[الدوادمي]

السلام عليكم ورحمة الله وبركاته

الي كل اعضاء المنتدى لكم كل الشكر والامتنان على ماتبذلوه من جهد لّرقي بهذا المنتدى الرائع

اول شي بصراحه انا من عشاق لكزس وكنت ناوي على لكزس اي اس 2007
لكن بعد ماشفت كثر الكلام عنها وعن الخرابات اللي فيها وانها اول دفعه
للشكل الجديد وكثرتها بالمعارض وهي مامشت الا قليل ترددت بصراحه
واللي زاد التردد هو قيمتها 149 الف بصراحه ماكنت املكه بالكامل بس كنت راح ادبره
فا قالوا لي ليش ماتاخذ افالون !!

انا بصراحه ماكنت افكر في هذي السياره
بل بالعكس كنت ما اشوفها شي فلم بدو يقنعوني جلست ادور بالنت عن صور لها
من الداخل لان شكلها الخارجي ماهو عاجبني بس قلت يمكن داخليها يشفع لها
لم لقيت المنتدى جلست اقرا المواضيع واشوف الصور
شوي شوي شبه اقتنعت ان السياره حلوه

مواصفاتها كامله ماعدا الملاحه مو مشكله اشتري قارمن خارجي
اعجبتني وان شاء الله اني اباخذها عن قريب بس سؤالي هو
هل الالوان غير اللؤلؤي والاسود متوفره بالوكاله مثل الرمادي الفاتح او الفضي ؟
لاني ما ابغى لا لؤلؤي ولا اسود
لانها الوان صارت مستهلكه بشكل يمللك من السياره اذا شفتها بالشارع

يعني لون رمادي فاتح على جلد بيج اتوقع بتطلع حلوه
واللي عنده اللون لا يبخل علينا بصور له

فا ياليت اذا احد عنده خبر يرد لي لاني ناوي اخذها قبل ماتطير الفلوس

وهل تتوقعون ان سعرها ارخص من اللون اللؤلؤي اللي قيمته 115 الف

وشاكر لكم تعاونكم واللي له رأي لا يبخل تراني يمكن اخور واعدل عن مافي بالي

[أفالون وبس]

اخوي دوادمي

اولا حياك في المنتدى

ونتمنى ان تكون ضيفا عندنا

ثانيا بالنمسبة لمسالتك حول الأفالون فمادري ويش اقولك

انا حد من ملاك الأفالون وطبعا كغيري في هذا القسم الطيب

والسيارة لحد الحين معي وممتازة لأبعد حد ممكن

لكن مايخيبني عنها هو انها ليست بالمستوى الي تمنيت ان ارتقي به

يعني بدل مايعطون للأوريون الكقثير من المزايا كالملاحة والبلوتوث وفي النهاية تركيب من الوكيل

كان من الأجدر أن الأفالون هي من تمتالك هذه المواصفات

لكن بدونها ياخوي احس كأني سواق عيلة بس دق سلف وامش

مع العالم ان الألإالون سيارة عائلية وهذا أحد اهم اسباب صنعها في أمريكا

نظرا لقلة اسعار المواد التصنيعية وبيعها في نفس البلد الي مهتم بمتطلبات المركبات العائلية الفاخرة

وعلى الرغم من توفر الأفالون بأربع فئات في امريكا الا ان الأغلب يأخذ الأقل فئة بسب متطلبات الاسرة

وليست في الفخامة

من جهتنا نحن الخليج الذين نتتطمح في امتلاك افضل المواصفات في السيارة

نجد ان الوكيل ولجشعه يزيل مواصفات لاتقل عنها اهمية في عن باقي السيارات

ويبيعها بأعلى سعر كما في أمريكا الفل اوبشن مع الملاحة ب120 الف

وعندنا فلاحدث ولاحرج

ولهذا السبب

قلت الطلب على السيارة واتجه الناس الى موديلات ليكزس الحديثة ذو التقنيات المتوفرة

بمعنى لو اني بمكانك وعندي مبلغ للكزس كان حتى مافكرت اني افرق بينها وبين الافالون

فاللكزس تعطي اهتمام للسائق وتوفر له ميزات فاخرة يستمتع بها في الطريق

وان كنت ستقول لي ان الأفالون ارخص في قطع غيارها ماختلفنا

لكن اتوقع قطع ليكزس وان كانت غالية على قولة البعض

الا انها لها جودة وتعمر بالمدى الطويل

وبعدين انت قلتها مشكلة اللكزس حق الدقعة الاولى

وباقي الدفعات الي بتيجي مصلحة ومضمونة دون مشاكل عن الي قبل

فلا تضيع عمرك عشان سيارة حرم منا الوكيل من أهم مايميزها

وبعدين انت لك سيارة لك وللزمن ومع الوقت لازم تكون في تقنيات تواكب العصر


لذا لكزس هو خياري لك

وهذه نصيحة مجرب واحد دفع مبلغ ليس بالسهل على سيارة

طمح في أن تكون كاملة المواصفات التقنتية في الهذا العصر

والكمال لله تعالى

ولم يجد مايبتغيه

ورجاء اخوي لا تستحقر الأفالون بل أستحقر الوكيل

الي مايهتم الا رغباته الخاصة والطمع في أموال المستهلك


أخيرا أخوي أتمنى ان تعذرني لطول الرد وان تصلي بصلاة الأستخارة لعلك تغير فيما بدر منك


والسلام عليكم

[لانـــ2007ــد]

اهلا فيك

وانا صراحة معجب بلأفالون

لأنها سيارة فخمة وراحة

يعني جداجداجد رائعة

جزيت خيرا

[الغريب11]

عليك بافالون واعتقد يوم بتجرب السياره بتقول مش معقوله هذي افالون !!!! لانها هاديه جدجا

[*علي*]

انا والله مثلك كان معي سعر الافالون وكنت بزوده وباخذ اللكزس جي اس 2007 .. لكن تعرف انت الاقساط ذي تبهذل العالم . . وانا مافكرت بالافالون وقلت يارجال توكل على الله وخذ الافالون بلا اقساط بلا بهذله .. وفوق كل هذا تبي تخاف على السياره لأنك راح تدفع عليها 200 الف .. ولا جاها مخش تبي تبكي عندها كيف لو يجيها صدمه الله يفكنا من شر الحوادث .. وانت تعرف هالايام مافيه الا مبزرة ولا هنود .. يعني بالعربي ماحولك احد مافيه الا قوة حدني واحدك بهالشوارع .. شوارعنا مو كفو لكزس
وفوق كل هذا السياره توصلك من نقطه أ الى نقطة ب .. يعني مجرد حديد حرام تدفع فيه اكثر من الـ 100
الافالون مثل اللكزس من الداخل اللهم الي يفرق الشاشه .. الشاشه منت بحاجه لها .. كلها خرابيط فاضيه يارجل
روح شوف المعارض قليل تحصل الافالون . . اللكزس الي نشوفها بالمعارض اكثرها 2007 وياكثر اللكازس الي بالمعارض عد واغلط مادري وش فيهم يبيعونها تحس فيها بلا

-0-------------

شوف يالغالي روح لمعارض الشفاء بتحصل افالون 2006 ولونها فضي نفس حقتي بالتمام ومن الداخل بيج وبقراطيسها
طبعاً 2006 نفس 2007 .. مايختلف اي شي

بتحصل فضي وبتحصل ذهبي وبتحصل اسود كلها 2006

بتحصلها بـ 107000 جديدة بقراطيسها .. ارخصلك يارجل مدام انك ماتبي لا لؤلؤي ولا اسود .. وفر 8000 < هذي والله توديك لماليزيا وتونسك اسبوعين

< باقي الفلوس سافر فيها لماليزيا هع

انا اخذت فضي لاني ماشوفها بالشارع .. ماقد شفت افالون فضي بالشارع .. كلها يا لؤلؤي ولا اسود

شوف الفضي على الافالون جونان والله .. انتبه لاتاخذ لون غامق لأنه بيبهذلك

[*علي*]

أفالون وبس

لكن بدونها ياخوي احس كأني سواق عيلة بس دق سلف وامش

اما سواق عائله .. اكثر الافالونات مع الشباب .. كل ماشفت افالون الا الي يسوقها شباب
تنفع تكون سياره شبابيه وتنفع تكون عائليه .. ياخي يكفيك الوسع الي ورا .. ورب البيت ماتحصل هذا الوسع بالجموس والجيوب .. ياخي فيها وسع مو طبيعي من ورى
مو اللكزس الي تقول عليها .. كامري مركبين لها شاشه ..
اذا تبي لكزس ..خذلك شي جامد ولا بلاش .. يعني مثل الـ LS .. طب بالغويط مره وحده

طيب انت وش تبي بالضبط ؟ كل السيارات دق سلف وامش ..

[برنس الورد]

تتوكل على الله
وان شاء الله انها السياره المناسبه

[الحـ(درب)ـب]

عاد انا مشكلتي مشكله
اذا تبي نصيحتي
افالون وبس
وتشفعلك مكينتها
اذا وإذا قصدك باللكزس إي إس 300
شوف هالرابط
وبتعرف اشسويت بارفيجي راعي اللكزس
http://up.9q9q.net/up/index.php?f=45ZnnJvyT

انا مشكلتي مافكر غير بالسرعه
ههههههههه



لاتسرع فالموت اسرع

[الدوادمي]

شاكر لكم جميعاً على تكرمكم و ردودكم وزيارتكم للموضوع

اخوي أفالون وبس
اخوي لانــ2007ـــد
واخوي الغريب11
واخوي *علي*
واخوي برنس الورد
واخوي الحـ( درب )ــب

وبصراحه انا جربت السياره البارح قلت لصاحبي جيبها من اخوك خل اشوفها واجربها
سواقتها حلوه ما انكر هاديه بس تبغون الصراحه

انا معاي لكزس اي اس 2002 فرق بينها وبين الافالون طبعاً لصالح اللكزس مع انها موديل قديم

الافالون ما اقول انها مو هاديه وفخمه صحيح بس احس كلها ديكورات من داخل يعني فتره وراح تطلع اصوات والمساحات كبيره في الكنسول الاوسط او على قولتنا بالطبلون

وكمان نوع الجلد بصراااااااااااااااااحه فرق عن اللكزس لصالح اللكزس طبعاً

بكل امانه انا اشوف اني ازود 35 الف واخذ لكزس وانا مقتنع ومتيقن انها افضل ولا اخذ افالون فتره وانصدم فيها لاني جربتها بس ما ارتحت لها بصراحه كان ودي ارتاح لها واوفر فلوس واوفرس وقت بس للأسف احس ما اقدر امشيها على حساب داخلي


ولكم كل الشكر اخواني وماقصرتوا وجزاكم الله خير

[الحـ(درب)ـب]

الظاهر انك ماشفت المقطع اللي اهديته لك
هههههههههههههههه

لصالح اللكزس طبعا ههههههه

[المهذب]

السياره لها معي سنتين وما شيه فوق100الف وكارف ابوها كرف
والحمد لله لا اصوات ولا مايحزنون ما شيه زي الحلاوه

[المهذب]

سنايدي يادرب الحب :d

[أسير الهمسات]

كل واحد وحسب ذوقه
وحسب المواصفات إلي يريدها
أنا حاط في راسي سياره واسعه وسعرها و قطع غيارها جيد
بالأضافه إلى قوة مكينتها طلعت معي ( أفلون )