اللكزس ما يبيله كلام
اما عن خشونة المطب فهو لازم لان الجنط (او الرنج او الكيب مثل ما سيمى بالكويت ) فهو كبير فبالتالي تحس بالارض شوي وهذا مو عيب فهي سيارة رياضية من الدرجة الاولى...
انا عندي افالون والرنج مالها كبير شوي 17" بعكس سيارة الوالدة وهي افالون 2004 فالرنج مالها اصغر شوي 16"
فبالتالي الرنج كلما صغر صار انعم للسيارة
هذا حسب خبرتي البسيطة
تحياتي
يا شباب الكسيز ما عليها كلام . أنا والله لحد الآن ما لاحظت شي على الموتر . والله من جد عاجبني . بعدين يا وليد أنا اخوي قبلي معه 2005 GS 430. ما حصلة أي مشاكل معها . أنا والله قاعد أتكلم لأنه أنا مجرب LS 430 2003 وما واجهت معها أي مشاكل . بس اقولكم أي سياره من لكسيز مووووووووووووووووووووتر ما عليه كلام . بعدين أهم شي إنك تحافظ على الموتر مو تفجره وتقول ليه يخرب . شي طبيعي اي سياره مع إستخدام جاف رح تخرب على طول . أنا بالنسبه الكسيز تستاهل كل هلل دفعته فيها مو كل ريال . الكسيز من جد موتر دلع .
أخوكم: م ع ي جي إس .
التعديل الأخير تم بواسطة : م ع ي جي إس بتاريخ 11-25-2007 الساعة 11:32 PM.
السلام عليكم..
شباب..انا سيارتي موديل 2007 وفيها صوت دوي اثناء المشي العادي...واتوقع يكون من الكفرات (مع العلم انها ماشية الى الان 30.000 كيلوا) يعني السيارة مازالت جديدة..
وسألت واحد من الشباب عن هذا الشي قالي ..انتبه..! ممكن السبب من الرولمان بيللي Bearings ولا تستعجل وتغير كفرات حتى تشيك علي الرومانات في الوكالة.
استفساري هل احد واجه نفس الشي ..اي صوت دوي الكفرات ..وايش اللي سواه وراح الصوت؟؟
1- خشــنة لو بنقارنها بالes ... 2- السفايف بسرعة تخلص .. 3- لو بتمشي بشارع غير نظيف ،، بتسمع أصوات خشخشة داخل السيارة .. 4- الهوى يدخل داخل السيارة أكثر من باقي سيارات لكزس ..
و بس تقريبا بس هذي سلبيات السيارة .. أنا ما قاعد أقلل منها ، بس هذي السلبيات البسيطة ،، و باقي الشغلات ممتازة و أكثر من ممتازة طبعا ..
شباب انا لي فتره ادخل هالمنتدى لاني افكر اشتري لي Gs430 بس عندي كم سؤال ما حبيت افتح موضوع كامل عشانهم لاني احس انهم ما يسوون .. :d
السؤال الأول : متى بيتغير شكلها ؟؟ هل في ٢٠١١ ؟؟
السؤال الثاني : كل الناس ما يمدحون كفرات الوكاله فهل تنصحوني افكها واركب غيرها وخصوصا إذا كانت الكفرات بتعبني في المطبات وبيطلع منها صوت ..
بس انا عندي استفسار مر علي كم رد يقولون خشونة المطبات لا تكون قاسية غير مريحة ((( ايها اريح الكامري ولا الجي اس )))
لاني ان شاء ناوي اغير الكامري بالجي اس
- السؤال الثاني وش الفرق بين 2005 و 2006 و 2007 لاني ناوي اشتري مستعمل ووش تنصحوني به 300 ولا 430 ؟ <*****<*****ما تلاحظ انك طولتها . بس تكفون لني محتار من جد !
بس انا عندي استفسار مر علي كم رد يقولون خشونة المطبات لا تكون قاسية غير مريحة ((( ايها اريح الكامري ولا الجي اس )))
لاني ان شاء ناوي اغير الكامري بالجي اس
- السؤال الثاني وش الفرق بين 2005 و 2006 و 2007 لاني ناوي اشتري مستعمل ووش تنصحوني به 300 ولا 430 ؟ <*****<*****ما تلاحظ انك طولتها . بس تكفون لني محتار من جد !
ما شاء الله، من كامري لين جي اس والله تطور مذهل ..
اولا .. اتمنى تجرب بنفسك وتكون انت (الحكم) .. اعمل تست درايف - الله يرضى عليك - وشوف .. ما اعتقد بتخسر شيء ..
لكن انا اقولك، اي نعم الـ GS430 غير ناعمة على المطبات وفي الحفر وهذا ليس بعيب على الاطلاق .. الأسباب كتالي:-
- نظام تعليق (رياضي) = تمنح ثبات ورساوة (هذه هو طابع السيارات الرياضية) ..
- نوعية العجلة (الكفر) .. انا استخدم كفرات الوكالة (يوكوهاما) والحمد لله راضي عنه ..
- حجم الإطار (الجنط) خاصة 430 .. كلما ما كبر الجنط ، كل ما صار الكفر أقرب للأرض وبالتالي القيادة تكون أخشن ..
انا من نصيحتي، اذا انت متعود (مثلي) على قيادة سيارت (الصالون) فلن تجد مشكلة مع الـ GS اما اذا متعود على كروزر او فتك او جي ام سي بالذات، راح تعاني وما تتقبل الوضع بسهولة او في ليلة وضحاها وتحتاج وقت لما تتعود ويصير الأمر شيء عادي جدا ..
ثانيا .. الفرق بين 2005 و 2006 وبين 2007 هو التالي:-
- فارق سعر الموديل
- بعض الدفعات في 2005 وربما 2006 ماكانت مجهزة بـ (كاميرا خلفية) و(النافي) طلبية لـ GS300 (فيها شاشة ملونة لكن مافي السي دي و ازرار التحكم بالملاحة) .. النظام السمعي ما يشغل ملفات mp3 و DVD ..!!
- موديل 2007 .. (ثيم) و (استايل) وشكل الشاشة ونظام الملاحة غيييير .. والنظام الصوتي اصبح يقبل ملفات dvd و mp3 و wma ..
شوف اللي يريحك ويناسبك يبه ..
جي اس 300 (6 سلندر) اريح على المطبات والحفر واقتصادي في صرفيته اكثر وقيمة صيانته اقل ..
جي اس 430 (8 سلندر) عزمه أقوى واسرع ورياضي وشبابي أكثر واخشن على المطبات .. وانظمته المكانيكية أكثر لكي تدعم قوته وأدائه الرياضي ..
وانا بصراحة ما انصح، بـ جي اس 200 في حضرة IS300 وخاصة انهم يتشاركان في نفس المواصفات تقريبا والاثنين دفع خلفي .. وغير هذا فارق السعر كبييير بينهم .. الا اذا انت مب راضي عن المساحة الداخلية في الـ IS او تعشق و(ميت) في شكل الـ GS ..!! فقط هذين العذرين الوحيدين برايي ..
لو اقدر اجربها ما كان سألتكم لان الوكيل ما يوفر الخاصية ذي وش وقع راحتها . بس ابي مقارنتها مع الكامري منو اكثر راحة وهل الجي اس 300 في نظام مانع ازلاق وثبات طبعا موديل 2005 ولا 2006 وهل هي فخمة من الداخل كالخارجية .
لو اقدر اجربها ما كان سألتكم لان الوكيل ما يوفر الخاصية ذي وش وقع راحتها . بس ابي مقارنتها مع الكامري منو اكثر راحة وهل الجي اس 300 في نظام مانع ازلاق وثبات طبعا موديل 2005 ولا 2006 وهل هي فخمة من الداخل كالخارجية .
برايي ان الـ GS اكثر قسوة بقليل من الكامري وتزيد القساوة في حال تشغيل نظام الاسبورت (متوفر فقط في جي اس 430).. والاسباب ذكرتها لك سابقا ..
على فكرة ، هل تعلم بان جيب BMW اللي اسمه X5 أقسى من سيارتي الـ GS ؟! السبب (الأنظمة الغنية التي تتمتع بها السيارة وحجم الأطار - الجنط)
الثبات؟! هههه ، هذه عاد محسومة ومافيها اي كلام (عيل ايش له فارق السعر الكبير هذا كله ) ، لا يمكن تقارن ومافي مقارنة أصلا .. (انت افتح دليل المالك على صفحات القيادة والأنظمة - حوافها باللون الأخضر -و اقرا لما تشتري السيارة ان شاء الله - وشوف الأنظمة وقلي اشرايك ؟!
نظام مانع الأنزلاق ؟! كيف حالك انت ، تمزح والا ايش ؟!
فخمة ؟! شاللي تحبه يكون فيها ؟! وانا بفيدك اذا فيها او لا ؟!
صدقني راح تعجبك وتنبسط على سواقتها وثباتها وفخامتها وما راح تندم ابد وبتشكرني .. وترى وماتقدر تستعرض و(تفحط) فيها بسهولة الا بعد فصل تلك الأنظمة (بعد ما تقدر ) كناية عن ثباتها ..
والله يا أخوي بالنسبه لل GS موديل 2005 و 2006 على حسب البودي نظيف و لا لا إستخدامها حلو ولا لا العداد حقها و من هذا الكلام و السعر يعتمد على هاذي المواصفات لكن نصيحتي لك روح معارض الرياض و إسئل هناك ماحد رح يقدر يفيدك مثلهم أو إذا كنت خايف من طمع الشريطيه روح إقرا جريده المبوبه حقت الإعلانات اللي تتوزع ببلاش رح تحصل إعلانات عن السياره اللي تبي و رح تكون أرخص من المعارض . و الله يوفقك للي فيه الخير لأنه ما تقدر تحدد سعر سياره مستخدمه لأنها تتفاوت في إستخدامها ونظافتها من شخص لآخر .
Check VSC system ..! :S :( 
على قيادة سيارت (الصالون) فلن تجد مشكلة مع الـ GS اما اذا متعود على كروزر او فتك او جي ام سي بالذات، راح تعاني وما تتقبل الوضع بسهولة او في ليلة وضحاها وتحتاج وقت لما تتعود ويصير الأمر شيء عادي جدا ..