[سيد الملاحـ]

بسم الله الرحمن الرحيم

كيفيكم وكيف المنتدى معاكم

والله مالكم بطويلة طلعت انا واخوي الصغير الي كرهني في عيشتي كل ساعه متى بيطلع الموتر

المهم صليت العصر انا وياه وقلت لة نرجع للبيت وناخذ قهوة العصر قال مافية يلا وينقز ويوقف تكسي والله قلت له معارض الشفاء ونمشي

البكستاني : اربط الحزام

انا : وش عنده النظامي

وخذ سوالف الصواريخ والسياسة وايران

قلت اقول لايكثر بس شغل الاف ام

المهم وصلت واخذت الموتر

قلت للهندي فك الطيس ويركب الوحة

واقرب محطة قلت له فل

ونطلع على الدايري امشي 80 كم

سبحان الله ياخوي بعض الناس ودك تذبحة يمر من جنبك ويطالع ولا يجي يشطفك

ولا يقعد يضرب ( بواري ) <*****<*****<*****<***** لا تعليق

المهم واروح البيت وادخل الموتر الحوش

الزبدة


طبعآ

الموتر هلي 2007

Glx غمارتين



بس اول ماطلعته شغلت المكيف هل يضر السيارة او لا ؟

وكم مفتاج اسود يجي انا لقيت واحد اسود واثنين ابيض وريموتين وثلاثة مفاتيح استبنة

والموتر ماشيت فية 400 كم الى الان

ماغيرت له زيت ولا غسلته بعد

متى اغير زيت على كم كيلو وش نوع الزيت الي تنصحوني فية

وبعد ابسالكم انا قريت كتاب المسجل يقول ان فية سي دي وكست

لكن مالقيت الا كست وشلون يقول ان فية سي دي ؟؟؟؟؟؟

ارجوكم افيدوني

[مشمش]

مبرووووك الله يطعمكم خيرها ويكفيكم شرها

اول شي: المكيف مايظر بس لا تسرع فيها ولا تدعس عليها بقوه لانه توه تحت التمريين .

ثاني شي :اما عن المفتاح الصراحه ماادري بالضبط لاكن اتوقع انها 3 مفاتيح فقط مثل ماقلت انت.

ثالث شي :لاتغير الزيت إلا اذا مشت 1000كلم (عند الفحص بالوكاله).

رابع شي: المسجل مايجي إلا كاسيت السي دي مايجي عندنا يمكن باليابان بس.


واعذرًا اخوي على القصوووووووور لكن هذا الي اعرفه

[ابداع]

اول شي اقولك مبروك الهلي عليك وان شاء تقطعها بالعافيه لكن حافظ عليها وانبه تزاعق او تباوش او تطاعس او الف خلك هادي ومبروك مرة اخرى

بس اول ماطلعته شغلت المكيف هل يضر السيارة او لا ؟

( لا عادي والله لايضر ولا شي اصلا فيه ناس اذا راحوا للمعارض تلقاهم اول مايركبون السياره

يشغلون المكيف والمسكين راعي السياره اذا اخذها مافيه امل يشغلها الا اذا مشت الف كيلو )

وكم مفتاج اسود يجي انا لقيت واحد اسود واثنين ابيض وريموتين وثلاثة مفاتيح استبنة

( هذا اللي يجي عندنا واللي موجود مفتاح اسود ومفتاحين ابيض وريموتين وثلاثه مفاتيح استبنه )

ماغيرت له زيت ولا غسلته بعد

متى اغير زيت على كم كيلو وش نوع الزيت الي تنصحوني فية

( غير الزيت اذا مشت السيارة 3 الاف كيلو مالها اي داعي تغير الزيت بعد الالف نصيحتي غيرها بعد الثلاثه

الاف وبالنسبه للغسيل حاول اول الف ماتغسلها بستم ان بغيت تغسلها اغسلها عادي وانتبه تغير الزيت عند الوكاله غير انه غالي زيتهم خفيف غير الزيوت الثانيه انصحك بزيت سوبر جي تي )

وبعد ابسالكم انا قريت كتاب المسجل يقول ان فية سي دي وكست

لكن مالقيت الا كست وشلون يقول ان فية سي دي ؟؟؟؟؟

( الكست يجي عندنا بالخليج عموما

لكن السي دي تلقاه بدول شرق اسيا وامريكا كان ماني بغلطان )

وبالتوفيق

[بو سعود]

الشباب ما قصرو

والله يباركلك بالموتر