[ذياب عمر السلمي]

السلام عليكم ورحمة الله وبركاته ..

الي معه كامري Gl ويي يركب الزر الموضح تحت مثل الي في الglx على يمين المقود وخاصيته معرفة كم متبقي من البنزين في العداد وزمن تغشيل السيارة ومتوسط صرف البنزين ..


انا ابي هذي بس ولا يهمني الزر الآخر الي ع اليسار حق الصوت وتشغيل الراديو والسيدي ..

اوكي وطبعا اكيد انه يحتاج الى كمبيوتر للحساب .. وشغلات ثانيه ..

بالله الي عنده خبره لا يبخل علينا .. وجزاكم الله خيرا ..

[ذياب عمر السلمي]

الوو وين الشعب

[صدى الاطلال]

صعبه اخوي مره
يبيلك كمبيوتر +طبلون للعدادات+طاره تحوي الازرار+
تدري ورى ماتبيع ال gl وتاخذ glxوتريح راسك

[الوريث]

أخوي عدا ذلك لا بد من وجود حساسات في أجزاء كثيرة من السيارة لتعطيك الحسابات اللتي تنشدها.. أظن الموضوع صعب

[ذياب عمر السلمي]

بس فيه موضوع سابق ذكروا ان الازرار تنفك بمسامير وينفك غطا الجي ال ويركب بداله غطا الجي ال اكس ..

[ذياب عمر السلمي]

وينكم ياهوو !! تكرموا بالردود

[معاني جرح]

الشغله طويله خذلك glx ورتاح

يبالك موصل لتانكي عشان الرقم التقديري للمشي
طبعا" مربوط بالمكينه وبالكمبيوتر

ومتوسط الصرف

ومتوسط المشي

يعني بع وزود اربعه خمسه وفتك

[ذياب عمر السلمي]

حتى لو اتاكدت ان الشغله يبيلها ابيع ال جي ال واشتري جي ال اكس .. الله لايحدني ياخوي احب يديني مقلوبه .. بعدين لو بعت بكم بتجيب بتطيح اكثر من 5 آلاف .. والجي ال اكس جديه ب78 يعني كم الخساره .. يعني ازورد 13 الف عشان زرد وظائف متعددة مالت عليه ... الله يلاحدني ولايحوجني له من غير شر ..

انا فكرت ان المسألة مقدور عليها كلها زر ب300 + عداد ب800 وانتهينا ..

مشكور

[كامري الزياد]

الاضافات المصنعيه صعبه

قد ينقص شي بسيط بس شغله واجد

[ذياب عمر السلمي]

مشكورين وماقصرتوا ... وفي انتظار المزيد من الخبراء

[ذياب عمر السلمي]

المشرف اتمنى اغلاق الموضوع لأن مالقيت ناس تساعدني وشكرا

[أبو جوري]

أنت غريب يا ذياب ..

يا اخي الشباب ما قصروا معك الشغلة زي ما قالوا لك صعبة وهي مصنعية اكثر منها ترهيم ..

وكل واحد عطاك رأيه وما ندري وش يعجبك ، واللي عنده خبرة بتوقع بيبخل عليك !! ..

فعلاً شيء عجيب .!!

[ذياب عمر السلمي]

^
^
^
^
هلا والله انت فاهم غلط .. انا قصدت مالقيت شخص مختص في المنتدى وعارف هالشغلات المعقده ويدلني على المكان .. عشان كذا قلت مالقيت احد يساعدني .. وبعدين من غير ذكر اسماء في ناس الله يستر علينا وعليهم .. وعارفين شغلة الدركسون والازرار ومتكفلين لاحدى الاعضاء بترهيم زر في الدركسون وتكريبه على احدى السيارات .. وابديت له الي ابيه وللأسف مارد وش تسمي هذا ..