[فهووووود]

السلام عليكم

المطلوب من أصحاب الكورولات القير العادي سواء 1.3 أو 1.8 يقولون إيش هي محاسن و عيوب السياره

و المطلوب بعد من أصحاب الكورولات القير الأوتو 1.3 أو 1.8 نفس الشي

و صدقوني ناس وايد بتستفيد من الموضوع .. لأني شايف ناس وايد من المنتدى و من خارج المنتدى

محتارين بين العادي و الأوتو وال 1.3 وال 1.8 وأنا أولهم

الرجاء من أصحاب الكورولات إعطاء كل ما عندهم من معلومات

و شاكرييين تعاونكم ... و عساكم ع القوه .

[خطير!!]

والله محاسن القير العادي معروووفه تعبنا وحنا نتكلم عنه


تقبل مروري

[فهووووود]

أخوي أنا معك انه القير العادي قوي و ما عليه كلام .. بس المشكله انه اول شهر تكون مستانس فيه و بعدين تكره حياتك تبديلات في الزحمه .. لكن الاوتو راحه و فخامه .. وانا لين الحين ما سمعت انه الأوتو
حد يشتكي منه لانه الجديد غير القديم و يعمر مثل العادي بس اللهم انك لازم تغيرله زيت و فلتر .. والي عنده
رأي غير ياريت يفيدنا بالموضوع .. وسلامي للجميع

[ياسر محمود يوسف]

كلام أخي فهود صحيح .. أنا حتى الآن ما سمعت أحد يشتكي من الجير الأوتو، بل على العكس يمدحونه لأنه صار قوي ما مثل الأول وما شاء الله عليه مرغوب حتى عند البيع خصوصاً بعد أن صارت الزحمة في الشوارع بهذا الشكل .

[و ك ك]

مراااحب

انا و خويي شرينا مع بعض سيارتين xli مطور انا خذت عادي و هو اوتو ، طبعا 1.3 عشان ما انسى

اللي ملاحظينه انا و هو ان سيارتي اقوى من سيارته هو اذا جا يرد نمره على الخط خذ لك حنننه بالفاضي
العادي معروف ما في داعي امدحه قوة بعزم السياره ، قليل خراباته ، صيانته مرره بعيده لدرجة انك تنساه اصلا
ملاحظه / انا ما كنت ادري انو في انواع لماكينة الكورولا و تفاجئت لمن عرفت ان السياره اللي معي مكينتها اردى نووع و زعلت مرره على البياع اللي بالوكاله لانه ما علمني .

تصويتي راح يكوون و نصيحتي للي بيشترو كورولا ياخذو 1.8 عادي

[تـو كورولا يوتا]

عيب العادي زي ما قال اخوي فهووود في الزحمة تكره حياتك
ووقت السرعه يعجبك
ولكن سمعت ان الأوتو بعد فترة يتأخر في التبديل
وشششششششكرا
وتصويتي للعادي...

[منتدى]

وجهة نظري وتقبلوها

ان الاختيار بين انواع القير اوتو او عادي

يكون على حسب بيئة الواحد

يعني مثلا اللي في جدة او الرياض او اي مكان ثاني خطوطه طويلة والزحمة فيه ما تنقطع

الاوتو افضل له واريح

اما مثلا واحد مثلي في ابها او اي مكان جبلي العادي افضل

لأن القير بيتعب يبدل في النمر في الطلعات والنزلات

اذا عادي خلها مثلا في النمرة الثالثة علشان تشد الموتر ويطلع لك

بس ممكن يكون معك عادي في جدة واوتو في ابها

على حسب مزاج الواحد

يعني مثلي

لو اني ساكن في تورا بورا ما ني ما خذ الا عادي

لأني ما اعرف تماتيك<*****<*****<*****<*****< ما تنبلع ابد

وتحياتي الحارة والباردة

[المقبول]

سيارتي 1.8 قير أوتو جي ال أي 2005 ماشية 155.000 وبصراحة القير الأوتو معاي زي الحلاوة وطارحت سيارات كثيرة ومريح في الزحمة مع العلم بأن القير الأوتو يحتاج أهتمام أكثر من العادي من حيث مقاس الزيت وتغيير الفلتر كل 35.000 تقريباً.


وتقبلوا تحياتي.....................

[جسماوي]

انا سيارتي كوكو 1.3 وكنت اتمنا انها كانت 1.8 بس قسمه ونصيب

[خافي الشوق]

بصراحه سيارتي 1800 أوتو وصار للسيارة عندي 4 سنوات وماشيه 130,000 ولا عمري أشتكيت منه والحمد لله وأحمد ربي ألف مره إني أخذته أوتو،،،


خاصة وأني بالرياض ،،، ركز على كلمة الرياااااااااااااااااااااااااااااض

[علي بن عايض]

1,8 عادي بصراحة انا على ما شفت رغبة الناس فيها بكثرة
و قررت اشتري وحدة من هذه الفئة و الى الحين ماشاء الله تبارك الله مافي اي شكوى عليها
و بالتوفيق للجميع