هلا بكم من جديد
أخوي كلتش أنا عندي ماكسيما موديل 2004
والبواجي حقتها تجي كهربائيه وتتغير بعد 50 ألف كيلو متر ( هذا عمرها الإفتراضي )
وسعر البوجي الواحد 54 ريال سعودي
إذا كنت في أبها أو لك واحد هناك خله يمر الوكاله ع طريق أبها الخميس ويسأل عن سعر البوجي الكهربائي للماكس
و ع فكرهـ .. الحين أنا مركب بواجي تويوتا كامري والحقيقه تنقال فرق في الأثنين
السيارهـ صارت يا الله تجيب الـ 230 كلم !!
أنخفض عزمها وقوتها وكل شي بس لسى تمشي وراح أغيرها قريب مع المساعدات وغيرها
وإذا تبي أقولك أسعارها بعدين ماعندي مانع .. بس بشرط تروح الوكاله تسألهم عشان تتأكد من صحة كلامي
ما أدري مين اللي ما عندهـ ماكس خخخخخخخخخخخخخخخخخخخخخخخخخخخخ
ونرجع لموضوعك الغالي دمعة كامري
وأقولها لك وأنا متطمن .. إذا تبي سيارهـ تعمر معاك .. أشتر الماكس .. لأنها مصنوعه بالكامل في اليابان
والنيسان معروف بقوته وجودته .. أما الكامري فهي تجميع استرالي والحقيقه ما تعمر
بس فيها إضافات حلوهـ .. زي الستاره اللي تجي بالقزازه الخلفيه والحساسات الخلفيه والأماميه والمكيف الخلفي ( إحساس بالفخامه ) والمسجل أفضل من مسجل الماكس وعدادات حق كمية الوقود الظاهر ومدري وشو اللي تتحكم فيها عن طريق الطارهـ .. والاناره اللي ع المرايات الجانيه (فـ موديل 2005 وفوق)
لكن صدقني شريت الماكس ومو ندمان عليها ولا بفكر أبيعها إلا إذا قررت أشتري لكزس
بس فيها عيب (بالنسبه للموديل اللي عندي حسب كلام الوكاله) سلك الكويل مدري الكوير (مدري وش اسمه بالضبط) كل شوي بيخترب عليك وسبق وغيرته 3 مرات ومن أول مرهـ قالولي في الوكاله انه فيه عطل وبجلس أغير فيه لين بعد المرهـ الثالثه وبيمشي معاي تمام وهذا اللي صار
باختصار .. لو يخيروني بين السيارتين من جديد باختار الماكس حتى لو كان سعرها أغلى
عموماً .. لو بغيت الكامري .. القراندي موديل 2006 (6 سلندر) الحين سعرهـ بـ 73 ألف كاش
ولك حرية الأختيار
والسيارهـ اللي تختارها وتشتريها .. نقولك مبروك والله يعطيك خيرها ويكفيك شرها
** راي جانبي .. وش رايك باللكزس 
إذا تكلمنا عن اللكزس ترى قاعدين نتكلم عن جوده .. وعن أقل سياره أعطال في العالم
وبالتوفيق أخوي
