[ايمن محمد]

السلام عليكم ورحمه الله وبركاته

اخواني .. ناوي اشتري سياره

وكنت بكل صراحه محتار بين الكابريس و الاوريون

رسينا على الاوروين

واعتقددد انه مافي افضل من الاوريون ( اذا في ياليت تنبهوني ) (عشان اعيد النظر في الموضوع)


رحت الوكاله واخترت اوريون جراندي بدون شاشه .. اللون ابيض وتم حجزها


نصيحتكم لي يا اهل الاوريون والناس المجربه

بسالكم عن اللون هل ما زال الابيض الافضل ولا تغيرت النظره له ..

واذا في مواصفات اطلبها او اغيرها

وشكرا لكم

[اوريون جراندي]

اخوي نصيحه لاتاخذ ابيض لانه مب نفس الافالون لؤلؤي لا ابيض عادي انصحك بثلاث الوان:
1_فضي
2_ذهبي
3_اسود
ولك الحكم ومبروك مقدما............

[شادي س س]

اخوي أيمن احسنت الاختيار والصراحة السيارة ما عليها كلام

و ما توقعتها انها مزبوطه لهذي الدرجة بعدين انا كان معي

كابرس ss 2004 وخفت ان الاوريون ماتناسبني لاكنها فاقت كل

توقعاتي من ناحية العزم والهدؤ والرساوة .

وبالنسبة للون انا شفت كل الالوان احسنها الابيض وجلست شهر

ادور هذا اللون لين لقيته في معرض خميس مشيط في جده .

الفضي مايبين فخامة السياره وشوف الBMW لون فضي تحس انها عادية
والاسود ما يتحمل
والذهبي حده شهر وتمل منه
و اللون ذوق شخصي
اسف على الاطالة اخوك شادي

[ايمن محمد]

والله يا اوريون خوفتني من ناحيه اللون

يعني الفضي احلى من الابيض

وهل تشوف اني ما اغير من الاوريون ؟

[ايمن محمد]

اخوي شادي اشكر على ابداء رايك

والمشاركه

بس مثل ما ذكر الغالي اوريون جراندي ملاحظته مهمه انه الابيض مو مثل اللؤلؤي الي بالافلون

لكن من كلامك انه كمان الابيض افضل من الالوان الثانيه

والاوريون افضل من الكابرس


اشكرك يا شادي

[شادي س س]

اخي ايمن السيارة ماحد اشتكى منها ( وانا اتكلم عن نفسي ) (السيارة ارتحت لها أكثر من الكابرس بكثير يعني السيارة فخمه وعزمها جبار واتوقع انها راح تجاري الss ومتماسكه والشيء الحلو انها عملية مره وصرفيتها معقوله بعكس الكابرس
(الكابرس ثقيل ) و مو عملي .

اما بالنسبة للون فهو ابيض عادي (وانا احمد ربي اني ما استعجلت في اللون لان ذاك الوقت كل الالوان متوفرة ما عدا الابيض جلست شهر ادور عليه لين لقيته .

في الاخير انته طلبت المشوره وانا اعطيتك رأيي والرأي الاول والاخير لك لا تسوي شيْ الا انته مقتنع فيه.
اســـــــــــــــــــــــف على الاطاله تحياتي

بالمناسبة انا سيارتي اوريون جراندي بدون شاشة اللون ابيض

[ايمن محمد]

الله يعطيك العافيه والله يا شادي

ماقصرت كفيت ووفيت

[ملك الاوريون]

نصيحة

ذهبي

والله يوفقك فيهااا

[عبادي مجنونها]

اخوي ايمن تبي نصيحتي انا شفت كل الالوان
الذهبي ممتاز لكن ما تطول تمله
لكن الابيض قمه يعطي السياره فخامه ويبرز بعض الاشياء مثل الشبك الامامي والزيك
يعني خذ ابيض ولا تشاور لانك كل ما تغسل السياره تحس انك توك مطلعها من الوكاله حتى لو بعد كم سنه والله يوفقك انشالله

[نقطة بداية]

اقول لا احد يغلط على الذهبي .......امزح

والله الذهبي عندي ممتاز وفخم وما راح امل منه ابد

بعده الابيض لانه ايضا فخم ولايق على السيارة

الفضي........ لون مرغوب عند اكثر الناس لانه رسمي

الاسود......... ملك الالوان شرط الاعتناء به اكثر من نفسك

الاخضر والازرق الثلجي .... الاوان هذي قويه تنفع للمرحين

الاحمر .......تنفع للسيارات الرياضية

الكحلي..... ماشفته وان شاء الله ماشوفه لانه " يععع"

[ايمن محمد]

ملك الاوريون

و عبادي

ونقطه البدايه

الله يعطيكم العافيه ما قصرتووو

الظاهر اني بختار الابيض

لكن المشكله يا جماعه اكثر من اسبوعين حجزت الاويورن وللحين ما ردو علي

وكل ما امر عليهم يقولي الموظف للحين ما عندي خبر متى تجي

معقول راح تتاخر

ننتظر لا صار شي ولا الله يكتب الي فيه الخير

والله النفس مياله للكابرس بس مشاكله تخوف

يعطيكم العافيه

[حقوقيه]

اخوي نصيحه اللون البيج الي يعتبر كأنه ذهبي لان بكل وقت تلقى له لون واذا بليل مع اضاءة الشارع يعطي هيئته لون رمادي,,اما اللون الابيض انا صراحه ماعجبني مع ان ابوي قال الاحسن الابيض وصممت عالذهبي لان الابيض صراحه مع احترامي لكافه الاذواق احسه تاكسي ومطعم وكل السيارات بيضه ,,واذا على سالفه التأخير الحل :انك تحنننننننن عليهم كل يوم دق وكل يوم روح صدقني يقولك باجر عندك السياره لان الساير الي عندنا جذي سياستهم والسيارة تكون موجوده عندهم بس ليش؟وشنو ورا هالشي الله اعلم ,,

[خالد المحمد]

وراه ما يطلع شيء

[ايمن محمد]

اشكرك حقوقيه على النصيحه

وبالنسبه للتاخر .. والله صرت اخجل من كثر ما صرت اجيهم . حسيت اني باخذها بلاش

هههههههههههههههههههههه

وكل مره يقولولي ماجانا رد للحين .. وعلى قولهم .. كل تاخيرها فيها خيره

وراه ما يطلع شيء

خالد المحمد الظاهر انه كان في خلل بسيط في المنتدى وتم اصلاحه

[مودي توب]

شوف احسنلك روح لهم وصارخ عليهم عشان موظفين ابوجميل مايجي وياهم الادب لازم تصارخ عليهم