[ربيع الشمال]

السلام عليكم ورحمة الله وبركاته
لدي نية شراء جيب Gx-r موديل 2006 او 2005 بس انا محتار في امور كثيره اجهلها في تلك النوعيه من السيارات وقلت اشاور اهل الرأي والخبره شرواكم واستفساراتي عن الاتي
1- هل السيارات ذات المواصفات الخليجية افضل من مواصفات عبداللطيف جميل وبماذا تنصحونني بالخليجي الامارتي بالذات ام عبداللطيف جميل
2- بما ذا تنصحونني في شراء جيب لاندكروز من ناحية الابواب الخلفية هل هي افضل من الشنطة ام العكس
3- هنالك نوعيه من الجيوب اشاهدها دائما تكون الاستبنه{اوالكفر الاحتياطي } معلقه في خلفية الجيب رغم انه شنطه وتكون الاسطبات الخلفية عادية وليست اسطبات لكسز . هل تلك المواصفات تقتصر على السيارات الخليجية فقط


4- اسمع عن شركة البازعي للسيارات بالرياض وان المواصفات لديهم حلوه . ارجو اذا احد من الاخوة لديه معلومات عن شركة البازعي ان يفيدنا بها

هذا مارغبت بالاستفسار عنه . والشكر سلفاً لكل من يساهم في افادتي حول الموضوع .......

[احمد التويجري]

اول شي اشتر 2006 لأنه الجديد ومختلف وفيه موضوع مثبت عن الجديد منه


1- دول الخليج متشابهه في الـ2006 عدا بعض الأشياء فالعماني مثلا جنوطه 17 في حين عبداللطيف 16 وكماليات عبداللطيف أكثر نوعا ما وسعره أرخص لو تقارن

2- على حسب مزاجك اذا تبي فخامة خلفية لكزس اما اذا انت دايما راعي بر وتبي تحط تانكي موية خذ أبواب

3- هذا مواصفات خليجية وتحصله عند البازعي او المعارض اللي تجيب من الامارات

4- البازعي يجيب لك السيارات من دول الخليج بنفس مواصفاتهم ويغطيها الضمان وعليك الاستفسار عن الضمان ولك حرية الاختيار اما من الأسعار فما أدري

[التميمي..]

وعليكم السلام ورحمة الله وبركاته

1_بصراحة اذا كنت مستعجل اشتر 2005واذا كنت منت مستعجل اشتر2006
2_اما بخصوص المواصفات فاطلق مواصفات هي كما ذكر احمد التويجري العماني
ثم اعتقد الامارات اوووووووووووقطر
3_انصحك انك تشتري خلفية لكزس
4_مادري عن البازعي

ملحوضة:::::::::::::::::::::::::::::::::::::::::::: :::::
انصحك انك تشتري الجيب والاستبنه تحت لانها اذا كانت على الباب الخلفي تطلع اصواااات مزعجة

مع تمنياتي لكم بالتوفيق


***(التميمي)***

[ربيع الشمال]

الاخوه الكرام
احمد التويجري
و
التميمي

اشكر لكم المعلومات والنصائح التي ذكرتموها .

علماً انني قمت بالاتصال هذا اليوم على شركة البازعي بعدما حصلت على هاتفهم وسالتهم عن قيمة gx-rالخليجي
وافادوا بان قيمته 152,000طبعاً شنطه اسبير تعليق بدون فتحه بدون ونش والموديل 2005
اما موديل 2006 gx-rقيمته 162,000بس المواصفات ماني متأكد منها بالضبط .
وانا اشوف ان اسعارهاعاليه شوي.
على العموم اكرر شكري وتقديري لكم والى الملتقى ان شاء الله ..................

[مـحـمـد]

يا خوي انا مثلك نويت اشتري Gxr3 كنت محتار ومتردد اشتري خليجي والا من عبداللطيف!

والشي اللي مخليني متردد السمعة عن عبداللطيف بانه....و......و...... زي ما انت تسمع من اكثر الناس

وكنت ناوي اشتري من البازعي ورحت وشفت 2006 عنده معروض ورحت لمعرض الصقر وشفت عنده العماني
وكان قريب وتقريباً نفس البازعي ورحت لعبداللطيف وشفت شي ثاني (شكل عبداللطيف في 2006 مسوي هجمة مرتدة)هههههههه.
نفس مواصفات البازعي الا الجنوط مثل ماذكر اخوي التويجري .
ومسوي اكسسوارات زيادة على الخليجي والسعر اقل 10000الاف ريال
عند البازعي GXRالسعر 172الف ريال طبعاً فل كامل
وعبداللطيف السعر 162الف ريال ونفس المواصفات (وزيادة) .

واخذت من عبداللطيف طبعاً , ولو ان عبداللطيف عنده السعر اكثر من الخليجي رايح وربي اشتريه لأنه من جد روووعة
وفرق واضح ما يحتاج توضيح.

والغريب ان الأخوان عند البازعي والمعارض اللي عندهم خليجي عند السؤال ايش الفرق بينهم وبين عبداللطيف
في 2006 كانو يردون علي بأن عبداللطيف مسوي اكسسوارات من عنده ماهي وكالة يعني تجاري,
ومسوين النقطة هذي عيب رغم انها تعتبر ميزة لأنه عنده مسوي زيادة ولا يوجد نقص وزيادة الخير خيرين طبعاً .

واللي يبغى يتأكد يروح بنفسه وانا متأكد انه رايح يقول نفس الكلام اللي قلته.

هذا ولك تحياتي وبالتوفيق ان شاء الله

[Oo_Toyota_Oo]

[align=center]السلام عليكم

شف وانا اخوك ..

مواتر البازعي 100% وما عليها كلام لانه كل شي فيها وكالة وهو مايلعب فيها.

أما أبوجميل فيغير التالي :
- الجنوط
- المسجل
- الجناح

بس لاحظ شي, عبداللطيف جميل يدوكر تخشيب ولا اروع, ويركب جهاز قياس ضغط الهواء للكفرات ولا تنسى الصيانة تراه افضل السيئين.

اللي باصله ان الفرق بين سعر البازعي و عبداللطيف مهول لدرجة ان تغييرات عبداللطيف جميل للقطع تعتبر تافهه مقارنة بالسعر ... حنط ومسجل وجناح ماتسوى فرق عشرة تلاف على gx وحول خمسة وعشرين الف على الـ vxr

أنا اقول توكل على الله وطق لك واحد ابو جميل وخذلك مسجل و dvd بشاشة اطلق شنب ما يكلفك خمسة الاف

واسف على الاطالة[/align]

[ربيع الشمال]

الاخوة الاعزاء


محمــــد
و
Oo_Toyota_Oo
السلام عليكم ورحمة الله وبركاته

اشكر لكم مداخلاتكم وافاداتكم ونصائحكم الطيبه والجميله وبارك لك ياخي محمد بالسيارة الجديدة وعسى الله يعطيك من خيرها ويكفيك شرها

وبالنسبه لمواصفات عبداللطيف جميل فلقد قمت بحمله واسعه خلال الايام القليلة الماضية طبعاً حملة استفسارات وبحث اراء حول عبداللطيف جميل ونصحني كثيراً من الذين قابلتهم بعدم الشراء منه نظراً لقيامه بتركيب بعض القطع المقلده والرديئة منها المكيف والصدامات وكذلك عدد من القطع مثل ما اشار اليها الاخ Oo_Toyota_Oo
واكبر مثال على ذلك انه يوجد لدي هايلكس 2001المسجل تبعها صيني100% واصلي بعد
على عكس سياره تويوتا 2001 خليجيه مع احد اخوتي والتي يوجد فيها مسجل ياباني اصلي +فتحة بالزجاج الخلفي +سحاب لفتح تنك البانزين .
ولكن ورغم الحيرة التي تشغل بالي فانني اجد الميلول الى المواصفات الخليجية التي لاتوجد بسيارات ابو جميل وسوف انتظر بعض الوقت ان شاء الله لعل وعسى ان تنزل اسعار 2005 عند البازعي ونأخذ لنا واحد .باذن الله


عموماً اشكركم مرة اخرى واتمنى للجميع التوفيق والسعاده

[الو]

اخوي ربيع الشمال سم باسم الله ورح طق لك تذكره على دبي ذهااااب فقط طبعااااا انتبه فلوسك في مخبااااااااااتك
و اشترلك واحد مناك ازين وافضل واروح والالوان اللى تبي وخذ لك كم يوم تمشيه وتعال
ولا في اي مشاكل والمشكله الوحيده ولا هي مشكله الصيااااااانع عند ابو جميل على حسابك
وتوكل على الله وانا اخوك اذا تبي الزين واذا تبي جيب وبس عبد اللطيف جميل .
اسال مجرب ولا تسال دكتور باي حبيبي

[ربيع الشمال]

مشكور اخي الو على النصيحة
وصراحة فكره ممتازه على الاقل الواحد يكون معه عذر عند المدام يوم تحقق معك عن اسباب السفر بعد العوده
ويكون التحقيق كالآتي
المدام طال عمرها تسال /اين كنت طيلة الايام الماضية
الجواب /كنت بدبي ابحث عن سياره
المدام/ليش ماعندنا سيارات بالسعودية ماتشوف المعارض كثرها والسيارات بالهبل .
الجواب/ صح لسانك بس طال عمرك المواصفات مش ولا بد .
المدام/ مش ولابد بعينك .. اسمع هذي اخر مره تسافر بروحك واعتبرها انذار نهائي هالمره سمحا هيا انقلع ..........قفل المحضر




عموماً اشكرك اخي الو وعساك دائماً بخير وعافيه

[عازف الوتر]

في سلطنة عمان Gxr رقم واحد سعرة نقدا وصل 17600 نهائي بدون تامين ولا تسجيل

ياليت نعرف في الامارات كم وصل سعرة نقدا عاجل جدا جدا من فضلكم