شف يا حبيبنا
أولا : أنصحك أنك ما تشتري من وكالة عبداللطيف جميل ......ليش ؟
لأن هالوكالة ما تجيب مواصفات جيدة وفوق كذا سعرها غالي مرة
لعلك تزور وكالة البازعي ، أو معرض اليحيى ، وتشوف الفرق في المواصفات
أنا ما راح أقولك بتلقى فرق ، أنا بقولك أصلا أنت لن تقيم مقارنة أبدا بين المواصفات السعودية والخليجية ،لأن المواصفات الخليجية أفضل بكثييييييييير (بل لا تقارن بالمواصفات السعودية)
ورح قارن ، وأنت الحكم
ثانيا : بالنسبة للضمان ، فالضمان أي سيارة من تويوتا يسري في جميع وكلاء تويوتا
يعني ضمان عبداللطيف يسري في الخليج كله ، وكذلك ضمان وكلاء الخليج يسري عند عبداللطيف
تدري ليش؟
لأن الوكيل ما راح يدفع شي من جيبه ، أصلا كل القطع التالفة التي يشملها الضمان ترجع إلى شركة تويوتا الأم ومن ثم يتم استبدالها (يعني أي وكالة مهي خسرانة شي )
بس المشكلة أن وكالة عبداللطيف (يستعبطون) عليك أحيانا ، ويسون نفسهم ما يعرفون النظام
فأنت أدخل عليهم بالعين الحارة ، واجدع عليهم المفتاح وعلمهم الخراب ، وخلك واثق من كلامك ، ساعتها ما راح يسون شي (هذه الطريقة مجربة )
ثالثا : أنصحك أخوي أنك تشتري من معرض اليحيى ، والله يا عليه مواصفات (هبال) وسعرهم مناسب
(مثال : جي إكس فل كامل + فتحة + خلفية للكزس + دفلك + ثلاجة + مكيفين + ونش + لون ديكور الخشب رائع بمعنى الكلمة + لون السيارة ذهبي =142000 ريال فقط )
وغير كذا معرض اليحيى يجيب السيارة (شد بلد) من الصدام إلى الصدام ، مهو زي عبداللطيف
واحد من الشباب اشترى من معرض اليحيى سيارة في شهر 4 الماضي ، يوم شاف تاريخ الصنع لقاه في شهر 3 (يعني السيارة مصنوعة قبل شهر فقط) وهالشهر هو مدة النقل من اليابان إلى الخليج <*****<*****يعني السيارة (طازة)
وإذا تبي أي سؤال فأنا حاضر
ودمت سالماً
ودي أشتري لاند كروزر gxr2 2007 وأطلب النصيحة ... 
