[أفالون وبس]

سلام

اخواني واخواتي ( بعد ياخوي ماصرحوا للحريم يسوقون ^_^ )

اليوم رحت في الصباح في وكالة عبد اللطيف فرع العليا ابي اعمل تشييك 40 الف

وقثالوا واحد من الموظفين في وكالة الصيانة السريعة : 1600 ريال

انهبلت قلت وش ذا معي ليكزس وانا مادري خير ياطير

طلعت من الوكالة وانا والله متأخر عن السيارة لأنها في العداد 45الف وابي اعمل للسيارة تشييك 40 الف

قلت باروح فرع الملز الي في شارع الاحساء

دخلت السيارة وكلمت المهندس ابي اسوي تشييك قاللي انت تيبي تسوي تشييك 40 الف؟

قلتله ايوة

عمل اشوي في الكمبيوتر وقالي : بالاجمالي تشييك السيارة 1200 ريال

ويش هذا ؟ نصب ؟

قلتله على الي صار في العليا قال والله مدري مالي علم

ومع العلم انها مش المرة الاولى الي صار لي هل الشئ

لذا انتبهوا ياعملاء تويوتا

لازم تعرف ايش الأشياء الي تخليك تدفع مبلغ كبير عشانهم

يعني ايش الي بيضيفوه وايش الي بيعملوه

حتى اني سمعت من واحد قابلته خلال فترة التشييك من قبل يقول انه قالوا انهم بينظفون الفرامل

ويوم هو مستأنس يشوف سيارته بالتلفيزيون الين ماخلصوا لاحظ انهم ماسووا تنظيف للفرامل وخلصوا

الرجال دافع مبلغ مش هيين لتشييك للاند كروزر




لذا اردت ان انبهكم على هل الشئ


ولأننا نحبكم ............. دعاية عبد اللطيف المعروفة

وسلامتكم

[المكيانيكي]

اللي يشيك على السيارة بعد 5000 كم غلطاااااااااااااااااااااان
لا تروحون للوكالة بعد 5000 كم والسيارة ما فيها شي بلا تشييك بلا خرابيط
نصب في نصب
تحياتي

[انا عزوز]

لاهنت ياعزيزي والله يصير اشياء تقهر انا سويت صيانه ال20,000 كم قالو 750 بعدين قالو كلفت 570 وقالو غيرنا فلترالهواء وقالوا ضبطنا الفرامل (تنظيف) والحين رجع صوت الصرصه لها

مدري اروح اتفاهم معهم من جد مالي خلقهم

[الحـ(درب)ـب]

تشيك عبدالغني عندنا تحجز موعد
والموعد بعد اسبوع
كأنك بتسوي عمليه

ههههههههههه
بس راجع دليل التشيك بتعرف شاللي يسونه بكل تشيك وقارن باللي شفته

بصراحة كانت عندي التيما
والله كنت امدح تشيييك النيسان
مع أحترامي لمنافس التويوتا الدائم

[أفالون وبس]

شكرا لكم على الردود والملاحظات الي ذكرتوها

بالنسبة في موضوع التشييك عاد في النهاية اعطيتهم السيارة

وتكلمت مع المدير والرجال الي قالي ابو 1600 كان موجود

قالي خلاص ياخوي نسويها لك ب1350

وبعدين هو قاللي هذا سعر مبدئي يعني ممكن يزيد او ينقص

بس الى الحين مش مقتنع ومدري ايش الي حيصير بكرة

اخاف يلطشوني بالفين والله ثم والله لأوريهم على شغلهم

وبعدين المشكلة انهم مايدخلونك داخل الصيانة يعلم الله مدري ويش بيسوون

رغم اني قايل للمهندس بادخل عشان اكون مع المهندس قال خلاص ياخوي

بس هونت يوم قلتلهم في مشكلة في مشكلة المكيف قالوا بكرة الاثنين تعال عاد كذا مشيت

والله ياخوان ترونهم على حركاتهم حمسوني اروح لأي وكالة ثانية بطرانة واغير الموتر بموتر ثاني

ولو الوكالة الي ناوي اغيرها بدل الافالون تكون خدمة مابعد الييع مش ولابد

بس افضل من ان اسمع عن شئ يمدحونه ويطلع غير ذلك كصيانة عبد اللطيف

نشوف بكرة استلم السيارة وارد لكم خبر


وشكرا لكم

[*علي*]

انا والله من شريت سيارتي ماطبت للوكاله
مغير زيت الـ 1000 عند المحطه الي عند بيتنا
بلا وكاله بلا هم

كلها نصب في نصب ..

[نظرتي دلع]

طيب يا أخواااااااااااااان محد راح وسأل عند البازعي كيف الصيانه عنده والتشيك ..

هل هم توحدوا مثل الجميع والعيسى وكذا يعني

اتمنى تشوفون لي البازعي اذا احد عنده علم

ومشكور

[برنس الورد]

والله مادري عنهم هالوكالات كلهم نصابين مو بس عبداللطيف جميل
على العموووم اذا سيارتك مافيها شي ماله داعي تشيك وتدفع ذاك المبلغ
على شي انت مو مرتاحله من االاساس

[المحب بلا حدود]

السلام
لايكذب عليكم ابو جميل انا رحت فرع الخبر وقالو لي 1700 ريال الصراحه شلت فكرت الصيانه لما سمعت السعر وانا لي مهندس اعرفه بفرع الجبيل رحت له وقلت له السالفه تتووقعون بكم سوها لي






















850 ريال

[وااوأفالون]

مشكله حاجه وحده حنا عرفين أنهم نصابين
إذا ماتودي سياره كل 5000/ك و الله لايقدر يصير حاجه في سيارتك عندهم كلمه وحده مايشملك ضمان لكن لم توديه وصار حاجه تقدر تنشب بحلقهم في أي وقت
وشكـــــــــــــــــــــــــــــــــــــــــر ا وجهت نظرا

[افا(لومافيه)لون]

ياشباب عن الفروووع

انا جربت الفرووع كلهم نصابين

واللحين انا مع فرع خريص عند المهندس عبدالعزيز في اخدمة السريعه اميين وصريح ويصكها بوجهك

وزي العسل بعد

تحياتي

[أبومصطفى]

المشاركة الأصلية كتبت بواسطة وااوأفالون

مشكله حاجه وحده حنا عرفين أنهم نصابين
إذا ماتودي سياره كل 5000/ك و الله لايقدر يصير حاجه في سيارتك عندهم كلمه وحده مايشملك ضمان لكن لم توديه وصار حاجه تقدر تنشب بحلقهم في أي وقت
وشكـــــــــــــــــــــــــــــــــــــــــرا وجهت نظرا

هذا الكلام صحيح 100% لان تغطية الضمان يعتمد على التقيد ببرنامج الصيانة الدورية (كل 5000 كلم) ولكن مع ذلك فان الوكالة تحاول بشتى الوسائل التدقيق و التمحيص و المماطلة في تصليح اي مشكلة يشتمل عليه الضمان حتى تصل الى التطفيش ومن ثم تصليح السيارة في مكان آخر حيث يتم عرض السيارة على لجنة ويجب انت تنتظر الدور لفحص هذه اللجنة (عدة أيام) ومن ثم ارسال التقرير الى الادارة المركزية وأخذ الموافقة على تصليح السيارة و استبدال قطع الغيار وبعدها يجب الانتظار حتى يتم تأمين قطع الغيار ان لم تكن متوفرة !!!!!!!
أعتقد ان هذه العملية تهدف الى عدم تطبيق الضمان بصورة سلسة وحجز السيارة لاطول فترة ممكنة مما يحدوا بالشخص التفكير 100 مرة قبل ادخال السيارة الى قسم الصيانة في الوكالة

[مستكشف]

انا حدي شيكت 15000 بس