[رومنسية البدر]

السلام عليكم
كثرت الكلام عن انواع الاطارت المناسبه للأفالون ..
أمس رحت وكالة اطارات يوكوهاما وشريت 4 كفرات مقاس 225/ 55 / 17
وركبتهم وبصراحه أهدأ بكثير من التويو .. بس لاحظت مايلي :
السكان ( الطاره ) ( الدركسون ) اصبح اثقل من قبل بس بصورة خفيفة جدا
- حاولت أجربت عزم السيارة إذا أثرت علية عرض الإطارات .. وإكتشفت إنه مافيه تغير يذكر
نهائيا
وصل معاي عداد السرعه 243 وفصلت
-- لاحظت السيارة تكون ثابته في اللفات والمنعطفات بالاطارات الجديدة أكثر من الاطارات القديمه
-- شكل السياره أصبح جميل جدا مع عرض الإطارات وخصوصا عند النظر إليها من الخلف ( مع القزوزين )

بإختصار الإطارات روووووووووووووعه
ملاحظة مقاس اطارات الأفالون من الوكاله 215 / 55 / 17
الاطارات اللي ركبتهم 225 / 55 / 17 YokoHama S-221
اللي بغيت اركبهم 225 / 50 / 17 بس خفت تكون السياره نازله حيل فتراجعت عن الموضوع

إنتهى
تحياتي لكم
بو عبدالله

[بورغد]

والله انك صادق ان اليوكوهاما اهدء من التويو بس اذا كان نفس الحجم بس انت الله يهديك امركب اعرض يمكن انه يكون اشوي اثقل على السياره بس فكره جيده بيني وبينك

[المكيانيكي]

قلنا لكم ما يصلح على الافالون الا مقاس 225 وابشروا بالشكل الزين والرساوة
بس الله يهديكم تحسبوننا نتكلم من فراغ
اليوكوهاما كفر لا يعلى عليه
بس ما قلت لنا يالغالي بكم اشتريت الكفرات
وايش رمز سرعة الكفر

تحياتي

[رومنسية البدر]

سعرالكفر الواحد 40 د.ك = 500 ر. س
4 كفرات 160 د.ك = 2000 ر.س
الإحتكاك = درجة تحمل الحراره A
السرعه 240

على فكرة .. نفس الإطارات كانت تنزل على لكزس 430

مواصفات الإطارات عاليه جداااااااااااا

[رومنسية البدر]

المشاركة الأصلية كتبت بواسطة بورغد

والله انك صادق ان اليوكوهاما اهدء من التويو بس اذا كان نفس الحجم بس انت الله يهديك امركب اعرض يمكن انه يكون اشوي اثقل على السياره بس فكره جيده بيني وبينك

اخوي بو رغد .. مشكور على المشاركه
بس انا لو ماجربت الإطارات العريضه من قبل كان ماشريتهم .. السياره تكون راسيه وبفارق كبير

[رومنسية البدر]

المشاركة الأصلية كتبت بواسطة المكيانيكي

قلنا لكم ما يصلح على الافالون الا مقاس 225 وابشروا بالشكل الزين والرساوة
بس الله يهديكم تحسبوننا نتكلم من فراغ
اليوكوهاما كفر لا يعلى عليه
بس ما قلت لنا يالغالي بكم اشتريت الكفرات
وايش رمز سرعة الكفر

تحياتي

اخوي الميكانيكي
مشكور على المشاركه .. وانا دائما أفضل إطارات اليوكوهاما
استخدمه 6 سنين
عمره ماانصلخ ولا انفجر .. ولا حتى بنشر وانا مسافر ماشاء الله

[أفالون وبس]

يعطيك الف عافية اخوي رومنسي

والله اليوم كنت ماشي في طريق الملك فهد بالرياض

واشوف فياجرا اخر موديل واشوف عرض الكفرات السيارة

ماقلت الا ماشاءلله طلع فيه هيبة كبيرة من الخلف , والله بالحركة هذه الافالون تطلع لها هيبة بعد

وان شاءلله امشي على حذوك واركب يوكاهاما

على الرغم اني لي سنة واربعة اشهر ماشاءلله كفرات السيارة تويو ماصار لها ضرر الى الآن نسبيا

حتى الاستبنة نايم في الشنطة من اول ماشتريت السيارة لحد الحين

لكن بناء على تجربتك وخبرتك في اليوكو فهذا النوع هو الجاي إن شاءلله لسيارتي


وشكرا لك على الموضوع المفيد

[رومنسية البدر]

أخوي أفالون وبس
أشكرك على المشاركة الحلوة..
ومثل ماتفضلت
التواير العريضة فعلا اطلع هيبه للسياره بعكس التواير الضعيفه

تحياتي لك يالغالي

[أفالون خاص]

أول شي مبروك الكفرات الجديدة ويوكوهاما نوعيتها ممتازة

بس كيف شكل الكفر من الجنب يعني بارز شوي عن الجنط والا لأ ؟

واذا ما عليك أمر تصور لنا الكفرات مع الجنوط حتى نشوف الفرق .. واذا ما ودك عادي

[رومنسية البدر]

المشاركة الأصلية كتبت بواسطة أفالون خاص

أول شي مبروك الكفرات الجديدة ويوكوهاما نوعيتها ممتازة

بس كيف شكل الكفر من الجنب يعني بارز شوي عن الجنط والا لأ ؟

واذا ما عليك أمر تصور لنا الكفرات مع الجنوط حتى نشوف الفرق .. واذا ما ودك عادي

اخوي افالون خاص الله يبارك فيك يالغالي
وبالنسبة لشكل الكفر من الجنب تلاحظ إن الكفر حاظن الجنط وحاميه
يعني لو تبي تصفط ( توقف ) جنب الرصيف ولزقت الكفرات بالرصيف .. تطمن الجنط بسلام .. ماراح ينحك او ينخدش لأن الكفر بارز شوي

وبالنسبه للتصوير إن شاء الله بنفذه إذا مو اليوم بكرا إن شاء الله

تحياتي لكم
بو عبدالله

[حبوب العين]

التويوو اشوفها مب شي ...

وانشاءالله بركب اليوكوهاماا لاني معروفه واحلى واثبتـــ ^_*

وتسلم ع الموضوع ..

[برنس الورد]

مشكووور اخوي
انا سيارتي لسا عليها ماصار لها ثلاث شهور
ان شاء الله اذا فكرت اركب كفرات جديده مالي الا مشورتك
جزاك الله خير

[السـ(الناري)ـهم]

مبروك على الاطارات الجديده

لو اتحطيلنا صور الاطارات على الافالون نبي انشوف اشلون شكلها

[عا افالون شق]

بس لو تحط صورة

[أفالون وبس!]

التويو يتحمل إلى سرعة 300 وهذا الزين فيه..