[غير مسجل]

السلام عليكم ورحمه الله وبركاته


انا ناوي اشتري سياره جديد لكن محتار بين الجي اس والمرسيدس اي 230 بسقف بانورامي

خايف اشتري المرسيدس ويتغير شكلها وبغيت اعرف من متى شكل اللكزس الجي اس ومتى راح يتغير وفرق المواصفات بينهم وميزات كل سياره عن الثانيه



تحياتي

[التوهم]

اخوي المرسدس تغير شكله اخوي لا تقااارن 230 مع لكزس الترجاااك محق موتر شاصي يرووح عنهاااا

[الرعد]

المرسدس افخم واحسن بمراحل .. لكن المشكله ان شكله راح يتغير السنه الجايه او الي بعدها ..

اما الجي اس 300 .. ما انصح فيها ابد .. ماهي مريحه وسبورت زياده عن اللزوم ..

هذا رايي .. وكل واحد حر برايه ...

[غير مسجل]

يعطيكم العافيه

[كامري الزياد]

انا شفت E230 سياره غير ملفته للنظر (وجهه نظر شخصيه)

والشي الثاني رح شف الطبلون حقها كيف مسوي الساعه دائريه كامله مع انبير في الطبلون
وجنبها عداد السرعه يوم شفت هاذا الشكل قلت ولله التخريف

ازين مافي مرسدس من السيارات الصغيره في وجهه مظري الى بصعوبه تلقا عيوب
شكليه النوع S والى يجيك كشف بكل الانواع وc هاذولي صعب تلقا عيوب شكله من الداخل

[محمــــــــــد]

والله المرسيدس حلو شكلها لكن لو كانت 280 هنا اقولك تستاهل لكن غيره
يعني مو ذاك الزود في المواصفات ولا الشكل الخارجي حلو ما عليه كلام بالنسبه لي
لكن مواصفاتها ما اعرفها بالضبط وراح يتغير شكلها في 2009 على محد علمي
وال جي اس ما اتوقع عليها كلام
من ناحية الشكل والمواصفااااااات والسعر وشكلها الي مو اقل من 4 ولا 5 سنوات قدام

[غير مسجل]

يعطيكم العافيه واتمني من باقي الاعضاء المساعده

تحياتي

[كوجي]

والله ياخوي اعتقد ال E230 اربع سلندر ...او سته بس ال Gs430 ثمانيه سلندر اهني فرق فالقوه والمكينه

انت اسئل نفسك وشوف المواصفات اللي تحبها في كل سيارة ؟؟؟شو يميز ال E عن ال Gs والعكس ....وشوف رغبتك لوين تميل ...وهذيج الساعه بتحصل نفسك اتخذت قرارك بسهوله وبدون حيره

[غير مسجل]

مشكور كوجي على المشاركه

^___^

[اكوووووووووورد]

gs 430 وبس

[رياض راشد]

شدني الموضوع

لأني انا جالس أقارن بين الكزس Gs والمرسيدس E

موديلات الكزس Gs 400 , Gs 350 , Gs 300 و Gs450

موديلات المرسيدس E 200,E230 , E 280 , E 350 , E 500 والخيالية E 63 Amg

طبعا أنت خذ الموديلات وقارن !!

راح تلاحظ فرق السعر

خلنا ناخذ أقل نوع اللكزس Gs 300 مواصفات حلوة وكل اللي تبيه من مواصفات رفاهيه فيها

نظام الملاحة وكاميرا خلفية ومساعد الوقوف وتبريد الأسيات والبلوتوث ناهيك عن شاشة المعلومات الكبيرة الموجودة في السيارة

السعة 3.0
6 سلندر
القوة 245 حصان
القير أوتوماتك 6 تعشيقات

السعر تقريبا 180 ألف ريال سعودي

المرسيدس E 200 مواصفات عادية (إمكانية إضافة إي مواصفات رفاهية فيها)

لايوجد شاشة (تقدر تطلبها مع نظام الملاحة تطلع عليك بـ13 ألف ريال تقريبا)

السعة 1.8 ؟!
4 سلندرات ؟!
القوة 183 حصان ؟!
القير أوتوماتك 7 تعشيقات

طبعا راح تستغرب كيف تكون المكينة هزيلة بهذا الشكل؟؟
مرسيدس عملت حسابها وأضافة عليها تيربو ليساعدها ولما تجربها تحس إنها 6 سلندر ماهي 4 سلندر

السعر 180 ألف تقريبا


هذا يعني من ناحية المواصفات والمقارنة بالسعر الكزس تتفوق ولكن إن كنت ماتهتم بالسعر فعليك بالمرسيدس ناهيك إنك تقدر تضيف عليها أي مواصفات ولكن إدفع

يكفيك إن إسمها مرسيدس (ألمانية)