[مجنون الكمكم]

تكفون الحقوني ..
سيارة اخوي كامري 99 إكس إل مطور :
اذا شغل المكيف يطلع زي الزيت على القزاز وكل ما طول المكيف شغال كل ما زاد كمية السائل وحجبت الرؤية ..
سألت كذا ميكانيكي :
الاول : يقول من ثلاجة المكيق لازم تنظفها
الثاني : يقول تهريب من الفريون ولازم تبدله كله

[نسكافيه]

الظاهر انها فريون لان الفريون اذا نسم يطلع زيت

حتى في المكيفات السبلت

الله يعينك اجل

[عسكـــــريم]

أكثر الاحتمالات مثل ماقال اخوي نسكافيه

[حسونه]

نفس الكلام

[اتكيلووو]

السلام عليكم ورحمة الله وبركاته
حتى أنا سيارتي نفس المشكلة زيت عالقزاز وروحت للشركة وما عرفوا السبب؟؟؟؟؟؟؟؟
ولما ضللت القزاز معد صار يطلع

[رايق بس متضايق]

من الفريون

[فرحة لقانا]

تنسيم فى الفريون اذا كان مع جهة الراكب تاكد من التمديدات حقت الفريون

[مستر كول]

وانا اقول من فريون 100 % من فريون

الله يعينك

[صدى الاطلال]

زيت الفريونننننننننننننننننننننننننننننننننننننننننننن نننننننننننننننننننننننننننننننننننننننننننننننننن نننننننننننننننننن

[مجنون الكمكم]

يا اخوان لقيت ميكانيكي سوري يقول :

انه من فلاتر المكيف .. وش رايكم بكلامه

[شرق]

تاكد من الفلاتر وانت كذه والا كذه بتغير الفريون

[الأشـواق]

أخوي اسمعني الفلاتر محطوطه من الغبار مثل فلاتر المكيف الي في بيتكم أنت حطها في عقلك


أخوي أنا كنت مداوم عند محل المكيفات من كثر الخراب الي صارت لي في الكامري حقتي الله لا يردها

المهم
أنا شفته يحط زيت داخل التمددات حقت الفريون يقول لي هذا على شان الكمبروسل

وشكل التمديدات عندك في المكيف تنسم


وياليت تصلحها في أقرب وقت لاني انا شفت راعي لمزين ( تكسي ) مشتعله عليه السياره بسبب تنسيم الفريون


مع تحياتي لك


وياليت اني افتك يالغالي

[ع ن د]

اخوي شوف انا حدثت معي للكامري مثل ماحدثة لخوك ورحت للميكانيكي وقالو مثل ماقلت بس ماحدثت الا بعد ماركبت الستاره الخلفيه اللي بـ 30او35 وقلت خلني اشيلها وشلت الستاره وغسلت السياره وبعدها اختفت ادري تبي تقول وش دخل الستاره هذا اللي حصل وحصل مع واحد من زملائي معه كوريلا قلتله شيل الستاره وشالها واختفت وجرب اذا كانت في سيارت اخوك ستاره وشكراااا

[مجنون الكمكم]

راح اجرب واتمنى انه يكون حل للمشكله اللي تدوخ الراس ..

مشكورين على المرور والردود الرائعه

[ويلي]

يخوي انتبه ترى بعض راعين الورش عيال حرام

مره وديت موتري للورشه عشان اصلح دنمو الكهرب وطبعا فصل البطاريه

رجعت شغلت السياره ولا المكيف يطلع هو حار

ما حسيت بالشي ذا الا يوم قربت من بيتنا انه ما يبرد وفيه مشكله

رحت لاقرب ورشه وكان سوري قالي ابصلحها لك بـ 150 ريال

قلت طيب وش المشكله ..؟

قام يخربط ويقول اشياء غريبه ويوم شافني مصر اني ابعرف وش المشكله قال انت عطنني 150 ريال وتصلح لك بربع ساعه

طبعا رفضت عرضه ورحت للورشه الي صلحت عندها

وش تتوقعون كانت المشكله يا اخوان ..؟

المكيف كان لمس وفرنهايت (ولاني كنت اول مره اتعامل مع اللمس وكنت شاريها في الشتاء) صارت المشكله بس اني انزل درجة الحراره

لذلك اخوي انتبه واسأل 6 او 7 ورش

ترى اوقات يعرف هو ان المشكله بسيط وانت مرتاع ول تدري وش السالفه يقوم يستغلك

ومعروف العماله ونظرتهم للسعوديين "انتا في فلوس كثير سيم سيم ملك فهد"