[ابو دلع]

كيفيكم شباب انشاء الله بخير

كثير من الشباب يقلي ليش اخذت لكزس كان اخذت bmw الفئة الخامسة او انفنتي G35

فحبيت اخذ رايكم في هذي السيارات وعمل مقارنة بينهم

يعني كل واحد يكتب الا يعرفة عن هذي السيارات وايهما افضل في المواصفات والمحرك

الفخامة وسعر البيع وايضا سعر الشراء

يعني لاحد يبخل علينا بمعلومة صغيرة ممكن تكون مفيده

وشكــــــــــــــــــــــــــــرا

[حسينوو]

ماعرف شي عن البي ام والانفنتي

بس اللي اعرفه ان الانفنتي سعرها نازل تحت لانها ماهي مرغوبة مثل البي ام واللكزس

[إيسوزاوي]

الانفنتي Q45 تلقاها موديل2004 في حدود ال120 ألف! فما بالك بالـg ؟
اما البي أم أكيد انها حلوه لكن صيانتها و قطعها غاااليه

[اليث الابيض]

يسعدني اني ارد عليك اول شي نبدا بالانفلتي :
محرك الانفلتي يتكون من 6 اسطوانات 3,5 لتر وقوته 327 حصان وموديل 2007 الجيل الثاني من هالسياره الانوار الامامية شديدة الاضائه طراز Hid زينون والانوار الخلفية طراز Led
النضام الصوتي فيها طراز بوس العالمي طبعا اقواء من المنافسين مع 10 سماعات واوفر وهي تتوفر بعدة موديلات وسعراها من 156 الف ريال ممكن يتغير هاذا السعر بداية نزولها الاسواق
Bmw الفئة الخامسة مع انها خارج المنافسة لانها اكبر وافخم من السيارتين الي قلتها بس يالله :
لها عدة محركات تبداء بالاساسي وهو 6 سلند 2,2 ليتر 170 حصان وتنتهي بي المحرك الجبار في M5 وهو 5 لتر 10 اسطوانات وقوته 507 احصنه القير بوكس فيها يدوي 6 سراعات او الي 6 سرعات وفي الm5 7 سراعات الية وهي طبعا افخم من السيارتين المذكورات وسعرها يبدا للفئة الخامسة العادية من 150 الف وينتهي بي 289 الف اما M5 يمكن يوصل 400 الف ريال
الكزس Is :
محركها 3 لتر وقوته 228 حصان في الخارج تتوفر بمحرك 3,5 وقوته 306 حصان وهي من اوائل سيارات لكزس الجديده التي تعتمد على فلسفة التصميم الجديده لدى لكزس المسماه ( ال فينس ) والقير بوكس الي من 6 سرعات امامية

اذا كنت تبغى الافضل تقنيا الترتيب كاتالي :
1-bmw
2-لكزس
3- انفنتي
اما القوة :
1-bmw
2- انفنتي
3- لكزس
الاعتمادية في التصنيع وهاذا منقول من برنامج سيارات امريكي :
1- انفنتي
2- لكزس
3- Bmw
ارجوا اني اكون افدت بمعلوماتي اما اذا بغيت رايي Bmw افضل لانها الاكبر والافخم

[خبرة سيارات]

الليث الأبيض كلامك صحيح .

تحياتي ,,,