[الضايع]

صباح الخير جميعا
ارجوكم ابي حل لمشكلتي الي مقلقتن وخلتن اكره سيارتي وانوي ابيعه .. سيارتي افالون 2006 وتعرضت لحادث حيث صدمن شايب ( الله يهديه ) مع البيبان اليسار .. والمشكله صار هالشايب من الجماعه .. يعني سامحته غصبن عن

المهم مالكم بالطويله...
وديته لاحد الورشات عندنا والحمد لله قالي المشكله بسيطه حيث ان وزن البيبان ما تغير .. غيرت البيبان جدد ( بس القفش الخارجي) .. وحدثت مشكله الا وهي ان السياره بدت تنسم مع بابي .. وصوت مثل الصفيره .. صوت خفيف بس يكتمن .. ويبدا الصوت اذا مشيت حتى لو 60 كم|ساعه ..

المهم ابي حل تكفوون وش اسوي ..
وش افضل مكان يضبط هالعله

(( المشكله شايبنا تدرون وش قالي وهو معدمن بيباني ؟؟!!!! قال خذ 200 ورح ... اي ميتين يابو ؟!! )) بس يالله من الجماعه الي ما جانا منهم الا الدجه ..

شباب الله يبعدكم عن كل الحوادث قولوا امين .. ويفككم من شر جماعتكم ..

واالي يحل مشكلتي جعله يارب يجيه خبر يسعده ويهنيه عاجل غير اجل ..
والي ما يجاوب عاد الله يسامحه ...

[حامدسعد]

اخوي ممكن تقول من وين التنسيم في الباب بالظبط


بعدين كيف تقول مالكم في الطويله انت الي مطولها مو حنا:d

[حامدسعد]

اخوي ممكن تقول من وين التنسيم في الباب بالظبط


بعدين كيف تقول مالكم في الطويله انت الي مطولها مو حنا:d

[المكيانيكي]

بهالحالة مالك الا تدبل جلد الباب اللي يطلع الصوت وهذه الجلد موجودة بالسوق تلصق مع جهه واحدة
لان السبب اللي عندك ان ميزانية الباب اختلفت عن شد بلدها وصعب احد يرجعها لك الا اذا يثني الباب من فوق حاجة بسيطة بس ( اقصد يثني الباب بس من الاعلى يعني يثني بس برواز القزازة يدخله لك على جوى شي بسيط عشان يروح الفراغ اللي بين جلدة الباب والبودي يمكن يروح الصوت)
وتراني انا واياك بعنيزة ارسل لي على الخاص وانا اضبطها لك انشاء الله
تحياتي

[الضايع]

صباح الخير..

اخوي الميكانيكي... وين تنصحن فيه احد يحوفه ؟؟

وبعدين نسيت اقولك احس ( احساس فقط ) اني اذا سحبت الباب وانا امشي يخف الصوت شوي ...

الي قاهرن انا صلحته عند ورشه العجلان وقالي اكالسوري ان الميزانيه تمام بس البيبان نغيرهن ويضبط لعله وللمانه ضبطه وما بانت ابد ابد .. بس ظهر صوت ..

(( جيت ابرسل على الخاص وعيو علي يقولون جب واسطه .. ردودك قليله <***** حتى النت واسطه ))

[أدري اني قمر]

هذي وزنية بيبان مافيها كلام


لاتفك راعي الورشه لين يسويها لك


انت دافع دراهم وخله يركب معك ويسمع الصوت

او رح لوكاله واشرح لهم الوضع في قسم السمكره

وغرم صاحب الورشه بالتكاليف اذا رفض التجاوب معك

[حسونه]

المشاركة الأصلية كتبت بواسطة المكيانيكي

بهالحالة مالك الا تدبل جلد الباب اللي يطلع الصوت وهذه الجلد موجودة بالسوق تلصق مع جهه واحدة
لان السبب اللي عندك ان ميزانية الباب اختلفت عن شد بلدها وصعب احد يرجعها لك الا اذا يثني الباب من فوق حاجة بسيطة بس ( اقصد يثني الباب بس من الاعلى يعني يثني بس برواز القزازة يدخله لك على جوى شي بسيط عشان يروح الفراغ اللي بين جلدة الباب والبودي يمكن يروح الصوت)
وتراني انا واياك بعنيزة ارسل لي على الخاص وانا اضبطها لك انشاء الله
تحياتي

كلام سليم وعين العقل

[~ رويال ~]

اخوي الضايع ... ود موترك لورشة (ابو فهد) تراه متخصص بوزن البيبان والصدامات بعد
انا عن نفسي وديت موتري لمه وضبط لي الباب صار احسن من الوكاله ..
الصراحة شغله نظيف لدرجة انه يجيه ناس من جدة وحائل وحفرالباطن والدمام علشان يسمكرون
مواترهم عنده..

[عليك لمبه]

رويال في اي مدينة هالورشه ..

[عليك لمبه]

راعي الأفالون رح لورشة جودة الخليج في الرياض الصناعية القديمة .. انا كان معي كامري 2003وصدمتبها صدمه خفيفه وخرب الشاصي مال شوي .. ماشاءالله ظبطوه وعدلوه شد بلد حتى البيبان باذن الله بيظبطونها ..

[بو سعود]

ياخوي رح الوكالة وعالضمان يغيرون الجلد في الباب

وتنتهي المشكلة

[المكيانيكي]

خلاص جاني الرجال وصلحنا له التنسيم