[مهووس الافالون]

السلام عليكم ورحمه الله وبركاته اما بعد

مكيف المراتب في الافالون .....

# هل احد منكم قام بتشغيل مكيف المراتب؟

# هل قام احدكم بتشغيل مكيف مرتبه السائق والراكب وقارن بين البروده بينهما ؟

# هل لاحظ احدكم تغير مستوى التبريد من فتره الى اخرى ؟

# هل عرض احدكم سيارته الى الوكاله لحل مشكله ما في التبريد ؟

# هل لوحظ او اكتشف سبب ما يعيق مكيف المراتب عن عمله ؟

اللي ابغى اصله واوصله لاخواني الاعضاء هل لاحظتم رادئه وسوء مكيف المراتب سواء رفعت قوة الهواء او نزلتها مستوى البروده جدا ضعيف الى حد اني اركب وانزل من السياره لي خمس ايام وانسى اني اصلا مشغله بس اللي يخليني انتبه له صوته والا بالاساس ناسيه بالمره انزل وثيابي كلها عرق عارفين انتو جلد مع حر مع حر الرياض وش يطلع مضبي بالفانيلا اتمنى من الاعضاء اللي وجدو حل لهذه المشكله او عرضوها على الوكاله وايش كان الرد وايش كان الحل او مثل مشكله التنسيم والرائحه القادمه من المكيف اثناء السرعه العاليه يبغى يتغير شكل السياره وهم مالقو لها حل

شكرا لكم اخواني الاعزاااااء

[سفاري الكويت]

العكس انا جربته فعلا فيه برودة اللي تبرد المراتب

[مجنون الأفالون]

هلا أخوي مهووس

بالنسبة للتبريد

انا معاك من ناحية أحيانا يكون في تبريد واحيانا لأ

بيني وبينك انا جربت تبريد لكزس 430 وترى نفس الوضع

لكن جو الرياض والحر القوي يخليك تنسى في تبريد

ولو تلاحظ بالليل سوي تبريد للمراتب

وتلاحظ البروده الموجوده على المراتب

لكن مسألة الجو لها دور



أتمنى وصلت المعلومة


اخوك

احمد

[مهووس الافالون]

اهلين اخواني الاعزاء وشكرا على التفاعل

ولكن انا جربت سيارتي بكذا منطقه ونفس مستوى البروده ضعيف جدا الى حد اني ما ادري به الا والله من الصوت والا ناسيه مره ...... اجل لو احنا بالدمام ايش بنسوي ....

[الحـ(درب)ـب]

ياجماعة

هالمكيف لازم مايكون بارد جدا
لانه لو كان بارد جدا
قووول للعمود الفقري (( مع السلامة ))

هذا وضيفته يلطف الجو بشكل بارد نسبيا
وبعدين ماييبرد لو مكيف السيارة مايشتغل

بس اذا في عرق
يمكن سيارتك فيها مشكله
أو الأخ متين (( مثلي ))
لاني مرات اكبس على نفس الكرسي ((أكيد مابيطلع براد )) ولما احس بالحرارة ارفع ظهري اشوي والله احس البراد يدخل

بس مشغلط لو سألت الشركة عن هالمشكله

[أفالون خاص]

اللي في المراتب مو تبريد هذي تهوية يعني مجرد مراوح تطرد الحرارة من المقعد لكن ما تبرد

وهذا نفس النظام الموجود في اللكزس كلها تهوية ما تعتبر تبريد

[مهووس الافالون]

اهلين بكل اخواني المشاركين

اخوي الحب يا رجال لاهو بارد نسبي ولا شي انت عمرك جربت المكيف الموجود بالمرسيدس كأنك بالجنه على الارض بروده بالعظم هذا هو التبريد او اللي باللكزس es350 افضل بمراحل من الافالون المنافسه القريبه له

اخوي افالون خاص
منو قالك تهويه وبس لان لو كان الغرض كذا من هالمراتب ما كان فيه تسخين للمراتب ولكن ارجع واقولك جرب es350 وراح تعرف ايش اقصد انا


لكم احلى تحيه ...

[خربوط]

يمكن كلامك صخ اخوي انا اعاني من نفس المشكلة..
بس لو ترجع لكتيب راح تلقى اسمه منظم حرارة ..
يعني وظيفته الأساسية مو تكييف ..
يعني تبي قوته نفس المكيف العادي ..مايصير

[أ ف ا ل و ن]

المشاركة الأصلية كتبت بواسطة الحـ(درب)ـب

لاني مرات اكبس على نفس الكرسي ((أكيد مابيطلع براد )) ولما احس بالحرارة ارفع ظهري اشوي والله احس البراد يدخل

الله يرجك
ههههههههههههههههه

[الحـ(درب)ـب]

والله هذا اللي صاير معي

الله يعين الكرسي

[برنس الورد]

مااشوف فيه شي براااد يسرسح على كيف كيفك
يمكن الجلد نفسه حااار من الشمس عشان كذا تعرق

[مستكشف]

للمعلوميه اللي تحت المقاعد مو مكيف هاذي مجرد مروحه فقط يعني ما تبرد