[كنافه]

شفت في محل زينة وهو محل راقي ومشهور قير اتوماتيك مخشب وودي أركبه في سيارتي لكني تخوفت يوم قال لي لازم كهربائي يركبه لك ويفك راس القير اللي عندك ,,,
المهم القير شكله حلو مره ياجماعه وقيمته تقريبا 250 ريال هل ياأصحاب الخبرة تنصحوني أركبه ولا لأ ... خاصة اذا لاسمح مستقبلا يطلع مشاكل ولا شي ,,,,,

[دليهان]

بسم الله الرحمن الرحيم

الاخ : كنافة

السلام عليكم تحية طيبة

اخي العزيز اتمنى بأن تحافظ على سيارتك من لعب اللي يسمون انفسهم ميكانيكية أو كهربائية أو غير ذلك؟؟
علما اخي العزيز بأن هذه الاشياء اشياء كمالية00
نصيحة لا يجيبلك تركيب هذا التخشيب مشاكل لا نهاية لها0

وفقك الله الى ما يحب ويرضى00

اخوك : دليهان

[بوجمـــعه]

انت قصدك يبدل القبضه صح !؟

عادي ترى مافيها شي

مجرد يبطل كور واركب كور ^_^

[مطلووب]

عادي ياشيخ روح والقلب دااااااااااااعيلك (مطلووب)

[كنافه]

أخواني دليهان , بوجمعه , مطلوب
ألف شكر لمروركم .......

[قاعد الحالي]

اخوي انا مسويها في الوكاله بـ 300 ريال وهم الي فكوها وركبوها لي لكن ما دفعت ولا ريال علشانهم زعلوني وحبو يراضوني علشان سيارتي تأخرت عندهم وطلبتها وركبوها ويوم سألت عن سعرها قال كذا

[المرزوقي]

اذا فرق 50 ريال


ركبها فالوكاله افضل

[كنافه]

يعطيكم العافية اخواني انا ركبتها عند كهربائي لكن يوم ركبها وخلصت يوم جا يشيل المفتاح من السويتش مو راضي ينشال يوم ركب الأصلية حقتها على طول انشال المفتاح ,,,
مدري وش المشكلة .......

[حسونه]

أخوي كنافة
الشباب قالو لك لا تركب ماسمعت كلامهم
وشفت إلى صار
يا أخي في أشياء حساسه في السيارة
لا تحاول تلعب فيها على الأقل الآن
يعني أنتظر كم سنة يا أخي أنا أتذكر
الأنوار الزنون أول ما نزلت السوق
وأشوفها الأن على دبابات باكستانيه

[قاعد الحالي]

من جد اخوي ما تفرق 50 ريال ركبها في الوكاله انا معي جي اكس ار 2007 فل

وركبتها في الوكاله بـ 300 لكن ما دفعت فلوسها