[جنرال نجد]

صبحكم الله بالخير
بعد ماشريت سيارتي في فترة التمرين
كسر زجاج السواق وسرق منها حاجات لي
( الله لايوفقه ولا يبيحه) المهم ان الانذار مأشتغل
وبعدين قلت مو معقولة افالون مافيها انذار
رحت لموظف الصيانة وقالي الافالون مافيها انذار
انا بصراحة مادخلت مزاجي الى الان..
هل صحيح مافيها انذار ولا يصرفني الموظف؟؟؟

[سفاري الكويت]

فيها جهاز انذار ولاحظ لما تقفل السيارة تشوف النظام يولع داخل الطبلون

[بـــــــوفــهد]

المشاركة الأصلية كتبت بواسطة سفاري الكويت

فيها جهاز انذار ولاحظ لما تقفل السيارة تشوف النظام يولع داخل الطبلون

تشكر على المعلومة اخوي سفاري

[صرموح]

اذا زي الكامري يعني مايشتغل السيفتي الا اذا حاول يشغلها


ولا قزاز وسرقة عادي انا موتري نفسك على التمرين وانكسر وانسرق وربك يعوض

[سفاري الكويت]

والله يمكن !!!!!!!!
بس في الكاتلوج كاتبين ان يولع الانذار عند المحاولة في فتح السيارة بقوة او يفتح من داخل او يوصل البطارية بالتشغيل

ويعطيك الكاتلوج تجربة يقول لك افتح النوافذ واغلق الباب ثم افتح الباب من داخل واسمع الصوت

[بـــــــوفــهد]

نفهم من كلام الاخوة ان هناك مشكلة في جرس الانذار

ياخوان the safety come first

[عبدالله الكثيري]

يا اخوان ضروري تقفل السيارة من الريموت كنترول حتى يشتغل الانذار

[سفاري الكويت]

واذا قفلتها بالزر الاسود هم يولع النظام على العموم انا راح اجرب مثل ما هم كاتبين بالكاتلوج واقوللكم

[جنرال نجد]

الله يعطيكم العافية الجميع
مشكورين

[الحـ(درب)ـب]

السلام عليكم ورحمة الله تعالى وبركاته

من يقول مافيها نظام التنبيه

بقولك شي
سكر السيارة بالرووموت
وخل واحد قاعد داخلها أو خل الدريشة مفتوحه

وابعد الرموت من إحذاك
وانتظر دقايق
وخل اللي داخل السيار يفتح الباب من الداخل أو انت افتحه من الدريشة المفتوحة من الداخل(( خل الرموت بعيد عن السيارة ))
وشوف النتيجه
واله يعينك من الجيران

على فكرة الأوريون والكامري مافيهم إلا اذا شغل المكينه بدون مفتاح الشركة

بس الأفالون فيها

[جنرال نجد]

مشكور يادرب الحب
لكن مثل ماقلت انا انكسرت الدريشة وانفتح الباب ولاصار شي
وش رايكم اروح للوكالة؟؟

[ياسررر]

السلام عليكم , , ,
تلقى في الكتلوج طريقة تشغيل نظام السرقة . . .

[الحـ(درب)ـب]

ايوه رووح الوكاله واشتكي عليهم

بس في نقطة مهمة
يمكن الرجال سرق السيارة بدون لايفتح الباب

ترى جرس الإنذار مايشتغل اذا انكسرت الزجاج
ويمكن دخل السيارة وطلع من الدريشه

وتأكد من كلامي

درب

[هاوي مخاوي]

بالنسبه لجهاز الانذار الاافلون والكسز مزوده بجهاز انذار السيارات التي تشتغل بلبصمه مزوده بانظمه حمايه قويه الافلون بعد ايقاف المحرك وفتح الباب يتم ايقاف عجله القياده فورا يتم عمل جاز الانذار بمجرد الخروج من السياره ..انا اوقفت سيارتي الافالون وذهبت الى الصيدليه وقمت بفتح الزجاج الخلفي لكي تبرد السياره وبعد عده دقايق انطلق صوت الانذار وعند مشاهده السياره لم يكن عندا ها احد فتم ايقافه بالريموت وهذه ميزه في الافلون للتنبيه عن الزجاج ليتم اقفاله
اما بالنسبه لكسرالزجاج فيتم بستعمال البواجي .تستخدم الماده المغطاه للبوجي في كسر الزجاج بمجرد وضعها عليه فينكسر ويتهشم دون حدوث صوت وهذه طريقه منتشره لسرقه الاستبنه في الكامري والفورد وغيرها.............

[المــمـــيــز]

معلومة للجميع يجب ان لا تنسونها


كل السيارات الجديدة الانذار حقها ما يشتغل الا اذا فتح الباب او حاول يشغل السيارة فقط


اما لو يكسر الشبابيك كلها ويحرق بالسيارة ما يشتغل


هذا نظام عالم تخيلو عشان ايش حطو النظام هذا (( حقوق الحيوان ))


لان القطط منتثرة بالشوارع وكل ما ركبت فوق سيارة دق الجرس قالو لا لازم ما تخاف القطاوة

[جنرال نجد]

مشكورين على الردود ياشباب
لكن انا لقيت الزجاج مكسور وباب السواق مفتوح
عموما شكرا لكل من شارك