استفسار وطلب راي ومشورة لا تبخلون بالراي

[خوي الكامري]

نبي الشور من اهل الشور


انا عندي كامري 2002 والموتر ما عليه كلام ماشي زي الحلاوة
بس مشكلته القير عادي

وافكر بشكل جدي في التغيير


وحطيت عندي بعض الخيارات وابي تساعدوني في اتخاذ القرار وما خاب من استشار


1- اقضب ارضك وخلك على موترك دامه ماشي كويس وبلاش قروض (( يا دوبك مخلص قرضك الاول )

2- كامري 2009 & الانتظار الى 2010 ما فرقت .

3- فورتشنر 2009

=============

نجي للزبدة وهي الخيار بين الكامري والفورتشنر مع العلم بان طلعاتي للبر مو ذاك الزود

ومشاويري اليومية في الديرة عد واغلط ......



السؤال للي جربوا الفورتشنر هل هو وذف وسهل الحركة داخل الديرة او ثقيل طينه ووممل في المشاوير اليومية المتلاحقة طبعا نتكلم عن الستة سلندر

مع العلم بان العائلة اربعة نفر فقط منهم طفلين


والواحد صار وده يغير عن المواتر صغيرة ويحس انه كبر شوي

خاصة ان صغار السن هم مشجعين الكامري لكن الحق يقال الموتر ينطمع فيه لانه من خلال تجربه لك وللزمن واعتقد ينطبق على جميع فئات تويوتا



للحياد
صورة لقسم الكامري
صورة لقسم الفورتشنر

[bandar.sa]

يبووووي خذها مني
وش لك بالدين
ترى الدين عما عين وربي الواحد مايستانس برزقه من الدين
خذها منى
اانا مثلك معي كامري 2002 صح الموتر جايه كرف بس مايقصر حط القطعه وإنساها وبعدين عملي وحلو بكل شي
يعني ياحبيبي الكامري و بس وخصوصآ إذا كانت نظيفه
وعلى فكره انا الحين قلبت القير اوتماتيك يعني كان عادي وغيرته اوتماتيك بس خله لين يطلع إن شاء الله راح انزل موضوع عنه هنا
خذها مني انا كلامي طبعآ عن الدين بوجه الخصوص
ابعد عنه بقدر المستطاع وترك الهيـآآآآآآآآآآآآآط<***** ولا تزعل مني
خلك على مجنونك مشي وضعك لين تحس العائله صارت كبيره بعدها ذيك الساعه فكر بالتغيير
طبعآ هذى رئيي الشخصي

[خوي الكامري]

والله يا اخ بندر كلامك على العين والراس

لكن ترى من جد راحت اعمارنا وحنا نتحسر نشوف السيارات تخطم علينا من يمين ويسار


اخواني محتاج لرايكم لعلي استقر على راي معين وشكرا لكم

[أسير الجني]

حياك الله يا الغالي ...

أنا مع رأيي أخوي بندر خل عنك الدين ...

وبالنسبة للكامري 2002 حرام تفرط فيها ...

أنا كان معي كامري 98 وبعتها وأخذت كامري 2008 تبي الجد أني تحسفت كانت السيارة تصبر ولا تخاف عليها في الرياض زحمات ووجع رأس وكان القير عادي وحب للتغيير والكشخة قررت أغير...

وبعد شري الكامري 2008 صرت أخاف عليها حتى صرت قليل أطلع من البيت كلها من زحمات الرياض وما أحس أنها راسية في الخطوط زي 98 لأني أسبوعياً أتردد على سدير ... هذأ رأي حبيت أشاركك فيه وعلى فكرة أحس أني مليت منها وأفكر نفس تفكيرك بجيب فورتشنر من كم شهر ومتردد ....

[silver]

الكااااااامررررري لللبيععععععععع وكم حــــــــــــــــدك فيها اذا ناوي تبيع
واليت تعطينال الصور

[خوي الكامري]

اخوي اسير الجني


والله الموتر ما عليه كلام وماشي معي زي الحلاوة والحمد لله والشكر


لكن حب التغيير والقير العادي ممل جدا والموتر للعلم ان فاكه وكالة وعلى يدي

وما يسوقه الا انا يعني من سبع سنوات وسواقه واحد وكل سنة اسوي له صيانه من الى


وهذا اللي يخليني متردد كثير لان الموتر اعرفه مسمار مسمار واعرف وش فيه ووش ما فيه



ولكن راح على موديله الحين 8 سنوات ## يعني تقدر تقول اخذت حقي وافي منه


ولا زال با قي فيه حيل

[خوي الكامري]

اخوي silver

عطنا سومك ولا يوجد فيه حد