هل الرجه بلكزس es350 يعتبر عيب مصنعي

[الحر الأشقر]

بصراحه انا انذهلت ثمان مرات ارصص وتوي مغير الكفر ومازالت فيه رجه على سرعة 100 الى 120 كانت الرجه تخف من ترصيص لاخر بس يوم امسك خط طويل الاحظ الرجه واضحه على طول بس خفيفه مره رحت وديتها للوكاله اول مره رصصو كفرين بس وجرب المهندس قال كفرات السبب المهم رحت فرع ثاني بعد فتره يمكن اسبوعين فحصو السياره وكان المهندس يتردد مره يقول ترصيص ومره قال عندك جنطين ماهي مضبوطه وفي الأخير قال كفرات قلت له اخر كلام قال بصراحه اشتغلنا بذمه وامانه في السياره وجربناها وطلع الكفر في مطب على فوق ويسوي لك الرجه

سألت واحد بالوكاله من اللي يستقبلون الصيانه قلت يجيكم اي اس يشتكون من الرجه قال كثير قلت وش السبب قال عيب مصنعي في الهوب من اليابان ويقولها بكل برود قلت طيب وش سويتم مع الشركه الام قال والله اللي يجينا نخرط له الهوب او نغيره له او نرصص وبعضهم تنتهي مشكلته وبعضهم لا

المهم انا في حيره من امري والسياره جدا ماهي ناعمه مثل أول مدري هو نوع الكفرات او مشكله في الجنوط او شيء ميكانيكي في السياره

المهم شركة ميشلان وعدتني بكفرات لكن انا ودي بكفر الوكاله الظاهر ان الكفر هو السبب مع اني من اول ما شريت السياره ومشيت فيها 120 وفيها رجه خفيفه قلت بس كفر التويو التعبان وسويت بعد فتره تدوير للكفر وصار الوضع تمام بس مو مثل الحين

وش الحل يالربع نبيع الموتر والانتعوض الله ونغير كفر تويو لان ميشلان ماعندها كاش يعوضونك بكفر بديل فقط

[المهــند]

الحل يا طويل العمر سو ترصيص عادي وجرب .. الترصيص الارضي مش مرة مضبوط

[الحر الأشقر]

هههههههههههه الله يصلحك يالغالي اقول رصصت ثمان مرات وماراح ارصص لو يجي مدير تويوتا انا خايف من كثر فك الكفرات وتركيبها المسامير انحلت

اللي واجهته هالرجه وحلها يفتينا تكفوووووووووووووووووووون

[مشآري]

غير الهوبات غير اماكن الجنوط جرب كلشي لاتفكر تبيع لسبب مثل هاذا

[thamooory]

أنا عن نفسي ماحسيت بالرجه إللي تتكلم عنها
لكن في أول 2000 كيلو تقريبا يوم كنت أتعدى الـ120 وأدوس فرامل أحس برجه
لكن أشوف إنها خفت بعد الـ2000 يمكن لأن القماشات والسياره جديده وتحت التمرين ..!!

أنا برأيي الشخصي ماأشوف إنه سبب يستاهل لبيعها .. حاول تركب كفرات لو مستعمله لو منت حاب تخسر ورصصها (من باب التجربه) وشوف في فرق ولا لأ ..؟
لو باقي الرجه زي ماهي عليه يمكن في عيب مصنعي زي ماذكروا لك في الشركه

[بو بدر]

أنا أعاني من نفس المشكلة على سرعة80 وبعدين تروح وترجع قبل سرعة 140 وكأنك تمشي على مطبات خفيفة مع أني مغير التواير مرتين من تويو الى برجستون والحين ميشلان وما زالت المشكلة موجودة وأحيان أمشي 160 بس عشان ما أحس بالرجة.

الظاهر المشكلة فعلا من الهوبات مع اني خرطتهن أكثر من مرة.

[‏C L A S S I C]

اخوي

جرب شوف لك واحد من الربع يكون معه زي سيارتك

وبدل وياه الجنوط والكفرات وجرب

وترا مو كل المحلات تظبط الترصيص اللزق

خصوصا على السرعات العاليه

[مبتكر]

مدري كيف يكوون من الهوبات مع انك ماتمسك فرامل ؟

هل يعني ان الهوب مو ثابت في مكانه ويسبب رجه ؟

[الحر الأشقر]

شاكر لكم مروركم
الرجه خفيفه بس ثابته وانا على يقين اغلب اللي يملكون السياره يعتبرونها عادي


سؤال يبو بدر انت يوم كنت مركب التويو كان فيه نفس المشكله او من يوم غيرت للانواع الاخرى


اللي بالوكاله يتحدى يقول ان المشكلة كفر ويضمن ان الرجه تروح بس المشكله زميله يثبت لي ان المشكله بالهوب ويقول ياما جونا ناس بنفس مشكلتك

الهوبات ب1300 وكفرات تويو بـ 2600 وانا مغير قبل كفرات ميشلان بـ 2100

اوفر هالمبالغ وابيع الموتر واطق لي ونيت جديدوالا سيكل افضل بعد

[بو بدر]

المشكلة مع الميشلان أخف عن التويو والبرجستون.

[شقرااااوي]

انا حمدلله ماعانيت من رجه ولا شي

بس يياخي قمت تشككني يوم قلت اغلبهم مايحسون فيها ههههههههههههه

اليوم بحاول احس ان كان فيه رجه ولا شي بركز تركيز مب صاحي ^_^

[اسم جديد]

أنا رصصت مرتين خلال سنة والسيارة ماشية اللحين 60000

[Abu Lujain]

هلابك اخوي

انا كنت اعاني من رجة خفيفة على ال100 وسويت حركة وضبطت

الا وهي تغيير الكفرات الامامية بالخلفية على شكل x مقص

اتمنى ان هالشي يفيدك .. وترى الاسباب تختلف من موتر لاخر

[عاشقـ الجنهـ]

بصراحة ما لا حظت هالرجة في السيارة ..

سو زي ما قالوا لك الأخوان غير موقع الكفرات بـx ..

[امرك عجيب]

شوف حد من خوياك معاه نفس الموتر وبدل الكفر بالجنط وجرب والا استأجر سياره نفسها وبدل لتجربه فقط

[مكتب]

إذا تبغا الرجة تروح نهائياً وتحس بثبات في الدركسون بدون رجة عليك بتركيب كفر بريجستون من نوع تورانزا إي أر 33 !!
أنا مركبة من سنتين لسيارتي الافالون وللأمانه ولا مرة حسيت برجة في الدركسون أو السياره مع الكفر المذكور في الأعلى , الرجة كنت أشعر فيها لما كنت على التويو حق الوكالة وأيظا لما كنت مركب كفر تويو ثاني مقاس 225 الاعرض .

مع العلم أنك حتحس بأن كفر بريجستون قاسي في المطبات لاكن أول ما تحط ظغط الهواء على 32 حتحس بأفظل

للمعلومية مع تجربتي للكفر من بريجستون ، وكيل بريجيستون قال لي أن النوع المذكور هو أفظل موديل عندهم من ناحية الثبات في الخطوط والسرعات العالية ، .

الكفر إسمه bridgeston turanza er 33 سعر الواحد ب 650 ريال للكفر ويعتبر ثاني أهداء كفر بعد ال gr80

هذا للي يبي ثبات ويبي مشكلة الرجة تختفي وشكرا

[EMAD AL-THABET]

أخوي قبل لا تغير أي شيء جرب غير كفرات إذا نفس المشكلة أرجع للشركة يشوفون إيش العطل فيها ..!!

لأن الرجة تجي من أكثر من شيء ( كفرات + ترصيص + هوبات + ...الخ ) ..!!

[نــاصـر]

مراحب اخواني
بصراحة الموضوع شدني كثييير لأني عانيت منه كثير ولا ابغى اكرر كلام اخوي كاتب الموضوع (الحر الاشقر) أنا فعلا رحت لم الوكالة وقالوا لي طبيعي في البداية اذا كان الهوب جديد وساعتها كان الجو بارد وامطار وقالو الموية والتراب لها اثر كبير الشاهد سويت ترصيص اكثر من مرة وبدلت الكفرات وخرطت الهوب واللي لاحظته يأثر بشكل مباشر هو خرط الهوب بصراحة تضبط السيارة لكن ما تتجاوز اسبوع وحد فقط .. سيارتي من شدة الرجة يتحرك الدركسون بيدي على سرعة 100 تقريبا واذا ضربت فرامل يزيد بشكل مزعج جدا .. ومع هذا كله تبقى السيارة روعة .. انا انصح بخرط الهوب عند العضيب او اي محل له سمعة طيبه وبأذن الله بتتأكد ان المشكلة في الهوبات ودليله ان الرجة تزيد مع الفرامل وهذا يؤكد ان المشلة في الهوب .. ,,,,,,

[المهــند]

والله انا عندي لك اقتراح يا عزيزي الحر الاشقر

إذا السيارة على الضمان دخل السيارة عليهم وقل لهم صلحوه ومو مشكلة امش معاهم ... ادفع فلوس الكفرات والهوب واذا ما نفع قل لهم خلاص ما عاد أبي السيارة

ووقتها بيخافون ويصلحونها لك

أتمنى تكون وصلت المعلومة

[صالح الرسام]

المشكلة ان الشباب حيرونا مره ميشلان مره تويو مره بريجستون ؟؟؟؟

ايش الافضل ؟؟؟؟