[بن قرناس]

السلام عليكم ورحمة اللة وبركاته
انا معي في اكس ار والحرارة توصل الى فوق النص والتكييف حار
وش الحل معه

[(بوعبدالرحمن)]

أذا تأكدت أن الرديتر سليم والمروحة سليمة, احتمال راس المكينة يبغاله خرط ..
طيب كيف تتأكد أن المروحة سليمة؟ حركها بيدك إذا شفتها ماسكة شوي وتوقف بعد ما تتركها هذه سليمة أما إذا ما وقفت إلا بعد فترة اعرف أن كلتش المروحة خربان وغيره على طول..

[الساهـــــــــر]

على فكرة ك موديله؟؟؟؟؟؟؟؟؟؟؟؟

[تــ تيربوــــون]

شي طبيعي ان ارتفعت حرارة الموتر لازم الكمبريسر يفصل حق المكيف

ولكن ما قلت لي كم موديل موترك

ومثل ما قال لك اخوي شيك على المروحه

ولكن الحراره ترتفع ان وقف الموتر والا وهو ماشي وواقف وكل الاحوال.....


والسموحه

[الـــديـــم]

وعليكم السلام ورحمة الله وبركاته

نفس كلام الشباب

أغلب الظن انه الراديتر يبي تصييخ
او اوتوماتيك المروحة خربان
والله لا يجعله راس المكينة عوار الراس

[بن قرناس]

موديلة 97شف لي حل

[تــ تيربوــــون]

السموحه منك

ولكن ما قلت لي هل الحراره ترتفع اذا كان واقف والا على طول

ولا تنسى مروحة المكيف الصغيره ( على الرديتر من برى على اليمين ) ترى لها دور مهب بسيط اذا شغلت المكيف او الثلاجه

والسموحه

[بن قرناس]

في النهار واقف او ماشي

[تــ تيربوــــون]

اللــــــــــــــه يكون في عونك....

في احتمال يكون هـــد المكينه ولكن الهد ما ينشعر الا اذا مشيت أو مشى واحد ثاني على السياره وهي حرارتها مرتفعه....

ولكن مبدأياً وده حق كهربائي وشيك المراوح والرديتر لانه يمكن الرديتر في شق والا الاهواز مشقوقه

هذا والله العالم

وان شاء الله ما يكون الهد....


والسموحه

وبشرنا اذا انحلت المشكله

في امان الله

[حسونه]

أخي الكريم
اذا كانت الحرارة لا تتعدى النص =
تأكد من :
1/ كلتش المروحة .
2/ الرديتر وحالو تنظيفة أو تسييخة .
3/ حاول أن يكون ماء الرديتر من النوع الأصلي المخصص لذلك .
4/ شيك على طرمبة الموية + شكمان السيارة فأذا هو ضيق فأن له دور .

أما إذا كل هذا تمام والحرارة تتعدى النص =
1/ شيك على المكينة يمكن الرأس مشعور .

[حامدسعد]

اخوي شوف التماتيك حق المروحه يمكن يكون مو شغال

[بن قرناس]

كل شي تمام بس الحرارة مشكلة من بعد توضيب الماكينة

[أبـورغد]

والله انا ياخوي كان معي جيب مديل 2002 وكان عندي نفس المشكله وغيرت كلتش المروحه
وراحت المشكله

[تــ تيربوــــون]

قبل اسبوع بدلت رديتر موتري شريته جديد من الوكاله بــ 1300 ريال

والحراره الله وكيلك ما تتعدى االربع حتى مع الدعـــــــس

وللعلم موووووووووووتري موديل 94

ولكن الرديتر عندي صرااااااحه كاااااااان منتهي مررررررررررررررره


السموحه وفي امان الله