[مشتاق للجنة]

السلام عليكم ..



هذه اول مشاركة في هذا المنتدى الطيب ..




انا اشتريت لكزس 430 (الترا) كامل مواصفات موديل 2004 قبل يومين تقريبا بقيمة 158 الف درهم اماارتي.. السيارة وارد امريكا.. وهي نظيفة جدا .. .. ماادري شو رأيكم بالسعر ؟؟
وبعدين هل هناك فرق بين المواصفات الخليجية والامريكية ؟؟

[النمر الاصفر]

والله الظاهر اذا الدرهم الاماراتي يتعاادل مع الريال السعودي فاا والله اشوفها شوووووووويه غاليه
بس لا تنسى انو هذي لكزس وخصوصا استعمال امريكي يعني سكك نظيفه ونظام يمشي على الكل

وبالنسبه للمواصفات ما اعتقد في الكزس في فرق لانو شركه لكزس الخليجيه متعامله بجميع المواصفات
الي تجي في امريكا والدليل انو حال وصولها في امريكا في نفس وقت وصولها في الدول الخليجيه

وبالتوفيق حبيبي واللـه يعطيك خيرها ويكفيك شرها

[مشتاق للجنة]

المشاركة الأصلية كتبت بواسطة النمر الاصفر

والله الظاهر اذا الدرهم الاماراتي يتعاادل مع الريال السعودي فاا والله اشوفها شوووووووويه غاليه
بس لا تنسى انو هذي لكزس وخصوصا استعمال امريكي يعني سكك نظيفه ونظام يمشي على الكل

وبالنسبه للمواصفات ما اعتقد في الكزس في فرق لانو شركه لكزس الخليجيه متعامله بجميع المواصفات
الي تجي في امريكا والدليل انو حال وصولها في امريكا في نفس وقت وصولها في الدول الخليجيه

وبالتوفيق حبيبي واللـه يعطيك خيرها ويكفيك شرها

مشكور اخوي على الرد وبانتظار ردود الاخوة

[المسـافر]

والله اخوي انا اذكر شايف 430ls 2004 ( من الوكيل ) ماشية 10000 كم ... نظيييفه ... مسيومه بـ 160 ألف ريال .

هذا الكلام قبل تقريبا 4 شهور .

[قاصد محبه]

سعر 2004 Ls430 مابين يزيد وينقص عن 150000 ريال سعودي . النظيف
لان واحد من العيال مأخذ وحده قبل شهرين وباعها الان بس مدري بكم باعها لون لولوي
شاريها بـ 140000 بس مو ذيك النضافه وماشيه شوي. بعدين اللكزيس مالها سعر معين يحكمها الممشى والنضافه - انا اذكر من سنه ونصف تقريبا شايف 96 Ls400 نضيف جدا ريحت الوكاله ما زالت موجوده فيها ماشيه 62000 تقريباً حاده راعيها 66000 ريال ، مع انها ما تسوى الا من 40000 وفيها

[حبوب العين]

سعرهاا غالي شوي اخوي ..

وسعر ال2004 حوالي في الامارات ونظيفه ومب ماشيه وايد وحدها ((140000))

والف مبروك ع السياره اليديده والله يعطيك خيرها ويكافيك شرها..

[أسير الهمسات]

أشوف السعر غالي شوي
لأني شايف وحده وارد ونظيفه موديل 2002
في حدود الـ 100 ألف

[مشتاق للجنة]

المشاركة الأصلية كتبت بواسطة حبوب العين

سعرهاا غالي شوي اخوي ..

وسعر ال2004 حوالي في الامارات ونظيفه ومب ماشيه وايد وحدها ((140000))

والف مبروك ع السياره اليديده والله يعطيك خيرها ويكافيك شرها..

هلا اخوي
انا اقصد ( الالترا ) فل مواصفات

وانا حصلت 2004 بدون مواصفات ب 130 الف ..

بصراحة انا لفيت معارض دبي اللي في العوير ... وسرت معارض الشارجة ... وتصدق اول مادخلت معارض العوير شفت لكزس في معرض ( نايس كار) اذا تعرفه ... لونها فضي وااااايد نظيفة موديل 2004 وكان مطلوب فيها 150 الف درهم مع العلم انها (نص الترا) ... المهم انا قلت مابستعجل وسرت ولفيت اغلب المعارض وسرت الشارجة .. بس ماحصلت مثل نظافة ذيك السيارة ... المهم لما رجعنا المغرب للسيارة حصلت شابين يدفعون العربون وتندمت كثييييير اني ماخذتها قبل ... المهم صاحب المعرض قال شي لكزس في معرضه الثاني ( الترا) يعني اغلى وانظف من هاي .. وسرنا وشفناها بس وااايد حلوة .. المهم توكلت على الله وخذتها ... والحمدلله ..

[اربعميه وثلاثين]

معقوله اسعار الامارات اغلى من عندنا؟؟

سيارتك مثلها بالرياض الوكيل بعد ب130 الف بالراحه فما بالك بالامريكي

انا معروض علي لكزس سعودي فل كامل ب140 وموديلها 2005

[ابورحب]

الله يبارك لك فيها وتكسر اللكزس بالعافيه
ماهي الفائده من تقيمي لسيارتك وانت اشتريتها
وفقنا الله واياكم الى الجنه

[خووفوو]

شبااااااااب الي عنده لكزس للبيع يقووولي واناا شراااي بس ماا يتعدي 130 ومديلهاا 2004 وماا فوووووووووق هذاا رقم جوالي =0556554404

[ريحة الوكالة]

السلام عليكم شباب
هذي أول مشاركة لي في المنتدى وأرجو أن تكون مفيدة
بداية أبارك للأخ مشتاق للجنة والله يعطيك خيرها ويكفيك شرها
السيارة أخي جميلة جدا والمواصفات الامريكية أفضل من الخليجية بكثير
فعلى الاقل لا يوجد في الخليجي رادار وهو مثبت المسافة بينك وبين السيارة التي أمامك
كما يوجد بعض الاوامر الصوتية في نظام الملاحة الملغاة من سي دي الخليجي
انا والحمد لله أجيب سيارات من امريكا من صديق امارتي يعيش هناك وعنده معرض في امريكا
قبل شهر بعت موديل 2005 نص الترا ريحة الوكالة ماشية 12.000 كلم ذهبي ب 162.000 درهم
بس احب أحذر الاخوة اللي ما يعرفون في الوارد من السيارات الغرقانة