[رومنسية البدر]

السلام عليكم ورحمة الله وبركاته

ياشباب لاحظت ناس واجد تسأل عن أسعار الصيانه الدوريه للإفالون .. وحسب التزامي بالصيانه لاحظت مايلي :

1- صيانة ال ( 1000 ) ك.م = مجانية
وتشمل : شد الهيئة الأمامية والخلفية وتبدل زيت المكينه والفلتر

2- صيانة ال ( 5000 ) ك.م = 10 د.ك = 120 ر.س تقريبا
تبديل زيت المكينه والفلتر + تنظيف فلتر الهواء

3- صيانة ال ( 10000 ) ك.م = 25 د.ك = 300 ر.س تقريبا
تبديل زيت المكينة والفلتر + تنظيف فلتر الهواء + شد الهيئة الأمامية والخلفية + تشحيم الأقفال ومفاصل الأبواب وجميع النقاط التي تحتاج إلى التشحيم + غسيل المكينه بالبخار + غسيل السيارة كاملا

4- صيانة ال ( 15000 ) ك.م = 10 د.ك = 120 ر.س تقريبا
تبديل زيت المكينه والفلتر + تنظيف فلتر الهواء

5- صيانة ال ( 20000 ) ك.م = 76 د.ك = 1000 ر.س تقريبا
تبديل زيت المكينة والفلتر + تنظيف فلتر الهواء + شد الهيئة الأمامية والخلفية + فحص وتبديل السفايف ( الفحمات ) وخرط الدسكات ( الهوبات ) إذا لزم الأمر+ فحص الإكسات ( العكوس ) + فحص مجمع السكان ( مجمع الدركسون )وضبط عيار الزيت وتربيط الأهوزة + تشحيم الأقفال ومفاصل الأبواب وجميع النقاط التي تحتاج إلى التشحيم + غسيل المكينه بالبخار + غسيل السيارة كاملا + فحص الطريق

وبصراحه أشوف سعر صيانة ال 20000 مبااااااااالغ فيه..
ولو تلاحظون إلى ال 20000 لم يقوموا بما يلي :
تبديل بلاكات + تبديل غايشات ( السيور ) + تبديل فلتر البنزين + تنظيف البخاخات + تبديل زيت القير مع الفلتر

ولما سألتهم متى راح تسوون هالشغلات قالوا لي على صيانه ال 80000 إن شاء الله

الله يستر كم بيكون سعر هالصيانه 4000 ر. س .؟؟؟؟؟؟؟؟؟؟؟؟؟؟؟؟؟؟؟؟؟ ..!

ولو تلاحظون أسعار الصيانه التاليه ( 5000 - 15000 - 25000 - 35000 - 45000 - 55000 - 65000 - 75000 .. الخ )
أسعارها ثابته لأنها تشمل فقط تبديل زيت المكينة والفلتر + تنظيف فلتر الهواء

هذي الصيانة اللي مريت فيها .. وسوف نخبركم بالمزيد قريبا

تحياتي لكم
إبـــ عبدالله ــــــو

[*الغامدي*]

اخووي ابو عبدالله والله الصيانه حراميه بالوكاله ونصيحتي لك غير ززيت براا والاقمشه او اي شيء اخر عندما تنتهي حيووضح لك من الصوت اللي يطلع فيهاا واي عيب مصنعي طب الوكاله والعن خيررهم

انا عني سأكتفي بصيانة ال10000 وبعدها ماحيشوفوا وجهي الا لعيب مصنعي وقبل مادخلها الصيانه حشيك على الزيت وبعد ماطلعها حشيك عليه اخاف مايغيروه لأن واحد صاحب لاند كروزر صارت له نفس المشكله اخذوا فلوس على الفاضي

[انا عزوز]

مـشـكــــور اخوي بوعبدالله يعطيك الف عافية على التوضيح

سمعت من صاحبي انك تقدر تغير تكاليف الصيانة الثابتة يعني 15000 عليهم تخليها عليك و20000 عليهم وهكذا
تحياتي ..

[الغريب11]

شكرا على التوضيح هالاسبوع توصل السيارة وبنشوف الافالون

[رومنسية البدر]

المشاركة الأصلية كتبت بواسطة *الغامدي*

اخووي ابو عبدالله والله الصيانه حراميه بالوكاله ونصيحتي لك غير ززيت براا والاقمشه او اي شيء اخر عندما تنتهي حيووضح لك من الصوت اللي يطلع فيهاا واي عيب مصنعي طب الوكاله والعن خيررهم

انا عني سأكتفي بصيانة ال10000 وبعدها ماحيشوفوا وجهي الا لعيب مصنعي وقبل مادخلها الصيانه حشيك على الزيت وبعد ماطلعها حشيك عليه اخاف مايغيروه لأن واحد صاحب لاند كروزر صارت له نفس المشكله اخذوا فلوس على الفاضي

اخوي الغامدي .. أشكرك على المشاركه ..
بس انا بصراحه .. ادخل السياره الصيانه وأكون واقف على السياره لين تخلص .. ومرتاح حيل من شغلهم واهتمامهم بالسياره ..
ياخوي كافي لما تنتظم على الصيانه تحس سيارتك جديده .. حتى لو وصلت 60 او 80 او حتى 100 الف
صيانه دوريه للسياره وتكون متابع سيارتك وعارف شنو اللي تبدل من اللي ماتبدل

انا قبل الأفالون كان عندي كامري 2002 .. بصراحه بعد صيانة ال 10000 مادخلتها الوكاله كلش..
بس بعد فتره توسوس بالسياره .. من يطلع صوت او يتغير عندك شي .. ماتدري وين المشكله .. وانت عارف أنك مو مغير شي بالسياره من طلعتها .. ف تحتار.. السياره فيها قطع لازم تتبدل بين فتره وفتره .. والهيئة لازم تنشد ويتشيك عليها .. وغيره وغيره وغير ...

الصيانه حلوه .. بس لما تكون واقف على روسهم

تحياتي لك

اخوك بو عبدالله

[رومنسية البدر]

المشاركة الأصلية كتبت بواسطة انا عزوز

مـشـكــــور اخوي بوعبدالله يعطيك الف عافية على التوضيح

سمعت من صاحبي انك تقدر تغير تكاليف الصيانة الثابتة يعني 15000 عليهم تخليها عليك و20000 عليهم وهكذا
تحياتي ..

اخوي الغالي انا عزوز

بصراحه ماسمعت عن هالشي عندنا بالكويت

وشاكرلك يالغالي على المشاركة

[رومنسية البدر]

المشاركة الأصلية كتبت بواسطة الغريب11

شكرا على التوضيح هالاسبوع توصل السيارة وبنشوف الافالون

العفو يالغالي

والله يعطيك من خيرها ويكفيك شرها

[البروفسيور]

انا سويت صيانة ال 10000 عند عبداللطيف جميل فرع المروج في الرياض اخذ 395 ريال وطلع السيارة زي ماهي موية اللديتر ناقصة شوي ما زادها و موية المساحات ناقصة والمكينة مغبرة زي ماهي لاتنظيف ولايحزنون كلها نصب في نصب واشتكيت على الرقم المجاني وفعلا تفاعلوا معي واتصلوا خدمة العملاء وقال ودي السيارة للمهندس يضبط الاشياء الناقصة ولا رحت وطنشت لانه الله اعلم هذا الي لاحظته بس الاشياء المخفية ماتدري يغيرونها والا لا مثل الفلاتر والبواجي وغيرها ......... الله اعلم

[ماجد نت]

مشكور اوي على الموضوع وسبق اني كتبت موضوع مشابة للاستفسار

ويعطيك الف عافية

بصراحة انا اشتركت مع شركة عبدالطيف جميل في منتج اسمه كسبان بسعر 5000 ريال تقريبا
ستين الف كيلو او ثلاث سنوات

ما ادري ايش رايكم في العرض

[*الغامدي*]

اخوي ابو عبدالله شاكر لردك ولاكن عندنا بالسعوديه مستحيل تدخل وتوقف على سيارتك هذا بالاحلام واما الاشياء الأستهلااكيه فتغيرهاا متى ماتنتهي وانا معك ان الوكاله يكونوا افهم في هالامور ويغيروا الاشياء المهمه ولاكن اسعارهم ناااااار

[حنون]

انتبهوا من الوكالة , انا قد دخلت سيارتي عندهم للصيانة وغيروا الزيت والفلتر ويوم طلعت بالسيارة وجيت من بكرة باشغلها والقى زيت تحتها ورحت لأقرب محطة طلعت في ربله بالسيفون هم ما ركبوها !!! والله خوش وكالة خخخخخخخخخخخخخخ

المهم زودت الزيت وغيرت السيفون واخذت فاتورة ورحت لهم وخصموها لي من قيمة الصيانة اللي بعدها

بالتوفيق يالغالين وانتبهوا لسياراتكم