[الـــراقـــي]

ياشباب انا مثل ماانتو عارفين ناوي اخذ الافالون نهاية هالشهر
وفعلا رتبت الامور عندي 60 الف كاش وقدمت على قرض 60 الف من البنك
والامور منهية انشالله

لكن المشكله ان في كلام طلع ان في تغييرات بتصير على موديل 2008
هنا انا دعست بريك

خايف اخذها واتحسف مثل ماصار معي بالكامري 2004 خذتها فل ابشن وبعد اقل من شهرين غيروا في الموديل الجديد

طالبكم طلبه الي عندها معارف بالوكاله يجيبلي الخبر الاكيد عن موديل 2008 ومتى بينزل وشالتغييرات الي بتصير فيه

تكفون ياشباب تراها 117 الف بدفعها من دم قلبي

[الغريب11]

لو تنتظر شهرين زين لاتستعجل اذا منت محتاج السيارة

[وااوأفالون]

الراقي السلام عليكم
روح الوكاله ترا يفيدونك إذا بيتغير فيها حاجه ولا
والله يبارك فيها إن شاء الله

[افا(لومافيه)لون]

والله يقولوون فيه تغيرات بسيطه بس تقهههههههههههههر

انصحك تنتظر والسالفه مهي مطوله

بس على فكره بيرفعون سعرها

بس دامك ماخذها قرض زدها

وعلى قولتهم ((دامك ماكل بصل "كثر"))

[كامري الزياد]

انتظر

وخوفي عليك تنتظر وتجي شاشه زي الاورين

تجاري عاد في هاذي ياخساره الصبر

[أ ف ا ل و ن]

انا انصحك تصبر لين ينزل 2008

و الله ييسر أمرك

[الـــراقـــي]

يعطيكم الف عافيه شباب

بس رايكم ان الموديل الجديد متى بينزل

يعني تتوقعون نهاية اوغست (( شهر 8 انجليزي ))

بروح الوكاله اسئلهم عن التغييرات في الموديل الجديد بس انشالله يعلموني مو يحاولون يمشون علي الموديل الاولي

اما بخصوص السعر تتوقعون 2008 تزيد عن 125 الف

اذا زادت عن هالسعر مالها داعي الواحد يخربها وياخذله لكزس

[الكووووووووول]

انت اصبر شوى ولا راح تندم بس على العموم الشيارة حتبقى نفس الشئ اللهم انه هذى 2007 وهذى 2008 مجرد تغير فى الاستمارة فقط وعلى العموم انت روح للوكاله واسئلهم افضلك على شان لا تندم بعدين والله يختار لك اللى فيه الخير لك ولنا اجمعين ومبروك مقدما والله يعطيك خيرها ويكفيك شرها

[الـــراقـــي]

مشكور اخوي الكوووووووووووول

والله يكتب الي فيه الخير والصالح

ويقولون في العجله الندامه نسأل ونصبر ونشوف
\
والي في الجدر يطلعه الملاس ههههههههه

[عقاب الجو]

اخي الراقي اصبر وماراح تندم

[الـــراقـــي]

عقاب الجو

مالي الا الصبر وانا اخوك

مشكلتي استعجلت وبعت الكامري والحين توهقت بدون سياره

لكن عشان الافالون 2008 كل شي يهون
ههههههههه

يعطيك العافيه ومشكور ع المرور

[سلطان سعد]

انا من رايي انك تاخذ لكزس ولا اوريون وماتنتظر لانها لو ماتغيرت 2008 راح تتغير 2009 او 2010 اما اللكزس والاوريون مارح تتغير إلا بعد 5 او 6 سنوات باللقلييل ترى الافلون راح عليها ثلاث سنوات
والاوريون واللكزس مانزلت إلا هالسنه 2007

[سلطان سعد]

والله تراك بتدفع فوق المية خلها تدوم وعلى عز السيارة لانها اذا تغير الشكل طاح المديل القديم وطلع بايخ

[نظرتي دلع]

اخوي الراقي الله يكتبلك الي فيه الخير

ثانيا:ً استخير اذا انت محتار مره ومستعجل يمكن ترتاح وينشرح صدرك

ثالثاً: انا اقول انتظر 2008 منها اذا ما تغير شي تستفيد وتاخذ 2007 ومنها تكون طاحت سعرها

وصدقني انا مثلك مره محتار بس قررت اصبر المشكلة وراي سفر

بس الله يسهل ويكتب لك ولي وللجميع الي فيه الخير

[أسير الهمسات]

لا تستعيل وخذ كل الوقت وفكر
عشان ما تندم أنا جلست أفكر 6 شهور
وفي الآخر خذيت أفلون 2006
على بداية نزول 2007

الاستخاره