الفزعه الله يخليكم

[خالد مربع]

بسم الله الرحمن الرحيم
السلام عليكم ورحمة الله وبركاته


سيارة اخي es350 فيها مشكله تظهر في الشاشه الي عند العداد check vsc وجميع الاضواء تشتغل مثل abs ,وضغط الاطارات والهاند بريك ومانع الانزلاق
ما عرفت ويش المشكله بضبط
وكيف عمل reset لنظام في السيارة
الله يخليكم ساعدوني
وشكرا

[الولد@@@]

علمي علمك وانا اخوك


لكن يا ليت يفيدونا الشبآآب بطريقة الري ست

[شقرااااوي]

والله يالغالي انا نفس الشي مدري

لكن اذا تقدر وده الوكاله وهم ابخص به


تحياتي لك

[مواسي القلوب]

هلا والله أخواني والله ماعندي فكرهـ وجديد على الجوهرهـ لها يومين معي وماقد مرت علي المشكلة هذي

ولكن زي ماتفضل الاخ شقراااوي ودها للوكاله وهم أبخص وأنا أشوف أحسن شي انك توديها للوكاله اذا تقدر

[صالح الرسام]

Vsc هذا نظام التوازن في السيارة يحتاج تشييك يمكن فيه سلك مفصول او برمجة للقطعة اذا في الرياض
روح العضيب او الوكالة وراح تضبط بسيطة ان شاء الله وماتشوفون مكروه
تحياتي

[وحداووووي]

السيارة ما فيها ضوء لضغط الاطارات من وين طلع هذا وبعدين حاول تشيل واير البطارية وتنتظر دقيقة وتركبة لو ما راحن حاول تروح الوكالة أفضل ..

[ابوفيصل966]

هذا النظام اللي يحافظ على استقرار المركبة خلال المنعطفات يمكن النظام معلق عندك فمالك اللي مثل ماقالو الاخوان تفصل البطارية واذا استمرت المشكلة فعلى طول الوكالة

[المهــند]

أغلب مشاكل اللمبات الي تولع في الطبلون هي عبارة عن عطل في الحساس المسؤول عن تشييك النظام

لان السيارة الجديدة في الغالب لا تتعطل .. والشغلة بسيطة جداً .. في البداية يسوون لك الوكالة Rest للحساسات وكمبيوتر السيارة .. ولوا استمرت اللمبة في الظهور هذا معناه ان فيه عطل جدي بالنظام ووقتها ممكن تفكر وتقلق

بس في الوقت الحالي مافيه أي داعي للقلق لان اغلب المشاكل الي مثل كذا تكون من الحساسات

[سعـLEXUS ESـودي]

عندك كذا الحل الاول أنك تفصل البطاريه قبل ماتنام وبعد ماتصحى تشبكها وتشوف انشاء تضبط معاك .
الحل الثاني إنك تروح للوكاله وتقولهم يبرمجون السياره يمكن تحتاج برمجه من جديد .



بس انشاء الله ان الحل الاول ينفع معها موفق انشاء الله والله يكون في عونكم

[غاوي لكزس]

اذا الموتر ما مشى 100 الف كلم رح للوكالة ويحلون لك المشكلة على الضمان وببلاش ولا يتعبث احد فيها احسن لك