[أفالون وبس]

سلام

حبيت اسأل الي عالج مشكلة الريحة في مكيف الافالون في وكالة عبد اللطيف

هل تم تصليح المشكلة بالمجان ام برسوم تكليفية

خلال زيارتي لفرع الملز والي تكلمت عنه هنا

انتبهو يا عملاء عبد اللطيف بشأن الافالون خلال تشييك السيارة ...

سألت مهندس في الصيانة واحد فلبيني

وقاللي مشكلة المكيف يبيله تغيير فلتر الهواء من داخل المكينة

وتكلفتها 350 ريال

قلتله مش مجان ؟

قالي لا لانها مش على الضمان قلتله بعدين امر عليكم



فحبيت اسألكم حد صارله كذا مع الوكالة ؟ طلب منكم رسوم حقت مشكلة المكيف ولا على الضمان

اتمنى الردود بسرعة عشان بكرة بودي السيارة الوكالة

[أفالون وبس]

الساعة 11:43 مساء

الأعضاء المتواجدين حالياً (21 عضو )

أفالون وبس, .الوافي., ملك النور, مستر- كامري, أفالون وبس!, أفالوناوي, موترز, القريب, ابو مساعد, ابوذراع, انا عزوز, بنت الخران, عا افالون شق, عبد المجيد محمد, عزازي القصب, عسكري, همس_الكلام, هاوي مخاوي, إحسـ قطر ـــاس, وارث الطيب, كامري سوداء م.أنس

كالعادة طبعا

بس ودي اعرف بس : ويش قاعد تسوون في هذا الوقت

الحين لو احط موضوع مقاومات الله الله بالردود

[هامور المستقبل]

انا سويتها في جده فرع طريق المدينه ومجانا والحمد لله والحمد لله ما في مشكله في المكيف بعدها . انتبه الاصلاح مجانا .

[*علي*]

وش الي مو مجان .. يستهبل هو وخشمه هالفلبيني .. يابوي عليها ضمان ثلاث سنوات ..
انت مو مسؤول عن شي فيها الا اذا انت متسبب بهذي المشكله
هذي مشكلتهم .. روح خش على المدير وافصخ عقالك واللعن جدفه هو وفلبينيه ..
الوكاله ماينفع معاهم الا العين الحمراء ..

[الحـ(درب)ـب]

والله انا ماعندي هالمشكله

بس انتبه لبعض المواضيع
فلاتر السيارة تعتبر من الأشياء الإستهلاكية اللي مايغطيها الضمان
بس مادام داخل المكينه
روح لمسؤول الفلبيني واشتكي عليه

وآسف على التأخير بالرد

بالنسبة لمواضيع المقاومات
الظاهر انا اللي اثرتها
واذا ودك امسح مواضيعي انا حاظر

[برنس الورد]

وشي هالريحه ومتى تطلع
<***** مايشم شي شكله مزكم

[عااشق]

8
8
8
ريحة مثل ريحة البيض الخربان
انا تطلع في موتري بس تووه ما مشى الا 2800 على اخمسه باقولهم

[عااشق]

تذكرت قلنا وش سوو بسيارتك وباي فرع وكم جلست يعني معلومات عاامه

[أفالون وبس]

اخواني مشكورين على الردود

واعذروني لو زعلتكم بشئ

المهم

رحت الي فرع العليا وقلتلهم على سالفة المكيف قالوا نسويها لك على الضمان

وماعليك الي بالملز

وان شاءلله بكرة العصر استلم السيارة وارد لكم النتيجة

ان سووها ففيهم خير

وان ماسووها فبسوي قصة حلوة في الوكالة قدام الناس

بالنسبة لمواضيع المقاومات
الظاهر انا اللي اثرتها
واذا ودك امسح مواضيعي انا حاظر

لاياخوي ويش دعوة انا مش مراقب ولو كنت مابمسح ردود ولا شئ حياكم

بالعكس يعجبني اقوم وادعس لكن هل الفترة هونت عشان احافظ على السيارة

للمدى الطويل

فعشان كذا صعغب امتلك سيارة واكرفها كل اليوم

سيارات تويوتا ماعد زي اول بس تبقى لمسة الجودة موجودة


وشكرا لكم

[الحقائق]

كتبت رد عن موضوع المكيف وتصليحه وانا مصلح المكيف عند صيانه 5000 بفرع طريق خريص بالرياض عند فلبيني اسمه دينس ومجانا وخلال يوم واحد والحين السياره ماشيه 6000 وما ظهر شي الى الحين