

[حسونه]

المشاركة الأصلية كتبت بواسطة جاكم ملك [عزيزي الزائر يتوجب عليك التسجيل للمشاهدة الرابطللتسجيل اضغط هنا]

حسونة حلو السعر من وين طلعها من الشركة او من معرض

تويوتا فرع بيشه
وللأمانة عن طريق معرفة
لكن أنا سامع اليوم عن تخفيضات
على الأفلون في جميع أفرع تويوتا