مشورتكم يا شباب ابي افالون xl

[التجميعي]

السلام عليكم
اخوكم جديد في المنتدى
رحبوبه

انا قررت اشتري سيارة في هذي اليومين ان شاء الله وحاط في راسي اوريون

سوري قصدي افالون xl لان البنك ما يعطيني الا 104 الف استشرت اصحابي واخواني قالوا يا تشتري فل كامل يا تبعد ايش رايكم


ويش الفروق الي ممكن راح اندم عليها في الليميتد بالنسبه الفتحة اقتنعت انها مهي سبب يخليني اضغط نفسي اكثر من اللازم واخذ الليميتد

وحبيت اسأل هل في ال xl ازرار في المقود (الدركسون) للتحكم بالمسجل


وهل هناك سيارة اخرى تنصحوني بها غير الأفالون ........... طبعا الاجابة راح تكون لا لأني في منتدى الأفالون


منتظر مشورتكم وارائكم ونصائحكم يا أهل الخبرة

ارجو من الي يرد يكتب نوع سيارته xl او ليميتد

[اويوني]

هلا بك اخوي

انا بقولك عن تجربتي مع الاكس ال بصراحة لميتيد او اكس ال ف النهاية تملك افالون


بس ان جيت للحق اللميتيد تفرق كثير عن الاكس ال من ناحية مواصفات الجلد و التخشيب و الفتحة و الكشافات و الطبلون لونه بالكامل زينون ابيض و ستارة كهربائية و جنوطها احلى طبعا

وفي النهاية شوف مقدرتك طبعا

وانا انصحك تاخذ لميتيد


انا عن نفسي افتنعت بها لاني حاسب لقدام و ما تندمت كثير واتوقع اني كنت راح اتندم لو اخذت اوريون و في النهاية هذي مسألة اذواق


وان شاء الله الاخوان ما راح يقصروا معك


موووووفق اخي

[ع ـبدالرح ـمن]

الله يوفقك ويحميك

نصيحة دام مبلغك كذا لك خيارين
الاول وانا افضله اوريون لانك بتاخذها جديدهـ وكالة عشان كذا افضله
الثاني افالون مستعمل موديل 2009 فل كامل او 2008 فل كامل بس ما انصح به مافيه مثل الوكالة باسمك

[ـعاشق لكزسـ]

خذ اوريون قراندي بدون شاشه ب100 الف احسن وافضل واكشخ من الاكس ال

[ابو عزيو]

بالنسسبه للـ xl
اييه في ازره في الدركسوون
وتقدر تتحكم في المكيف وفي المسجل كلها من خلاال الدركسون
وفيها مثبت سرعه
ومرتبة السواق اوتوماتيك
ويااخذ 6 سيدياات
وفيها 12 سمااعه
وفيها شاشة معلومات

يعني والله حلوووه

انا معااي xl 2008

تووكل على الله وخذها
وربي انا كنت مثلك راايح بشتري اوريون خلاااص بس ربي كتب اني آخ افالون
وحمدت الله اني ما اخذت اوريوون

وحط عليها شبك ليمتيد ,, وتخشيبه وتطلللع توووحفه
انا حااط شبك ليمتيد وتخشيييبه

والله يووفقك ياااارب ..


^_^

[عاشق الخبوب]

رايي لك

خذ اما فل كامل ولا خذ اوريون احسلك

خذ فل كامل ولا لا تاخذ

[أفالون جده]

اخوي افضل انك تأخد ليميتد مستعمل 2008 انا مأخدوو بـ 97 الف
ولا تأخد xl لانه الليميتد احسن وافضل بكثير منهآ
وادا ما تقدر ع الليميتد خدلك اوريون
ولا تنسى الاستخآرة

[افالون جديد]

كل له رأيه الخاص وفي إعتقادي الأفالون xl أكشخ بل أجمل بل أكثر هيبةبل أرسى من الأوريون بكل فئاته مع إحترامي الشديد لملاك هذه السيارة فخذ أفالون ولو رقم 10 .

[جروحك هدايا]

وعليكم السلام والرحمه

ايه نعم فيها ازرار بالدركسون للمسجل والمكيف

وترا الفرق بينهم كماليات
يعني الوجهيه تقلبها لمتد ب 1455 = قالبها من اسبوع

والتخشيبه شوف واحد من الشباب برده يقول مخشبها

اما الفتحه ماتفرق عندك
والجلد على ربك والتشغيل بالزر
وما اعتقد فيه فرق غيرهم مهم

والله يوفقك

[م.عمر]

ولا يزعلوا علينا اصحاب الxl
من ناحيتي اخذ مستعمل 2008 ولا اخذ اكس ال
في مستعمل اقل من 10 الاف ليميتد في حدود 105 لو دورت في قسم البيع تلاقي كم سيارة والافضل تنزل الحراج
لكن الافضل تنتظر 3 او 4 شهور جمع فيها 10 الاف وينزل موديل 2010 وتلاقي عروض حلوة على 2009 ويكون المبلغ في يدك
او خذلك اكورد فل كامل احسن جديدة من الشركة

[شبابي البترول]

والله ياخوي انصحك ما تاخذ اكس ال


حلاة الافالون في اللمتد


تقدر تاخذ مستعمل او اوريون جديد وانا انصحك بالاوريون الجديد


او جمع لك 20 الف وحطها على قيمة القرض وخذ افالون لمتد

[م.عمر]

ياخوي التجميعي
استخر ربك واحسب راتبك مرة واثنين
انت راتبك 7000 او اقل صح؟
ترى تحس انه القسط يشيل البركة من راتبك وانتبه لايكون عليك ايجار بيت ومايزيد من الراتب شي
احسبها صح قبل ماتقدم على الخطوة هذه ومو لازم تاخذ الحد الاعلى خليك على السياره اللي تقدر عليها
انا بالنسبة لي مع اني ساكن في بيت ملك وراتبي عالي لكن توبة السياره الجية بشتريها كاش باذن الله
التمويل تحس انه يشيل البركة من الراتب

[ـعاشق لكزسـ]

المشاركة الأصلية كتبت بواسطة فهد عاشق افالون [عزيزي الزائر يتوجب عليك التسجيل للمشاهدة الرابطللتسجيل اضغط هنا]

خذ اوريون قراندي بدون شاشه ب100 الف احسن وافضل واكشخ من الاكس ال

اقول توكل على الله وشوري عليك خذ اوريون دام توك شباب وانت تقول قرضك 104 خذ 101 احسن وطق لك اوريون

[TroubleMaker]

صدقني ماراح تلقى زي الافالون
يكفي الموتر وسيع من جوه وراحه لاتوصف وامان 9 ايرباقات

[افالون ابيض]

خذ لك ليمتد

[عاشق خيال]

السلام عليكم ..

الموضوع هذا راجع لك أنت بالذات أسأل نفسك

هل أنت شخص يهتم بالأكسسوارات والكماليات ؟

هل يفرق معك الجلد والفتحة والتشغيل بزر و التكييف بالمراتب ؟

وكل واحد ورأيه انا الحمدالله اخذت xl وانا مقتنع وعمري ما ندمت والله الحمد دام المكينة والقير والسعة وحدة خلاص ما يهمني الباقي وهذا رأيي الشخصي طبعاً .

ولاتنسى ان الافلون فئة أعلى من الأوريون وأمكانياتها وحجمها أكبر.

وأنصحك تستخير وانا اخوك والله يكتب لك الي فيه الخير .

[وحش الهولدن]

حبيبي

دور على افلون لمتد 2008 بتلقى بحدود الـ 100

تر الفرق بسيط بين 2008 و 2009 في اللمتد
اعتقد بس الزعنفه

لكن فيه فرق شاسع بين اكس ال ولمتد

[مالك الأفاالون]

فرق السما عن الارض ,,

فرررررررررق كبير ,,

زي ماقالك م.عمر

احسبها زيييييييييييييييين .. قبل لاتشتري

[سعودي وكلي فخر]

فرق كبير

كشافات /شبك /جلد /طبلون /فتحه /جنوط /تكيف مراتب / تخشيبه/ تشتغل بمفتاح


واشياء كثيره

[حآلتي حآله]

آسمع وانا اخوك
اللي يقولك خذ ليمتد مستعمل بـ 100 الف ماعنده سالفه
مع احترامي للجميع
يعني دافع 100 الف وبالنهاية سيارة مستعمله ومستحيل تضمنها
طيب مادام بتاخذ مستعمل
ليه تاخذ افالون ؟؟
ياخوي خذ لكزس

واللي يقولك خذ اوريون بـ 100 الف هذا غشك
لانها بالنهاية كامري
ديكورها وشكلها
الفرق بس فيها شاشه

يعني حرام تدفع 100 الف على كامري

طع شوري
افالون xl والله ماتندم
ترى الفرق بالاكسسوارات فقط
والا السياره هيا هيا