[مهووس الافالون]

بسم الله الرحمن الرحيم

اما بعد ...





يا اخوان الاافالون سياره دلوعه وفخمه و روز وكشخه وكل شي بها وسياره الى الان اثبتت انها سياره ماسكه سعر الى حد معين ولكن يا اخوان ملا تلاحظون حاجه

وانه قياده السياره غير مريحه يعني جامده شوي يعني انا قبل اسبوعين طلعت جده واستأجرت اي اس 350 لكزس 2007 السياره مريحه بشكل اكبر من الافالون واكل المطب وانا مرتاح بينما الافالون تحس انها جامده عند المطاب والحفر البسيطه وكذلك الشوارع غير الممهده بشكل طيب يعني متقشر تحس ان احد يلعب وسط راسك كيرم

هذا اكبر شي قهرني بالافالون مع الشاشه ... ؟؟

[الباااااريسي]

اول شي ياحبيبي انا جربتها ولا احس فيه مشاكل بالنسبه للراحه تاكد من عيار الكفرات عندك ممكن يكون عالي
ثاني شي ما سالت نفسك ليه قارنتها بلكزس وما قارنتها بالكامري ؟؟
اللكزس سهرها اكثر من سعر الافالون طيب والكامري سعرها اقل من سعر الافالون اذا الافالون جاأت متوسطه في سعرها وفي راحتها بين اللكزس والكامري يعني هي افضل من الكامري في الراحه واقل من اللكزس في الراحة
ولو الافالون مثل اللكزس بالراحة وفيها شاشه مثل منت تتمنى ياخوي ماحد بيشتري لكزس يشتري افالون ويحط الفلوس الباقيه في جيبه

تحياتي

[نــــاصر]

تأكد من الكفرات اخوي يمكن يكون ناقص هواها او مشكلة فيها

[عبسي]

كلامك صحيح ........

[الفيتو]

السلام عليكم

اسمحلي اخوي اني اختلف معك ، قيادة الأفالون جداً مريحة ولكن انا لي ملاحظه اخرى ان قيادة الأفالون ليست ممتعة ،، ماادري وش رايكم يا شباب

[*الغامدي*]

واحد مو مريحه وواحد مو ممتعه انا شاري كنب ولعبة بلييشتيشن امززح لاتعصبوااا

بالنسبه لي مقارنة بسعرهاا وبمثيلااتهاا من الشركات الاخرى كالكابرس وغيرهاا فالسيااره رااائعه وتتفوق عليهم بمرااحل كبيرره

ورد الباريسي مقنع ووافي ولاكن انا ركبت لكزس وسقتهاا اي اس 350 مع احد اصحابي والله نفس الافالون ماحس هناك فرق
واعتقد الصوت اللي يطلع في الافالون لما تمشي فوق اسفلت متقررش بسبب الاطارات

[مهووس الافالون]

المشاركة الأصلية كتبت بواسطة الباااااريسي

اول شي ياحبيبي انا جربتها ولا احس فيه مشاكل بالنسبه للراحه تاكد من عيار الكفرات عندك ممكن يكون عالي
ثاني شي ما سالت نفسك ليه قارنتها بلكزس وما قارنتها بالكامري ؟؟
اللكزس سهرها اكثر من سعر الافالون طيب والكامري سعرها اقل من سعر الافالون اذا الافالون جاأت متوسطه في سعرها وفي راحتها بين اللكزس والكامري يعني هي افضل من الكامري في الراحه واقل من اللكزس في الراحة
ولو الافالون مثل اللكزس بالراحة وفيها شاشه مثل منت تتمنى ياخوي ماحد بيشتري لكزس يشتري افالون ويحط الفلوس الباقيه في جيبه

تحياتي

يا هلا وغلا اخوي الباريسي الله حييه وبقه بعدين بشويش مالك جيتني كلك بشويش اخوي

بالنسبه لمقارنه الكامري للافالون انا مو معك بهذي ابدا ايش جاب الكامري للافالون فخل عنك الكامري مو على جنب ولكن كنلسها من مزاجك .... اما بالنسبه للكزس فانا اصنف الافالون من فئات اللكزس بتقول ليش ؟؟؟ اقولك ان تصميم الافالون تصميم لكزس بالاساس ولاحظ وجه الشبه بين 460 والافالون ثانيا القير والمكينه مكينة لكزس ثالثا ان الافالون هي السياره الوحيده من سيارات تايوتا اللي تصنع في كندا مثل اللكزس ... اما بالنسبه لو انهم حطو الشاشه والراحه اللي باللكزس بالافالون راح تروح اللكزس فاقولك لا هنا تجي لعبه الشعارات وخلني اضربلك مثال بسيط لو ان كلامك صحيح لكان انطبق على الاوريون كل ما هو موجود بالاوريون موجود بالافالون الا اشياء بسيطه مثل بصمه الشنطه تخشيبه الدركسون وغيره ومع كذا كلهن تايوتا وشلون اذا اختلفت الشركه بالكليه طيب اقدر احط الشاشه والراحه بالافالون واخلي مثل مدخل الاي بود وتغيير النمره العادي من الدركسون ومثل هالاشياء البسيطه الفرق بينها وبين الافالون مثل مابين الافالون والاوريون وتحياتي لك اخوي .......

[مهووس الافالون]

ناصر عبسي الفيتو الغامدي تحيـــــــــــــــــــــاتي لكل واحد فيكم واقول يا اخوان انا احب الافالون وودي انها تكون افضل من اللكزس ولكن نكون واقعيين شوي السياره تفتقد النعومه والسلاسه مثل ما باللكزس ...

[مهووس الافالون]

اما بالنسبه للاطارات هن نفسها اطارات الوكاله لا غيرتها ولا شيء ....

[انا عزوز]

المشاركة الأصلية كتبت بواسطة نــــاصر

تأكد من الكفرات اخوي يمكن يكون ناقص هواها او مشكلة فيها

اتفق مع الشباب اكيد عيار الكفرات انا صارت لي قبل وصارت المشكلة من الكفرات

بعدين واحد من اصحابي معاه LS 430 ساق سيارتي ويحلف لي مايحس بفرق وهذا شي طيب

ملاحظة : صاحبي اموون عليه يعني لحد يقول يجامل

واخيرا وليس اخراً اقول لاخي "مهووس الافالون" دائماً يقال ( الزين مايكمل حلاه )

وسلامتكم

<------ متأثر بشاعر المليون

[الباااااريسي]

المشاركة الأصلية كتبت بواسطة مهووس الافالون

يا هلا وغلا اخوي الباريسي الله حييه وبقه بعدين بشويش مالك جيتني كلك بشويش اخوي
.......

حبيبي مو جيتك كلي ولا شي وانت تبقى اخ وعزيز بس انا ابديت وجهة نظري بالحجج والبراهين او تبيني بس اقول الافالون مريحة واسكت ؟؟
وعموما المنتدى هذا مفتوح للمناقشة والاستفاده ومنك استفيد

المشاركة الأصلية كتبت بواسطة مهووس الافالون

الافالون ثانيا القير والمكينه مكينة لكزس ثالثا ان الافالون هي السياره الوحيده من سيارات تايوتا اللي تصنع في كندا مثل اللكزس

ابد يالغالي ماهو صحيح اولا مكينه الافالون تختلف اختلاف جذري عن مكينه اللكزس يعني هذي لها قطع غيار خاصه وهذي لها قطع خاصه ولا فيه شي من قطع مكينه اللكزس يركب على الافلون تروس او معدات او بواجي او اي شي ولو المكينه نفس مكينه اللكزس معناها اهرب من الافالون بيصير قطع غيارها غالي نفس اللكزس تماما

ثانيا تاكد من معلومتك يا عزيزي اللكزس صناعه يابانيه مئة بالمئة ولا فيها ولا مسمار امريكي بخلاف الافالون
تحياتي لك

[السياسي]

هي ليست بالراحة التامة والكاملة عند سياقتها وانما احسن من السيارات الاخرى التي تأتي اقل مستوى من الافالون ولكل سيارة اسلوب واداء معين ومحدود
وبصراحة هي مريحة بس مثل اللكزس اريح وافضل ........

[هاوي الليــــل]

المشاركة الأصلية كتبت بواسطة مهووس الافالون

ثانيا القير والمكينه مكينة لكزس

فعلا اخوي المكينه نفس مكينة اللكزس es350 .. ولكن الجير سلامتك مختلف اختلاف جذري .. الافالون 5 سرعات واللكزس 6 سرعات .. وارجع للكتالوج وبتعرف

المشاركة الأصلية كتبت بواسطة مهووس الافالون

ثالثا ان الافالون هي السياره الوحيده من سيارات تايوتا اللي تصنع في كندا مثل اللكزس

سوووووووري .. معلومه خاطئة .. اللكزس 100% صناعة يابانية ... اما الافالون فصناعة امريكية

ولا يوجد وجه مقارنه بين اللكزس والافالون لان هناك فوق ال 19 فرق بينهم لصالح اللكزس .. ولا يتشابهون سوى بالماكينه فقط .. وتتفوق الافالون بالسعة الداخلية فقط

حبيت اضيف هذا التعليق واسمحوا لي على المداخلة

[المغبون]

حسب افادة موظف الصيانه بتيوتا يقول ان مكينة الافالون نفس مكينة لكزس gs2006 ومايختلف الا العلامة .