السلام عليكم
انا اخوكم اشتريت افالون قبل تقريبا ثلاث شهور الموتر ممتاز جدا ولا فيه مشاكل ولا فيه بديل له بنفس السعر والمواصفات على ما اعتقد في الوقت الحالي
لكن المشكلة بعد تقريبا ثلاث شهور وجدت صوت او رجه عند الفرملة في منحنى يعني كانها تبغى خرط هوبات ! ! !
وين خرط هوبات السيارة جديدة ما مشت الا8 الاف كيلو وللاسف والله اني ما سافرت عليها ابد يعني كل المسافه هذي قطعتها وسط البلد مشاوير صغيره حتى دوامي يبعد عن المنزل500 متر
الشاهد ان المهندس الي في الصيانة قال لي مافيه افالون غيرنا فحماتها قبل تمشي15 الف او20 الف كيلو يعني هل المشكله هذي في سيارتي انا فقط ولا فيه احد مثلي ؟؟؟
مع العلم ان رجلي ماهي حاره على الفرامل يعني استخدامي لها عادي جدا
والزبدة هم بيصلحونها على الضمان ولا بيخلوني ادفع فلوس الفحمات وخرط الهوبات وانا اول شخص اطلب تغيير الفحمات دون10 الاف كيلو على كلام المهندس
يعني دامه انا اول واحد يطلب تغيير الفحمات قبل 10 الاف كيلو
فالخلل هذا ناتج عن احتمالين :
1-اما انه في سواقتي انا او سرعتي وللعلم ماني راعي سرعه سواقتي عاديه وحتى لو راعي سرعه ما تخلص بـ8 الاف
2-او انه خلل مصنعي في السياره هذي فقط دون باقي الافالونات وهذا يعتبر تصليحه عليهم على ما اضن
ولا وش رايكم
تحياتي للجميع
<--الكلام هذا ما خش في راسي وغير منطقي يعني لو اني راعي مقاومات وغيرها يمكن ينطبق علي 
<--غالية جداً 
والسبب اني غيرتها في المرة الاولى ولا خرطت الهوب بس حللت ابو الفحمات على اني منيب اسرع بها واجد 
رخيصه صراحه ماتوقعتها 