[شمس الأصيل]

هلا حبيبي
من فترة ياجماعة الخير وبديت الاحظ مشكلة في سيارتي الكامري موديل 2005
وهي اني لما اجي اشغل السبارة تشتغل وبعدين تطفي على طول بالذات لما تكون السيارة حارة
وعشان احل الموضوع لما اشغل لازم ادعس بنزين عشان ما تطفي
لاكن السيارة وهي ما شية عمرها ما طفت علي
يعني المشكلة عند التشغيل بعد
المهم اني وديتها كهربائي وبعد ماشافها قالي المشكلة عندك من منظم البخاخات
وهي قطعة صغيرة ويقولي انه لازم يتنظف او تغير المنظم
عشان كذا ودي اسألكم احد قد مرت عليه المشكله هاذي او عنده خلفيه عنها
مع العلم اني للحين ماصلحت السيارة مادري هوصادق ولا لا
وخايف ادخلها الوكاله ويصلخوني صلخ
لا تبخلون علي بالمساعدة
مع تحياتي

[المكيانيكي]

هل اذا شغلت المكيف تطفى ايضاً؟؟
عموما اخوي لا تلعب بالسيارة ولا توديها وكالة ولا شي ( اذا كانت السيارة صافية اذا دعست على البانزين ولا فيها تقطيع ولا تفتفه فلا يلعبون عليك لا هو بخاخ ولا منظم بخاخ
هذا يكون ياطويل العمر من هواء المكينة يعني فيه حساس كهربائي اسود بلاستيك راكب فيه فيش على مجموعة منظم الهواء وهذي المجموعة تكون بنهاية الخرطوش اللي جاي من قربة الهواء اللي فيها فلتر الهواء
وحلها بسيط انك تجيب بخاخ تنظيف الكلبليتر ابو 5 ريال وتفك خرطوش الهواء اللي عند المجموعة وتبخ على المجموعة وتنظفها تنظيف جيد مع تحريك دعسة البنزين من عند المجموعة وتبخ فيها من جواء وجرب اذا ما تصلحت لازم تغير الحساس الكهربائي اللي قلت لك عليه
لمزيد من المعلومات ارسل لي رسالة خاصة
تحياتي

[مشاري سعود]

ميكانيكي .. ( لله دركّ ) ..
- هذا حساسّ كمية الهواء .. ومثل ماقالّ نظفه والا غيره .. فهو يخطىء بإعطاء قراءة كمية الهواء المتدفقّ.. عبره..
.. تحياتي .

[CAMRY2002_6]

السلام عليكم

انا بعد صادفتني نفس المشكله وانشاله باوديها سيارتي الوكاله لان احتمال منضم الريس يتجمع فيه اوساخ
يا انضفونه او يبدلوه .


تحياتي