[اه يابرشا]

السلام عليكم ورحمة الله وبركاته
مرحبا شباب انا شريت سياره جديده وودي البسها ارضية بلاستك بس خايف من التركيب وفك الديكور وتركيبه اخاف مايسونه مظبوط او يكون فيه فتحات على الجوانب يدخل فيها التراب والأوساخ.

الله لايهينكم ابي محل يركب تركيب صح ومضمون ومايهم السعر اهم شي الجوده والشغل الممتاز ويكون في الرياض.
الف الف الف شكر لكم...

[اه يابرشا]

وين الردود ياشباب تكفووون مستعجل

[همس_الكلام]

تقدر انت تحكم عليه بنفسك اذا شفت احد يفك فسياره زي سيارتك لبق ولا تشاور لانها مايبغالها ( روح زيبارت وشوف شغلهم )

[المكيانيكي]

تبيني اضمن لك شغل زي المصنع بدون مبالغة
تعال لعنيزة( لمجمع المروى بعنيزة) واذا ما اعجبك شغلهم بعد ما يخلصون انا بحاسبهم على شهادة الشباب
وعندك الخاص اذا تبي ارسل لي رسلة وبعطيك رقم جوالي وتراك بتدعي لي بعد الشغل
ما رايح تحصل احسن منهم بالمملكة كلها
بس يبي لك مشوار من الرياض
تحياتي

[اه يابرشا]

همس الكلام الف شكر على ردك وانشالله ابروح واشوف شغلهم وقبل سعرهم.

الميكانيكي انا ابمر زيبارت واذا ماسويتها عنده اتوقع اجي عندكم في عنيزه بس بعد 1000 كيلو ومكن اطلب رقم جوال على ايميلك اذا نويت اجي انشالله اذا مافيه مانع او احراج.الف الف شكر

[الساهـــــــــر]

يا راعي السيارة ((قف)) اسمع احذر انهم يحطولك من الخفيف لازم 7 مل وعشان يخدمك هالبلستيك 5 سنوات خليه يكثر مشقبيات ومن جهة الصندوق الأمامي لازم يفكة كله لا يصقطه تصقيط من الجوانب ولازم اذا تبي تكيس القوائم كيس الي قدام بس لأنه الي ورا تتكسر مشقبياتها على طول ولمن يجي يلصق وصلة بوصلة لازم يخيطها لا تخلية يلصقها بالحرارة اسأل مجرب لاني متعلم درس 3 مرات غيرته والمره الثالثة سار مضبوط واسف على الاطالة
(((((ومبرووووووووووووووووك على السيارة الله يعطيك خيرها ويكفيك شرها)))))))))

[اه يابرشا]

الساهر الف الف شكر على النصايح وابشر والله ابوقف على روسهم وابخليهم يسون كل الي قلته
بصراحه ماقصرت ويعطيك العافيه

[افا(لومافيه)لون]

عندي وانا ابو هندي

انا ركبت لسيارتي

بلاستك خيالي

بس سعر مرتفع شوي بس والله راح تدعيلي

خياطه ولا ابن ام مشغل نسائي

خخخخخخخخخخخخخخ

(محطة العربه ) اللي بشارع التحليه الرياض في فليني اسمه ماريو

مو مهم ماريو كلهم فلبن فيهم الخير والبركه

ابداع ابداع

رح وشف شغلهم هبال

انا جربتهم وشاوها اخوياي وحطوها كلهم

اخوي ركب من شارع الكهرب خرابيط
ب60 ريال وشغل هنود

بس هاذي ب250 وكسر راح اللبناني الى 200

تحياني

[اه يابرشا]

اخوي الغالي افالون الف الف شكر بصراحه سعرهم معقول ب 200 ريال
بصراحه ابمرهم واشوف

الف شكر مره ثانيه ويعطيك العافيه

[العتيبي عبووود]

في عندنا خوووش محل بالكويت تعاال الكووويت وادلك مكااانه

ومبرووووك للريال الدوووري ؛)

[كمر اركب ياقمر]

في محل بالرياض طريق خرررررررررررريص

والله ياكثر الي يمدحووووونه بس ماعرف اسمه يقولون بطريق خريص حول مشغل دندشه .. بروح له خلال هالايام اررررررررركب

[اه يابرشا]

مشكوووورين على المعلومات والنصايح
الف الف شكر لكم

[الكف الأسود]

اخوي انصحك تسويها في عنيزه عند النافورة انا توني مسوي اليوكن عندهم شغل نظيف واذا تبي رقمهم انا حاضر بس قبل ماتجي لازم تحجز

[اه يابرشا]

الكف الأسود ماتقصر انشالله اذا بغيت الرقم ابطلبه منك الله لايهينك

[دقات قلب]

ياريت رقمهم ياشباب .. او مكانهم بالضبط

[فاقد حنان]

والله شوف اخوي حنا ركبنا بلاستيك على اربع سيارات
لكزس جمس هايلوكس كامري

وقريبا سيارتي

المهم المحل

في شارع الكهرباء قبل الاشارة على يمينك قبل محل زين كار الي قبل الاشارة محل خاص بالتنجيد باكستاني بس

شغله جونان مره

عاد روح واحكم