[الحـ(درب)ـب]

السلام عليكم جميعا

حبيت انزل الموضوع عشان يجيني اكثر من رد
لاني بصارحة احترت بسيارتي

سيارتي موديل 2007 بس سنه الصنع مكتوبه بالسيارة 2006 (( في فرق وإلا مافي فرق))

سؤالي الأول:
لما تشغل سيارتك تشتغل كل اللمبات في الطبلون ، صح؟
انا عندي لمبة مانع الإنزلاق ولمبة الإلتصاق بالأرض مايضوون!!!!!
هل سيارتي مافيها مانع انزلاق ولا الإلتصاق بالأرض
لانه مكتوب بالكتالوج عند التشغيل ينير الضوء الخاص ......................! وكملوا الكلام

انا جربت جميع اللي ننزله بالموقع من حركات وإختصارات
ولا وحده ضبطت (( معقوله سيارتي مب نفس سياراتكم))
1- حركة حزام الأمان
2- حركة فصل مانع الإنزلاق والإلتصاق بالطريق
3- حركة غفل الأبواب
4-حركات الرموت كلها
ولا حركة ضبطت معاي (( معقولة ))

سيارتي يوم اعبي البترول فول التانكي يعطيني قارئة 392 كيلو متر فقط
من رغم اني قريت موضوع يقول يعطيه 450 كيلو وفي واحد قال 500 بل قوية

سيارتي يوم اضغط من الصفر حتى لو كانت على الجير الأوتوماتيك
توايرها تحفص بالأرض الجير الأول والمرات مع تبديلة الجير الثاني
وبصور لكم هالشي وانتوا احكموا

سيارتي تجيب من 0-100 ب6.5 ثواني تقريبا - ليييييييييييييييييييييييييش؟

انا نزلت هالموضوع
عشان اللي هو فاضي وبذات من شباب قطر
يتفق نلتقي ويسوي لي هو الحركات بنفسه

وآسف على الإطاله

معلومة = سيارتي مافيها أي مشكلة ولا الريحة اللي تتكلمون عنها
من رغم اني ما أرحمها
وعلى طول اويدها تشييييك الوكالة
ماشية الحين 20.000 كيلو


درب المتحطم

[الحـ(درب)ـب]

امممممممممممممممممممممممم
24 مشاهدة
وولا واحد حط تعليق

شباب : انا بنتظر لين بكرة
اذا مافي رد على الموضوع
بمسحه - عشان مانبي حد يقول الأفالون سيارة مب اوكيه - ههههه

درب مر يشيك ومالقى رد

[برنس الورد]

ماشاء الله عليك مدقق صح
والله مادري ياخوي ماقدر افتيلك رح الوكاله استفسر عن كل شي وشوف وش يقولون لك .

[احترت]

أكيد إن السيارة مكوبج بأقطابها

[الأسد المتوحش]

ما فيه فرررررررررق

[المكيانيكي]

خذها مني
لازم سنة الصنع قبل سنة التصدير
يعني كل السيارات اللوحة اللي عند الباب يكون مكتوب عليها السنة اللي قبل الموديل لانها تصنع قبل يصدرونها مثال موديل 2008 بينزل قبل تبدا سنة 2008
الاستفسارات الثانية ما عندي خلفية عنها لان ما عندي افالون
تحياتي

[الحـ(درب)ـب]

أشكر كل اللي مر ورد على استفساراتي

حتى لو هي ماتشفي غليلي

يمكن يجوني شباب قطر ويردون علي

تحياتي لكم جميعا

[رومنسية البدر]

السلام عليكم
اللي فهمته من كلامك إن سيارتك مافيها نظام الإلتصاق ..
بهلحاله عندك خيارين :
يا إما إن سيارتك Xl
أو ليميتد

إذا كانت Xl خير وبركه
أما إذا كانت لميتد عندك خيارين :

يا إما إن نظام الإلتصاق متعطل ..
أو سيارتك مديل 2005

إذا كانت سيارتك مديل 2005 خير وبركه ( لأنه أساسا مافيها نظام اللإتصاق )

أما إذا كانت ( 2006 أو 2007 ) عندك خيارين :

يا إما إنك تراجع الوكاله
أو إنك تنسى المشكله

إذا نسيت المشكله خير وبركه ..
أما إذا راجعت الوكاله عندك خيارين :
يا إما يصلحونه لك عالضمان
أو ياخذون عليك فلوس

‘ذا صلحوه عالضمان خير وبركه ..
أما إذا ماصلحوه لك عالضمان عندك خيارين:

يا إما إنك تشتكي عليهم وتبهذلهم
أو إنك تتغاضى عن المشكله

إذا اشتكيت عليهم وبهذلتهم خير وبركه
أما إذا تغاضيت عن المشكله فعندك خيارين :

يا إما إنك تهمل سيارتك و تتعود عالعطالات
أو إذنك تصلح المشكله برى الوكاله

إذا صلحت المشكله برى الوكاله خير وبركه
أما إذا اهملت سيارتك وعودتها عالعطالات فعندك خيارين:

يا إما إنك مهمل دراستك وفاشل ..
أو إنك طيب وقلبك حنوب
إذا كنت طيب وقلبك حنون خير وبركه
أما إذا إنت مهمل دراستك وفاشل فعندك خيارين :

يا إما إنك تدخل العسكريه أو الجيش..
إذا دخلت العسكريه خير وبركه
أما إذا دخلت الجيش فعندك خيارين ..

إما يحطونك بمكان ترتاح فيه
أو إنهم يدزونك في قوات خارجيه

إذا حطوك في مكان يريحك خير وبركه
أما إذا دزوك في قوات خارجيه فعندك خيارين:

إما إنك تواجه حرب
أو إنك تروح وترد سالم

إذا رديت سالم خير وبركه

أما إذا واجهت حرب فعندك خيارين :
إما إنك تموت شهيد في سبيل الوطن.. ( هذي الكل يتمناها )
أو إنك ترجع من الحرب سالم

إذا رجعت من الحرب سالم خير وبركه
أما إذا مت شهيد فعندك خيارين :
إما إنك تعطيني سيارتك وإلا ترى والله ماادفنك

الله يعطيك طولت العمر ويخليك لأحبابك
ترى كنت اتغشمر معاك
احم احم
انا بديت صح بالموضوع بس آخر شي طلعت عنه
خذتني السوالف /
تحياتي لك
ابو عبدالله