[ميتم الروح]

سلام عليكم ،،

في البداية أحب أقول بأن المنتدى عجبني جدا جداً ،

و بصراحة الشباب و المشرفين مشتغلين عدل

و أنا تصفحت غالبية المواضيع المهمة بمنتدى الأفالون ..

و لاحظت بأن أخواني السعوديين و الإماراتيين ما يجي ويا سيارة الأفالون لمتد الجناح أو الـ spoiler

حبيت بس أخبر الشباب بأن اوبشن البحرين يجي الجناح مع السيارة بدون أي طلبية أو شي

عموماً سيارتي للحين ما وصلت ..

طلبتها و في الوكالة مو موجود اللون الأبيض ..

فلازم انتظر أقل شي شهر عشان توصل ..

،،

حبيت أسئل عن الـ Carpets أو السجادة الأرضية للسيارة ..

طبعاً أصلية من الوكيل .. كم سعرها بالسعودية ؟؟

[الفهاد]

اتوقع تجي مجان مع السيارة
اخوي عنده افالون معاها جايه

[المحب بلا حدود]

مجانا مع السياره

[ميتم الروح]

في البحرين ما تجي مجان ..

يا ليت الأخوة يسألون لنا في السعودية كم سعرها في السعودية ..

و تساؤل آخر عن النظام الصوتي للسيارة ..

هل السيارة تشغل mp3 cd ؟؟
أو تشغل سيدي كوبي ؟؟
يعني يا ليت احد يذكر لنا أنظمة التشغيل فيها

[عشقي افالون]

مشكوووووووووور

[أ ف ا ل و ن]

أنا معي أفالون موديل 2006 الفرش جاي مع السياره مجاناً
وأما عن النظام الصوتي عندي ما يشغل إلا C D بس

بس عندي استفسار بكم قيمة الجناح في البحرين عند الوكاله ؟؟

وتحياتي لك

[الغريب11]

صحيح تجمل فينا واسأل عن الجناح
وخبرنا جزاك الله خير
ومرحبابك في بيتك
وان شاء الله توصل سيارتك
والف مبروك
واختيارك لهذه السياره كان بمحله الصحيح
ولون جميل اختيارك والله يعطيك خيرها ويكفيك شرها

[بنت الخران]

الجناح يجي مع السياره والسجاده

فى الامارات 2007م

وسعرها 118 الف درهم

[ميتم الروح]

ابشروا ..
يومين بالكثير و اجيب لكم سعر الجناح عند الوكيل كانو ..

بس يا شباب ..
محد قالي عن الـ CD ،
شنو نوع السيدي اللي تشغله ؟
بس Audio CDs ؟ لو تشغل مثلاً Mp3 cds ؟ أو Data CDs ؟

[التوهم]

بس Audio CDs الله وعلم

[م.أنس]

اولاً تسلم على الإطراء الجميل والمجاملة الحلوة ..

ثانياً حياك الله عضو عزيز وغالي بين أخوانك ومحبيك ..

بالنسبة للدواسات الأرضية تجي فري مع السيارة .. لكن مادري كم سعرها لو بغيت اشتريها ..

وبالنسبة للسيدي اوديو فقط .. طبعاً عادي تسوي كوبي من ام بي ثري ولكن تحولة لأوديو ..

يعني بالعربي السي دي يشيل 16 او 17 اغنية ..

ماتشغل سيدي ام بي ثري ابو 300 اغنية ..


ودمتم

[ميتم الروح]

شكراً لكل الإخوان اللي ردوا بالموضوع و فادوني ..
،،

بخصوص سعر الجناح في وكيل البحرين بالتركيب ..
اليوم اتصلت فيهم و خبروني بإن عليه عرض خاص مع التركيب
بسعر 200 دينار .. أي تساوي 2000 أو أقل بنسبة بسيطة فرق العملة ..

و كذلك أسعار السنسرات .. ( الحساسات )
الأمامية بـ 110 دينار
الخلفية بـ 100 دينار

، و كذلك سألت عن السجادة الأرضية..
في نوعين ،
نوع من قماش .. و نوع ثاني قماش و بعض الربل،

عموما النوع الأول بـ 33 دينار أي 330 ريال
و نوع الثاني - القماش + الربل - بـ 38 دينار .. اي 380 ريال

[كلي مشاعر]

السلام عليكم

ماعندكم Gps
( نظام ملاحه)

في البحرين؟

[ميتم الروح]

لا غير متوفر في البحرين
و لا الخليج ..

[زهيري]

هلا خوي

انا قبل تقريبا 3 اشهر سالت كانو عندنا بالبحرين عن سعر فرشات الارضية قال لي سعرها 27 دينار فقط وقال انها غير متوفر حاليا بتوصل على شهر ابريل. بس اعتقد ان السيارة انتشرت عدنا بشكل كبير خاصة موديل 2007 ويمكن الوكيل استغل هالشي ورفع السعر.

[ميتم الروح]

المشاركة الأصلية كتبت بواسطة زهيري

هلا خوي

انا قبل تقريبا 3 اشهر سالت كانو عندنا بالبحرين عن سعر فرشات الارضية قال لي سعرها 27 دينار فقط وقال انها غير متوفر حاليا بتوصل على شهر ابريل. بس اعتقد ان السيارة انتشرت عدنا بشكل كبير خاصة موديل 2007 ويمكن الوكيل استغل هالشي ورفع السعر.

يا هلا ...
أخيراً حصلت بحريني ويانا بالمنتدى ..

كلامك صح اخوي زهيري
.. انا لما طلبت السيارة سألت عن الفرش قالي سعرها 27 دينار ..
بس قبل جم يوم اتصلت في الوكالة قلت أبي سعرها الأكيد..
قالي اتصل على فرع المنامة قسم الـ Spare Parts ،
و تكلمت ويا واحد قالي السعر ب 33 دينار !!!
و القهر إن السنسرات ما تجي ويا السيارة .. تبيه تدفع زيادة !
السنسرات اللي ورا 100 دينار ..و اللي قدام 110 دينار ..
يعني السنسرات اذا تبي ورا قدام يكلفك 210 دينار !

!! اللي ابي اقوله ،
بإن في موديل 2007 اللي زادوا على الأفالون لمتد .
بس الجناح !
و أما اي شي تبي زيادة تدفع ..


-- عموماً خلنا نجوفك مرة ثانية