[هو ها هي]

أنا سيارتي أوريون جراندي


يوم الخميس الساعة 9 ليلاً جاء حرامي وكسر زجاجة السائق طبعاً كنت مظلل السيارة فما قدر إلا إنه يدخل يده عبر الفتحة اللي كسرها في الزجاج وفتح الباب وسرق كل اللي في الدروج استمارة وسيديات ومحفظة وتقريباً فتش كل السيارة وراح واغلق الباب.

طبعاً العيب هو إذا قفلت السيارة بالريموت أو عن طريق الزر اللي على الباب لقفل الأبواب فإنها تقفل

ولكن أي واحد يكسر الزجاج ويفتح الباب يجلس يسرح ويمرح داخل السيارة بدون إنذار

أي سيارة في العالم بريموت سواءً رخيصة أو غالية إذا كنت مقفل بالريموت وفتحت الباب عن طريق كسر الزجاج أو الفتح من الداخل فإن الإنذار يشتغل على طول وما يوقف إلا عن طريق الريموت فقط

والقهر الثاني إن أرخص ريموت مع إنذار بالغرابي سعره 100 ريال فقط مع التركيب يشتغل أحسن من إنذار الأوريون طبعاً قدمت شكوى لعبداللطيف ولكن يقولون الأوريون والكامري تجي شد بلد كذا بدون إنذار :eek
:

الحل إن كل واحد معه أوريون يتصل على الرقم المجاني للشركة والضغط على تحويلة الشكاوى وتقديم الشكوى وراح يتصل عليك واحد مسئول عشان الشكوى عشان أهم شي سمعة الشركة

8002444400

وكل واحد يقولنا وش صار معه !!!!!!!

الحل إن كل واحد معه أو

[ياروح روحي]

اولا الله يحمينا وياك والمسلمين اجمعين

والله شي غريب يعني السياره باكثر من 100 الف ولا فيها جهاز انذار تعتبر سقطه من سقطات عبداللطيف جميل وليس تويوتا لانه ماركب لها جهاز انذار لكن الله يعيننا وياك ياخوي

[هو ها هي]

مشكور على مرورك يا روح روحي

[البررررق]

بصراحه موضوعك غريب ويستاهل الاهتمام وراح اجبلك الرد لأني اعرف مدير منتج سيارت الركاب لتويوتا في المملكه@@@@@

[هو ها هي]

شكراً على مرورك البررررق

[الزين كله]

السلام عليكم
الله يخلف عليك اخوي اللي انسرق
بالنسبه للانذار مره تسأل احد الاخوان وافادوه بانها ليس فيها جهاز انذار وهي زي ماقلت عيب بالاوريون
وعلى العموم بتشتكي ولا تبلط البحر ماراح ينفع معهم بيقولون لك ان شاء الله ويسحبون عليك

[مافيا جدة]

الله يعوض عليك
وعلى قول اخوي الزين كله ماراح يعدلوا شي

والله حرااام

[الشمالي شمالي]

طيب كيف .. أخلي السيارة ....... يشتغل الإنذار ...

وراح نقدم شكوى .. والله يعين

[اوريون جراندي]

الله يخلف عليك ياخوي
لاكن نصيحتي لك انك تدخل سيارتك في البيت لان سرقات السيارات كثيرة
واحمد الله اخوي ان السيارة ماسرقت كلها.

[نقطة بداية]

الله يعوضك خير
وبصراحة هذا عيييييب وكبييير
بحق الاوريون
فيه حل ياشباب نورونا

[منخش ورى امي]

بالفعل هذا عيب بالاوريون
انا اخذتلي وحده من الكويت
وما فيها نظام انذار الارم سستم
الله يعيننا نركب واحد
تشكراتي

دمتم

[سيف نجد]

الله يعوض عليك

ولاحول ولاقوة الا بالله

[ابو وليدتتت]

الله يعوض عليك ياااخي الكريم ويعيننا وياك ويحمينا من بحمايته من كل بأس ومكروه وعندي تعليق

بخصوص انه ماسرق السيارة كلها اقولكم مايقدر لو يأذن عندها لأنها لا يمكن تشتغل الا بمفتاحها لأن فيه

قطعة الكترونية بدونها مايقدر حتى صاحب السيارة يشغلها لو ضاعت هذي القطعه اما بالنسبة لجهاز الانذار

الله يعيينا وياكم نشتري جهاز انذار وعلى الله .

[THE-KING]

السلام عليكم
اول شي الله يعوض عليك
ثاني شي هاذي مشكله كبيره وبصراحه انذار الكامري والاوريون ما له داعي
انا كسرولي سيارتي مرتين و سرقو الاستبنه ولا اعطت انذار ولا احد حس واخر شي سويته عطلت الزر اللي يفتح الشنطه
اللي كسرها في المره الثانيه ما استفاد(ان شاء الله ربي يكسر يديه و رجليه)
وتحياتي

[المكيانيكي]

الانذار اللي في الكامري والاوريون يعمل اثناء محاولة تشغيل السيارة بدون مفتاحها الاصلي فقط وليس له علاقة بكسر الزجاج او فتح الابواب وغيرها
والسيارة اللي يوجد فيها انذار للحرامي يوجد على القزاز الجانبي ستيكر مكتوب عليه بالانجليزي انذار حرامي هذا النوع يعمل عند محاولة كسر او فتح السيارة بغير مفتاحها مثل الكسيز والافالون .
هذا عيب في الكامري والاوريون
والحل هو تركيب جهاز الانذار الموجود في السوق فيه نوعيات كويسه وتعمل كويس لو تضرب الكفر ضربه خفيفة اشتغل الانذار وللعلم كل شي جاهز في كلا السيارتين فقط يركب الجهاز بدون تمديد اسلاك ولا غيره هذا بالنسبة للكهربائي الجيد
اود ان اكون افدتكم
تحياتي