[عبدالتواب]

السلام عليكم ورحمة الله
السالفة من البداية
بدا الصيف بالرياض وطبعا السيارات تولع من جوا وبرا, قبل خروجي من الدوام قلت أسخن مكينة السيارة وأشغل المكيف عشان تبرد من جوا, لهبت لكم الكنديشن على أتلاه وبرمت زر مروحة المرتبة على الآخر ورجعت للمكتب( الدوام أمان 2 بوابات أمن ما يمدي أحد يفلت)
مالكم بالطويله,,,, رجعت للسيارة بعد ثلث ساعة وركبت ويااااااسلام على المرتبه باااردة زي خشم البس وانا كنت محتر شوي وصلت البيت بعد زحمة الدائري (45 كم ), إنسدحت في البيت لي شوي وما حسيت إلا كأنه سكين في منطقة عضلات أسفل الظهر والحمد لله سك ليف(sick leave) إجازة مرضية يومين وظهري منشد كني مسطرة والمشي بالعصئ
الحين خف التقلص ولله الحمد والمنة.

الزبدة يا أخواني الأفاضل ارجو التحيط من البرودة الزائدة والتيارات الباردة خصوصا عندما تكون العضلات دافئة لا يجيكم ما جاني
ودمتم بخير

[لكزس آي إس]

سلامتك الف سلامه اخوي عساك بالشفا
وتعيش وتاخد غيرها

[*علي*]

الله يشفيك يارب ويعينك يالغالي ..

صحيح تجي حميان من برى وتخش ببروده كذا على طول .. لازم يجيك شي ( يازكام ولا يدخل فيك هوى .. الخ )

تحياتي

[سلطان سعد]

ماتشوف شر بس التهوية احس انها ديكور او انها تادي دور بسيط يعني تطلع هوا من المراتب بس ليس ذاك الهواء البارد

[عبدالتواب]

مشكورين على الردود ولا يعنيكم لمكروه آمين

[سفاري الكويت]

اخوي سلطان
ترى المرتب باردة بس اصبر عليعا شوي لما تبرد

[الحب لك وحدك]

مع احترامي لك المشكله فيك لان انت ماتعرف تستخدم هالميزه ..
لان التبريد في الكراسي يكون وانت راكب في السياره ماتخليها شغاله و شغال التبريد و تجي تبرد لان هو يبرد الكراسي والجسم عليها بشكل تدريجي حتى لو تلاحظ ما راح اتحس ببروده الا بعد ربع ساعه ولا اكثر وما راح اتكون بروده قويه بروده خفيفه يعني يكون الوضع مقبول مو صقيع

[هاوي مخاوي]

نظام تبريد المقاعد معمول للحد من حراره المراتب الجلد وليس لخروج الهواء البارد من المراتب لو تم تبريد المراتب 100% لن تستطيع الجلوس عليها لعده دقائق ولاكن هذه التقنيه افضل بكثير من السيارات التي مراتبها مصنوعه من الجلد وليس فيها تبريد,,,,,,,

[ابودايخ]

الله يشفيك يارب ويعينك