[لكزس آي إس]

الآن وبإنفراد
تم اخراج السيدي الخاص بالخريطة من مخرج سري
والطريقه هي كالتالي
1- اول شي نفتح شنطة السيارة وناخد شنطة العده اللي جنب الكفر الاستبنه
راح تلاقي في شنطة العده مسمارين على شكل مفك مبوز من الامام
وبعدين تروح تركب محل السائق
واتبع الصور


نغرس المسمارين في الخانات المخصصه لها على لوحة الساعه مثل الصوره تمام اغرزها الين توصل حدها وبعدين افشخ المسمارين بشكل بسيط واسحبها راح تخرج معاك شاشة الساعه كما في الصورة التالية


دحين اضغط على كلمة MENU

اختار من الشاشة كلمة Map DVD


اختار الازرار اللي حاطط عليه اصباعي في الصورة وهو لإخراج السيدي


تلاحظ انه خرج سيدي من نفس المكان اللي مركبه فيه الساعه مثل الصورة


وهذه طريقة الاخراج
اما طريقة ادخاله فهي بسيطه جدا فقط ادرجه في نفس المكان وسيتم سحبه تلقائيا
وهذا شكل السيدي


طبعا الكل يسأل ايش الفايده لما اخرج السيدي
الفايده انو لما تنتهي السنه هادي ( السنه الميلادية ) تروح تجري على الشركه
وتاخد منهم السيدي حق سنة 2008 وتغير السيدي بنفسك بدون ما ترجع للشركه وصرفية فلوس
وسلامتكم

وأي سؤال بالنسبه للسيارة انا جاهز وتحت امركم

[أفالون للأبد]

معلومة قيمة شكراً لك وأتمنى أن نرى النفقيشن في الأفالون قريباً بإذن الله

[التوهم]

اخوي بخصوص gs ماايحتااج مفك ولا شي سدي في درج

[لكزس آي إس]

معلومه رائعه اخي التوهم مشكورين عالردود

[حسينوو]

وش جاب الفكرة براسك ياخي ؟؟

بس تتوقع كم قيمته السيدي ؟؟

بشوف الاسواق يمكن الاقي الخريطة الكاملة والجديدة بعد

[إيسوزاوي]

مشكور أخوي على جهدك والله يعـافيك

حسينوو/
موجوده بالكتالوج ..

والسيدي اخبر حق الـbmw بـ5000 ريال !! وأتوقع اللكزس مب بعيد ,,
وما أظن انك تقدر تركب سيدي غير تبع لكزس على السياره لان اكيد فيه برمجه معينه عشان يلائم الشاشه والله أعلم.

[لكزس آي إس]

صحيح اخوي انا ركبت سيدي حق مرسيدس مااشتغل
رديت السيدي الاصلي
السيدي حق المرسيدس بـ 1000 وعليها
اعتقد اللكزس ارخص

[حسينوو]

بشوف السيدي بشغله على الكمبيوتر وبحاول افك الشفرة اذا قدرت

عندي برنامج حق فك الشفرات اذا زبط معاي حلو

[من الخفجي]

مشكور على الموضوع
بس اللي انا مستغربة لة حاطين السي دي ليش مانزلو المعلومات على قرص صلب
تتوقع اخوي لكزس ان Cd بس لنظام الملاحة بس ؟
واذا شيلتة Cd كيف راح يكون شكل الشاشة لما تمشي ولما توقف
تحياتي

[خبرة سيارات]

شكرا على التجربة الجميلة .

تحياتي ,,,

[لكزس آي إس]

اخواني في عندي بعض المعلومات ترد على اسئلتكم
اولا اللكزس ال اس هو الوحيد اللي فيلو هارد دسك داخلي وتقدر تخزن عليه اغاني وملفات وتلاقيه موجود فيه نسخة الخريطه
لاحظ انو الخريطه حقت ال اس تختلف عن حقتنا لكبر مساحة وحدة التخزين
وبالنسبه للسؤال انو كيف السيارة من غير سيدي
شاشة الخريطة ماتشتغل
لكن الاشياء التانية شغاله
المكيف - المسجل - الراديو - اعدادات الشاشه - اما لما تجي تضغط على زر الخريطه ما يجاوب معك

[لكزس آي إس]

المشاركة الأصلية كتبت بواسطة حسينوو

بشوف السيدي بشغله على الكمبيوتر وبحاول افك الشفرة اذا قدرت

عندي برنامج حق فك الشفرات اذا زبط معاي حلو

تبغى الصراحه

كان غيرك اشطر :d :d :d :d
ولا فائده

[حسينوو]

زين قلت لي لا اضيع وقت

[هـــتـــان]

عندي سؤال هل اقدر استعمل هذا السي دي للكزس الأستعمال الأمريكي الي تجي مزوده بشاشة ملاحه
لان أستعمال الأمريكي الي تجي بشاشات ما تشتغل عندنا عشان الشاشه حقتها ماهي معرفه عندنا

السؤال اذا اشتريت لكزس استعمال امريكي وركبت عليها نفس هذا السي دي تتوقع تشتغل شاشة الملاحه فيها ولا في امور ثانيه يبغالها برمجه

اتمنى الإفاده

[لكزس آي إس]

والله اخوي هتان ما اقدر افيدك في هادا الموضوع
عموما راجع الشركة يمكن يكون عندهم خبر
واذا اشتريت السياره تعال نتقابل ونجرب