[عادل المنصوري]

السلام عليكم ورحمة الله وبركاته

كيف الحال أخواني في منتدى تويوتا العرب .... من عنوان الموضوع واضح إنني أسئل عن سيارة الأفالون.
ناوي بإذن الله إن أشتريها وقلت الأفضل إني أسئل أخواني بالمنتدى ليفيدوني بحكم تجربتهم وخبرتهم في الأفالون بشكل خاص وأنواع السيارات الثانية بشكل عام ... سؤالي هو كالتالي

1- هل فعلا الأفالون تستحق السعر التي تباع عليه أم أن هناك سيارات أخرى بنفس المميزات وفي حدود سعر الأفالون ؟؟

2- ماهي عيوب الأفالون ؟؟ ومتى تظهر مشكلة الرائحة التي سمعة عنها هنا في المنتدى ؟؟

3- ماهي مميزات الأفالون والتي تميزها عن غيرها من السيارات من نفس فئتها وأيضا عن الكامري والأوريون ؟؟

4- إذا كنت ناوي إن السيارة تتم معي على الأقل لمدة 8 - 10 سنوات إنشاء الله فهل الأفالون سيكون هو الخيار الصائب ( مع العلم أنني أقطع 2000 - 2500 كم في الشهر بشكل متوسط ) + أنني لست من النوع إللي يدعس على السيارة أو أهملها ( 120 - 130 كم/ساعة ) ؟؟

5- هل هناك فرق كبير بين الأفالون والألتيما والأنيفنتي Fx والهوندا أكورد من جميع النواحي ( السعر + قطع الغيار + المشاكل المستقبلية مع الإستخدام + مناسبتها لمنطقة الخليج + ........ )؟؟


آسف إخواني إذا كثرت في الأسئلة ولكن كما قلت السيارة إذا إشتريتها بطول معي 8 - 10 سنوات على الأقل إن شاء الله .... وأنا ناوي ولكني متردد وقلت أسئل ناس عندهم خبرة وباع طويل في هذا المجال لأستفيد منهم وأستشيرهم قبل ركعتي الإستخارة إن شاء الله .

ولكم مني جزيل الشكر وجزاكم الله كل خير ... وأدعولي بالتوفيق.

[عادل المنصوري]

شباب جزاكم الله خير ....... طلبتكم طلبة أحتاج لمساعدتكم وأراكم

[سفاري الكويت]

والله يا اخ عادل
كل ما تريده موجود بالمنتدى بس دو على المواضيع عدل

[حبوب العين]

المشاركة الأصلية كتبت بواسطة عادل المنصوري

السلام عليكم ورحمة الله وبركاته

كيف الحال أخواني في منتدى تويوتا العرب .... من عنوان الموضوع واضح إنني أسئل عن سيارة الأفالون.
ناوي بإذن الله إن أشتريها وقلت الأفضل إني أسئل أخواني بالمنتدى ليفيدوني بحكم تجربتهم وخبرتهم في الأفالون بشكل خاص وأنواع السيارات الثانية بشكل عام ... سؤالي هو كالتالي


عليكم السلام والرحمه ...

وبخير ربي يعافيك الشيخ... ومرحبابك


1- هل فعلا الأفالون تستحق السعر التي تباع عليه أم أن هناك سيارات أخرى بنفس المميزات وفي حدود سعر الأفالون ؟؟

سعره حلوو وتستاهل هالسعر وفيه وايد سيارات وكل انسااان وذوقه .. بس بالنسبه للافالون تستاهل وحلوه ورزينه ومواصفااتها حلوه عليهاا..


2- ماهي عيوب الأفالون ؟؟ ومتى تظهر مشكلة الرائحة التي سمعة عنها هنا في المنتدى ؟؟

الشيخ بالنسبه لعيوب الافالون .. انا الحمدالله من خذيت الافالون لا شفت فيها لا عيوب ولا غيره والامور طيبه ومرتااح ومب ندمااان لاني خذيتهاا..((وشورت مليون الف واحد قبل لا اخذها لانهاا اوكيه وقويه بس دلع سواقتهاا وحرام الواحد يسرعبهاا ... وبالنسبه للريحه انا اقولك يا خوي انا مستغرب عن الي يقول ناه الافالون فيها ريحه ؟؟؟؟؟؟؟؟ والافالون في وكاله الفطيم والبهوان في البريمي مب موجوده في مواصفات السياره موليه ... ومن خذيت الموتر ريحه الوكاله فيه ومب موجوده هالريحه .. ومن شاركت في المنتدى اسمع الشباب يقولون فيها ريحه خايسه ... ومب موجوده هالريحه في مواااتر وكاله البهواان ولا الفطيم.. واطمن ^_*


3- ماهي مميزات الأفالون والتي تميزها عن غيرها من السيارات من نفس فئتها وأيضا عن الكامري والأوريون ؟؟

الغالي بخصوص مواصفات الافالون وايد حلوه وغاويه وشي وايد مواضيع في المنتدى واتصفحه عدل ^_^ وشي وايد مواضيع مثبته عن الافاولن ومواصفااتها ومقارنتهااا ويا السياره الثانيه( مثل الكامري... وانا اقولك انه الكامري ما تيي صوب الافالون ولا مواصفتها ومواصفات الافالون احسن من الكامري بألف مره .. وبالنسبه للأريون دش وشوووف بروحك مواصفتها ومقرنتهاا ويا الافالون ...

4- إذا كنت ناوي إن السيارة تتم معي على الأقل لمدة 8 - 10 سنوات إنشاء الله فهل الأفالون سيكون هو الخيار الصائب ( مع العلم أنني أقطع 2000 - 2500 كم في الشهر بشكل متوسط ) + أنني لست من النوع إللي يدعس على السيارة أو أهملها ( 120 - 130 كم/ساعة ) ؟؟

نصيحه مني ... الافالون تكد وتتحمل الخطوط ومريحه وبتعيش عندك هالمده كلهاا واكثر ....ومدامك ما تدعس والحمدالله تسوق ع راحتك هذا احسن شي والله يحفظك من كل شر ولو كنت تدعس ولا ما تدعس الافالون ثابته في الخط ولا بتحس انك تسرع ولو كنت تدعس ومشاءالله سستماات البريك في الافالون 6 سستمات وهالشي يسد وزياده ومن كل الاربيقات الي فيهاا من صوب داخل الموتر وسيفتي صح واماان للي يسوق ولي الركاب ... ^_^



5- هل هناك فرق كبير بين الأفالون والألتيما والأنيفنتي Fx والهوندا أكورد من جميع النواحي ( السعر + قطع الغيار + المشاكل المستقبلية مع الإستخدام + مناسبتها لمنطقة الخليج + ........ )؟؟

كل سياره ولهااا وكالتهاا وكل موتر وله مواصفاااته ...

وهناكي فرق بين كل مواصفات المواتر الي كتبتهاا .. وفي رايي

الاكورد ما تتقارن ويااا الافالون والاتيمااا ولا الانفنتي ومن حيث كل شي في السعر وقطع الغياار وسعر الاكورد غالي وما يستاهل انه يكون غالي للهدرجه ومواصفااته مب شي امره في رايي وبالنسبه للمناااسبه لمنطقه الخليج ..(لكن مواصفات خليجيه ويتحمل الجوو الحار وكل شي عندناا في الخليج)



آسف إخواني إذا كثرت في الأسئلة ولكن كما قلت السيارة إذا إشتريتها بطول معي 8 - 10 سنوات على الأقل إن شاء الله .... وأنا ناوي ولكني متردد وقلت أسئل ناس عندهم خبرة وباع طويل في هذا المجال لأستفيد منهم وأستشيرهم قبل ركعتي الإستخارة إن شاء الله .

ولكم مني جزيل الشكر وجزاكم الله كل خير ... وأدعولي بالتوفيق.

الله يسلمك الشيخ وانشاءالله اكون أفتك والغالي توكل ع الله وخذلك افالونـــ ولا تتردد ...وانشاءالله اخواني بيفجونك اكثر مني وانا ما امدح الافالون لانه عندي.. لا من واقع تجربه واستخدمهاا وعندي موديل 2006 لميتد ويديده توهاا مكمله 8 شهور ..((ونصيحه لا تاخذ غير اللمتد ...فول اوبشن... واحسن من رقم اثنين وغيره))

والسموحه ع القصور ...

[خـــجـــل]

أهم شي تكون فل ابشن

لانك بتركب بنت اللكزس

استخرالله

وتوكل عليه إذا الموضوع قيمها يناسبك .....

أولا السيارة تويوتا يعني شيك وقت ماتبي

فخامة من داخل السيارة ومن الخارج

رحابة من الداخل

و الله يوفقك

ولا تنسى تعطيني دورة

[مجنون الأفالون]

اخوي عادل


يسعدلي مساك أولا

وانا اقولها لك وبكل صراحة

انا كنت متردد مثلك وقلت بشتري لكزس إي إس 350 وسعرها ما يقارب 149 ألف ريال

وشفت الأفالون وذهلت بحجمها وحجمها أكبر بكثير من اللكزس ... ياخي كأنك راكب حجم البانوراما


الأفالون إشتريت انا 2007 ليميتد اللي هي فل كامل

والله السياره ماني ندمان إني شريتها .... قسم بالله راحة لا يعلى عليها .. .قمة في السلاسة

يسمونها السياره السلسة .... كل شي باللمس.. وتتمتع بالقيادة والماكينة الفتاكة ...

حبيبي الأفالون لو لاحظت مشيتها بالشارع ... لها هيبة وكأنك راكب من السيارات الفارهه

مع العلم ان في ناس يقللون من قيمتها لأنها تويوتا ... لكن ما عرفوا مميزاتها



نصيحتي لك وتوكل على الله


الأفالون وصدقني ما راح تندم .... قطع غيار رخيصة .... صيانتها حلوه ومعقولة ... تبريد وتسخين مراتب

وانت أكيد اخذت مميزاتها .. وترى كل مالها الأفالون تطلع لها حاجات حلوه

وعما قريب المفاجأة الكبرى


نفقيشن الأفالون .............



اخوك

احمد

[عادل المنصوري]

مشكورين إخواني على سعة الصدر وجزاكم الله كل خير ... الظاهر إني بتوكل على الله وبشتري الأفالون ليميتد بس باقي أحدد من وكالة الفطيم أو البريمي.

وجزاكم الله كل خير إخواني مرة ثانية ( من فرج عن مسلم كربة فرج الله عنه كربة من كرب يوم القيامة )

[بـــــــوفــهد]

أخوي عادل حيالك الله في المنتدى

المهم أخوي من خلال تجوالي في قسم افالون بصراحة اعجبت كثيرا بلسيارة وان شاء لله ناوي على شرائها ومن مميزاتها

1_ سيارة وسيعة من داخل ومن الخارج يبان عليها
2_ ثباتها في الشارع ورساوتها وسلاستها
3_قوة المكينة حيث تحمل 280 حصان وستة سلندر
4_ ماتصرف بترول وايد
5_ قطع غيارها ليست بغالية وسبب كما تعرف تويوتا
6_ شكل جميل ومريحة من الداخل
7_ يشبهونها بالكزس وذالك لانها تحمل كل صفات اللكزس من راحة وجمال وقوة

قبل لاتختار سيارة صل صلاة الاستخارة وتوكل على الله

وبالتوفي أخوي

[بـــــــوفــهد]

ونسيت أقول يوم تشتريها عاد خبرنا

[نظرتي دلع]

أارجووووووووو من المشرف تثبيت الموضوع

لكي يكون مرجع لكل شخص يريد ان يسأل عن الافالون لشرائها ..

واتمنى من الجميع المشاركة بل موضوع

انا عن نفسي اعرف شخص معاه ويمدحها علماً ان كان قبلها معاهـ كابريس رويال 2004

والحين افالون 2006 ليمتد .. وانا جربتها كثير معاه وسافرت عليها مره حلوه وفخمه وصرفيتها

حلوه مرررره واهم نقطه ذهبيه فيها اعتبرها وسيعه تقارن بل كابريس بصراحه

ولاتنسى تستخير والله يكتب لك الي فيه الخيررررر

[الأسد المتوحش]

شباب كل يوم يزيد حب الأفالون في داخلي وناوي أشترى أن شاء الله قريب

أدعو لي بالتيسير