ممكن أسأل سؤال مع اني حاسس اني ثقلتها عليكم بس اتحملوني بصراحه ارتحت ووجدت أجوبة بردت على قلبي كثير
المهم
كيف الواحد يشغل المكيف مثلاً وهو ماشي 120
يعني قالوا لي قديماً تهدي السرعة ألين توصل على الثالث "بالنسبة للجير العادي" يعني تقريبا توصل السرعة ألين 70 وبعد كذا تضغط كلتش وتشغل المكيف
والآن مع الأوتوماتيك واحد يقول لا مايهم بس حولها من D إلى N وشغل المكيف وبعد كذا ردها على D سألتها ليش قال لازم تطفي المروحه حقت البنزين الي على اليسار
السلام عليكم
حياك الله أخي ......... أنا ادلك على طريقة بامكانك تشغل المكيف حتى لو انت ماشي 200 كلم
أهم شيء عند تشغيل المكيف أن يكون عداد rbm ( العداد الذي يكون عادة بجانب عداد السرعة ) منخفض حبث أن مع السرعات العالية قد يصل الى الرقم 3 أو 4 لذلك كل ما عليك فعله هو أن تخفض من عزمة الى حدود الرقم 1 وذلك كما يلي :
اذا كان القير عادي تدعس على الكلتش حتى يصبح العداد على الرقم 1 ثم تشغل المكيف ثم ترفع رجلك ببطء من على الكلتش . ( وهذه جربتها بنفسي )
اذا كان القير أوتماتيك حوله من d الى n حتى يصل ال rpm الى الرقم 1 ثم شغل المكيف ثم أعد القير الى d .
أرجو أن أكون أفدتك
انتبه ترجع القير من d الى n وترجعه الى dمرة ثانية والسيارة تمشي تراك تبي تكسر القير بالهطريقة
ياخي لا تسوي ولا شي شغل المكيف على اي سرعة واي وقت تبيه لا قير عادي ولا قير اوتو انا بعرف من اللي يقولكم هالخرابيط ناس تفتي بشي ما تعرفه وكل واحد يقول اشيا بدون معرفة
ترا كمبروسر المكيف يفصل من لحاله اذا برد الفريون ويشبك من حاله اذا قلت برودة الفريون والسيارة مسرعة يعني يشتغل ويطفى من لحاله والسيارة سواء مسرعة او مو مسرعة
لان الكمبروسور فيه كلتشات ودور هذه الكلتشات عشان تتؤام مع سرعة دوران المكينة عند تشغيل الكمبروسور
شغل المكيف متى ما تبي لا تفضي قير ولا تدعس كلتش ولا تهدي سرعة ولا rpm ولا غيره
هذا هو الجواب
وغيره كلها خرابيط فاضيه
واحذرك مرة ثانية انك ترجع القير الاتو من n الي d والسيارة تمشي اذا فضيت السيارة وهي تمشي لازم انك توقف السيارة وتدعس بريك وتعشقd من جديد كنك توك تحرك السيارة هذا لسلامتك قير السيارة
تحياتي
الاخ الكريم المكنيكي :
أنا اتعجب والله من كلامك كيف تشغل المكيف على أي سرعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هذا يؤدي الى تلف الكمبرسور مباشرة أو حرق كلتش المكيف ؟؟؟؟؟؟؟؟؟
وروح اسأل أحسن مكنيكي تبريد ( مكنيكي فني وليس مكنيكي انترنت ) وأتحداك يوافقك في هذا الرأي
عندها يتضح لك من يقول الخرابيط ومن يفتي بغير علم .
وللاخ المكاوي ولجميع الاخوة أقول لكم اخذروا تشغيل المكيف على السرعات العالية أعرف مكنيكي أخبرني عن شخص جاء اليه وقد احترق الكمبرسر وعندما سأله المكنيكي عن السبب قال له أنه قام بتشغيل المكيف على سرعة 160 كلم فاحترق الكمبرسر مباشرة هل تعرفون ما هي سيارته مرسدس فياغرا ( وانتم تعرفون عن جودة السيارات الالمانية ) ومع هذا احترق .
أما قول الاخ أن الكمبروسر يفصل دائما عندما يكون المكيف شغال فأقول لك انه يفصل فترة بسيطة عندما تكون دورة التبريد متحركة وغاز الفريون داخل دورة التبريد متحرك وهذا لا يؤثر على الكمبروسر أما عندما تكون دورة التبريد متوقفة والسيارة منطلقة بسرعة عالية وضغط ال rpm مرتفع فان تشغيل المكيف يودي الى تلف جهاز التبريد وهذا ليس كلامي بل كلام فنيين يعملون في هذا المجال وليس مكنيكي انترنت .
هدانا الله واياكم للحق والصواب .
اللي يصير لمكيف سيارته شي اذا شغل المكيف على سرعة 200 كم
تراني على شهادة الاعضاء كلهم بشتري له كمبورسور جديد على حسابي والضمان مفتوح من اليوم الين يبيع سيارته
غير هالكلام ماعندي واعتقد كتيب السيارة هو الحكم
تحياتي يابو الفلسفة
يا أخي اتق الله ولا تعد بوعد وانت لا تستطيع الوفاء به ( يايها الذين امنوا لم تقولون ما لا تفعلون ( 2 ) كبر مقتا عند الله أن تقولوا ما لا تفعلون(3) )
ثم يا أخي ما هذه الالفاظ ( خرابيط , أبو الفلسفة ) ألا تعرف اداب الحوار ؟
أصلحك الله .
والله ياشباب ضعنا ماعد درينا وين الصواب واحد يقول رجع في الـ N وواحد يقول لا
على العموم انا ميال لجواب اخوي الميكانيكي وان شاء الله يكون صحيح رغم ان اخوياي كلهم على طريقة اخوي ال موسى بس احس ان حركة انك اذا تبي تشغل المكيف ترجع القير في الـ N احسها انتشرت من فراغ بين الناس وكل واحد يقول ذي الطريقه الصحيحه لتداولها بين الناس لا اكثر ولا اقل
على العموم مايضر اذا تبي تشغل المكيف جنب على الخط وشغل المكيف وتوكل على الله اضمن لك .... او قبل ماتحرك السياره شغل المكيف واذا ناوي تشغل المكيف وانت تمشي حاول ماتكون مسرع بالسياره
روقوا المانقا ياشباب
واللي اعرفه ان السياره اذا حولتها من dالىnوهي منطلقة لايحصل لها اي شئ هذا من واقع تجربه والعكس طبعا ربما والله اعلم على المدى البعيد يسير شي طبعا اكلمكم عن قير الكابرس العلاق
وكذلك تشغيل المكيف والسيارة بسرعات عالية اللي اعرف انك تقوم بتهدئة سرعة السيارة او فصل القير حتى ينخفض ضغط المكينة ثم تشغل المكيف وتعيد القير لوضعه الاول
فللعضوين كل تقدير وأرى
ان ال موسى يتكلم من واقع خبرة وتجربة
والاخ المكيانيكي يتكلم من منطلق علمي
ولك ايها القارئ ان تختار ماتشاء
كل واحد يصلح سيارته واشربوا عصير ليمون لتهدأ الاعصاب
