[منيصير]

الســـــــــــلام عليكــــــــــم..

ممكن تفيدوني يا الشريطيه ..
لقيت لكزس 430 موديل 2003 طبعاً ما يخفى عليكم موديل 2003 الشكل اللي مانزل فيه شاشة ملاحة
السيارة ماشية 10.000كم فقط واللون سماوي ومن داخل هلوز وأكياس الوكالة لين ألحين عليها و الموتر جديد ومن ابو جميل والرجال يبغى 145000ر.س وش رأيكم؟

ملاحظة :
2001و2002و2003 الشكل القديم و 2004و2005و2006 الشكل الحالي
يعني حطوا الملاحظة بين عيونكم..

تحياتي للجميع..

[مناصر]

ماشاء الله 10,000 بس

صراحه هذي لئطه وين لقيتها ؟؟

اذا الموتر مافيه صدمات ولا حكات اتوقع
135,000 سعر مناسب اكثر من كذا تلقى لك 2004

[مناصر]

على فكره تراني منب شريطي

[ابوصالح]

هلا اخوي منيصر
كانت فيه وحده قبل(( اكثر من سنه)) مثل هالمواصفات 2003 بدون شاشه كانت ماشيه 8 الالف بس وراعيها شايب ولونها داكن كان يبيها ابو الشباب ب 155 وخويي رص عليه ب 150 ولاباع واخذ 2005 فيها شاشه صحيح كانت ماشيه اكثر بس احلى مواصفات واطور موديل

باختصار هذا سعرها كسياره نظيفه لكن الموديل والمواصفات تلعب دور
اذا كنت راغب السياره ولاتهمك مواصفات مثل شاشة ملاحه وغيره فااتكل على الله واذا تقول لا فالخيار لك اولا واخير


والسلام عليكم

[بو سعود]

الله يوفقك ان شاء الله

اشوف سعرها حلو

[مسلم سعودي]

شفتها عند معرض العمري
بس يحبيبي اللون حقها باهت وبيني وبينك حرام فيها هل السعرررررررررررررررررر ويكفي شكلها موديل
2001 انصصحك لالاتتوهق

[منيصير]

السيارة ماهي في المعارض يامسلم سعودي عند واحد من الجماعة..
للمعلومية فقط
شكراً على المرور ..

[ابو دباج]

الله يوفقك ان شاء الله

[أبـوفـهـد]

اخوي انا في رأيي انك تدور فوق الـ 2004 لانها مثل ماتعرف من ناحية المواصفات والشكل فرررق كبير يستاهل الواحد حتى يدفع فيه زياده وصدقني راح تلقى وحده ممشاها قليل بس يبيك تصبر وتدور زين الين ماتطيح على وحده إن شاء الله

بالتوفيق لك اخوي

[البانداس]

اقول لاتستعجل لانه بيني وبينك 2003 حرام تاخذها بهذا السعر حتى لو انها ماشية 10.000
الله يكتب لك مافيه الخير تحياتي

[البانداس]

اقول لاتستعجل لانه بيني وبينك 2003 حرام تاخذها بهذا السعر حتى لو انها ماشية 10.000
الله يكتب لك مافيه الخير تحياتي

[حبوب العين]

نصيحه لا تاخذه هاللكزس...

وخذلك من الشكل اليديد من 2004 وفوق ..

وسعر هاللكزس غاليو وايد عندنااا في الامارات وحرام والله تشتريه بهالسعر وهذا رأيي...

والله يوفقك اخوي...

[كمر اركب ياقمر]

السلام عليكم ورحمة الله وبركاته ...

أخباركم .. يا اصحاب الهي هاي اللكزس ياكاشات انتم خخخخخخخخ

اتمنى اشوف صور لكزس 430 .. 2005 اللون ابيض