بسم الله الرحمن الرحيم
السلام عليكم ورحمة الله وبركاتة
وبعد،،،
حبيت أنبه الجميع على نقطة مهمة وأنا أقرأ موضوع زيادة الملك عبدالله ، وتتلخص في الإستغلال السيء جداً للمواطن من قبل اصحاب محلات تغيير الزيوت واتكلم لك بصفة شخصية حيث امتلك سيارة فورد كروان فكتوريا وكنت اذهب لأحد المحلات ليغير زيت السيارة ووجدت أن علبة الزيت يرتفع سعرها حتى وصلت الى 14 ريال وزيت GTX إلى 15 ريال وعند السؤال عن سبب ذلك يقولون الشركة هي اللي رفعت السعر ويتم طباعة السعر على علبة الزيت وبالتالي لا أستطيع مناقشتة .
ليس هنا محور حديثي ولكن الغش الحاصل في فلاتر الزيت والهواء حيث من النادر ان تجد اي بنشري يوفر القطع الأصلية اللي هي فلتر الزيت والهواء بل على العكس يقومون بتركيب القطع التجارية لنا بسعر الأصلي وفوقه فائدة 60% الى 80% لهم اي بمبلغ 25 ريال لفلتر الزيت و 40 ريال لفلتر الهواء.
المصيبة الكبرى اني ذهبت لتوكيلات الجزيرة لشراء بعض قطع الغيار لسيارتي ولمحت عند البائع فلاتر زيت سئلتة من باب الفضول عن اسعارها اكتشفت إن فلتر الزيت لدى توكيلات الجزيرة بمبلغ 16 ريال فقط وفلتر الهواء 30 ريال ومعظم أوقات السنة يكون هناك اسعار خاصة وعروض بحيث تصبح قيمتها أقل صراحة تفاجئت واشتريت كمية منها بأسعار معقولة ولما ذهبت للبنشري وجدت ان الفلاتر الموجودة لدية ولدى غالبية البناشر هي تجارية رغم تطابق الكرتون الخارجي إلا ان هناك فرق داخل الفلتر يتضح لك بمجرد المعاينة البسيطة.
استمريت على هالحال فترة من الزمن وصرت أنبه على كل من أعرف بأن يشتري من الوكالة فلاتر زيت وهواء المهم قبل الحج كنت ناوي أسافر ذهبت لأحد المحلات في الصناعية في خميس مشيط ووجدت أخ سوداني وطلبته بعض القطع ولمحت عنده زيت حق المكينة كاسترول 10/30 وسألتة عن سعره قال لي ابيعة بعشرة اتفجأت وقلت له طيب مطبوع على العلبة 14 ريال انت تبيع بخسارة ولا ويش السالفة قال اشترية جملة بالكرتون وتطلع الحبة علي بـ 8.5 ريال وابيعة بعشرة ويعتبر لي مكسب جيد والحمدلله .
بعدها اتجهت لأقرب مستودع في الصناعية عندنا لشركة فوكس واشتريت كرتون زيت بـ 200 ريال وطلعت الحبة علي بـ 8 ريال بدل من 14 ريال واتمنى توصل هالمعلومة لكل الأخوان في المنتدى عسى الله ينفع بها ويتجنبون غش البناشر بس على فكرة سألت ميكانيكي عن أثر فلتر الزيت الأصلي والتجاري على المكينة قال كلها سوى والله اعلم
المرة الماضية شريت زيت اكسترا أاللي لونه ذهبي ، وهو من إصدار أرامكو ) بـ 175 ريال 24 علبة زيت !!
على فكرة ترى توكيلات الجزيرة وغيرها تخفض اسعار الفلاتر والأشياء البسيطة عشان تجذب العميل وتقص ظهره في حاجات أكبر لكن خلك شاطر
المسألة فيها فرق ما هو سهل
راح أشرح لكم بشكل مختصر
سيارتي فورد مكينة حجم كبير تحتاج إلى 5 علب زيت
اشتريت علبة الزيت من البنشري بالسعر المطبوع على العلبة عند البنشري بـ 15 ، يعني البنشري بيسوي نفسه أبهة ، ويقول ( ما أقدرش أنزل لك ، السعر قدوه مكتوب على العلبة حق الزيت ) !! طبعاً ما عنده سالفة الزيدي لا يغرك
خلنا نحسبها شوية
15 ضرب 5 = 75 ريال
السيفون يبيعه لك بـ = 25 ريال
خلنا برضه نتخيل أنك بتغير فلتر الهواء مرة وحده = 30 ريال
الحساب كله على بعضه = 130 ريال !! حلو
المحل من عند الجملة
العلبة بـ 10 من اللي مطبوع عليها بـ 15 ريال
5 ضرب 10 = 50 ريال
علبة السيفون = 10 ريال ............ بالمناسبة علبة السيفون التجارية تطلع بـ 5 ريال فقط !!
فلتر هواء بـ 17 ريال أصلي
شغل يد اليماني ( وأنا أفضل تروح لهندي لأنه قنوع وحبيب أحسن من هالزيود ) = 15 ريال ( طبعاً هذا بالكثير ) وتلقاه بالراحة بـ 10 ريال
الحساب على بعضه = 92 ريال إذا مو أقل بعد
يعني البنشري ياخذ منك = 130 ريال
وبشطارتك تاخذها بـ = 92 ريال بالكثير
يعني مرتين تغير زيت والثالثة تطلع عليك مجاناً
هاه قولوا لي ...! فيه فرق وإلا لا ؟
بالنسبة للي يبي محلات الزيوت الي يبيعون بالجملة ( لأهل الرياض) الدايري الشرقي مخرج 16 ... اتجه غرب ..
أول إشارة خذ يسار .. هذا طريق علي بن أبي طالب .. استمر .. كوبري .. ثم اشارة ..
بعد ما تعدي الاشارة امسك الخدمة .... تجيك محلات الزيوت ..
ويمدحون محلات السلولي ( ما رحت هناك عشان كذا ما اقدر اقيم لكم المحلات)
المهم تطلع لكم العلبة الي تشترونها بـ 14 ريال تطلع لكم بـ 8.5 ريال بالنسبة للكرتون أبو 24 حبة ...
منقول للفائدة...
تقبلوا تحياتي،،،
فزة الصحراء
المواضيع المتشابهه للموضوع: الحل الجذري لكل صاحب سيارة سئم من ارتفاع أسعار الزيوت والفلاتر ( حقائق غائبة عنا) 
