[هاردماز]

السلام عليكم ورحمة الله وبركاته

استفساري من اصحاب GXR4

هل يوجد
1- مثبت سرعه
2-فتحة سقف
3- تانكي اضافي
4- تشغيل عن بعد
5-كراسي كهربا
6-شاشة ملاحه
ولا تبخلوا علي بالمواصفات الاخرى


تكفون ياشباب قبل لا اوقع الاوراق يوم السبت واتورط (لان كل ما اسأل واحد من موظفين تويوتا تلقاه مو متأكد من المواصفات )

وانا خايف ان الموظف قاعد يزحلق السيارات على الزباين ولا فيه المواصفات الي سألت عنها

ومشكووووورين

[حالو]

[وعليكم السلام

عزيزى انا اللى شريته قبل سنه ونص وبعته على احد اصدقائى. السيارة من عمان فيه جميع ما ذكرت وزياده
وهذى بعض الصور له
[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[هاردماز]

يعطيك العافيه ياأخ حالو

بس انت تقول انك مشتريه من عمان وانا ودي اعرف الي بالسعوديه فيها هذي المواصفات

وخصوصا وارد عبداللطيف جميل 2007

[ابو البواسل]

اخوي هار دماز

مواصفات الـ gxr 4 هى نفسها مواصفات gxr 2 في شركة عبد اللطيف جميل

والفرق
وجود شاشة ملاحة وهو ما يميز الـ GXR 4 (مختلفة عن الشاشة الموجودة في الفكس ار)
لون خاص ( ازرق بحري ) ولا يوجد لون اخر
حركة الكراسي الامامية يدوية وقماش المقاعد عادي
ويوجد نوع اخر تكون فيه
حركة الكراسي الامامية كهربائية وقماش المقاعد جلد مع شمواه
الخلفيه شنطة مع كفر معلق وقير عادي
الخلفيه شنطة مع كفر اسفل السيارة وقير اوتو

مثبت السرعة غير متوفر
تشغيل السيارة عن بعد غير متوفر
انوار المؤشر على المرايا الجانبية غير موجود


مع التحية

[ابو البواسل]

بالنسبة لسيارة الاخ حالو

التخشيبة في السعودي افتح

ولا تشمل القير والدبل وفتحات المكيف ويسار عجلة القيادة (جهة مفتاح الخزان الاضافي)

[الزين كله]

اخوي ليش ماتروح للبازعي يمكن مواصفة افضل من عبداللطيف جميل

[امبراطور الهدد]

هذه المواصفات تجدها

سيارات فل كامل ولا تلقاها عند عبداللطيف جميل

الأفضل البازعي او غيره من الوكلاء المضمون

وبالنسبه للمثبت مافيه

[حسونه]

بالنسبة لمثبت السرعة حسب علمي
لا يوجد على ( GX R )
ما أدري أحد يصحح لي المعلومة

[هاردماز]

مافي غير حل واحد
اتفق معاهم ان الدفع بعد ما اشوف السياره واتحقق من المواصفات بنفسي

حسونه

امبراطور الهدد

ابو البواسل

يعطيكم العافيه على الردود

[جمان]

يا خوي الحل :

اكتب مواصفاتك وادفع عربون لين تشوف السيارة

احد معارفي جاب له الوكيل جي اكس ار 3 ورجعه ليش

الفرات موديل 2006 ( بس حضرمي تاجر)

[امبراطور الهدد]

صحيح مثبت السرعة ليس

موجودا الا في v.xr

[اورجينال]

اخوي حالو والله ودي بسيارة نفس المواصفات الي عندكم صرااااحه سيارات مواصفاتها تختلف عن الي عنجنا ((الله لا يوفقك يابو جميل )) صرااااحه مواصفاتنا ماتسوى شي بالي عندكم
اما بالنسبه ل(gxr4) الي عندنا مافيه فرق الا الشاشه والون فقط يجي لون بحري
بالله اذا تعرف لنا اسعار الي عندكم خبرنااااا

[هاردماز]

للاسف يا اخواني انا طالب السيارة من اسبوعين وامس لمارحت لهم قالوا ال gxr4 مخلص من السوق والمصنع ما عاد ينتج 2007 وشهر 11/2007 يبدا انتاج 2008
والصور التجسسيه للجيب صحيحة100% لاني شفتها على جهاز مدير المبيعات

قابلت واحد (معاه 2007 GXR4 ) وانا خارج من الشركه عند قسم الصيانة وسألت عن المواصفات (مع انه ماراح استفيد منها ولكن من باب العلم بالشئ ) فقال ان كل المواصفات موجوده ماعدا التشغيل عن بعد
وسألته بالذات عن التثبيت قالي موجود بس ( على كلامه ) انه اضافوه في اخر دفعه في ال GXR4
وللمعلومية سعر الكاش لGXR4 = 164,350

والمشكله اني مستعجل على السيارة يعني مافي غير البرادو <---(مصر على التويوتا خخخخخخ )

لانه بصدق مافي زي صيانة تويوتا

[أبوحمد]

ما شاء الله على الوارد العماني كل الازرار اللي على يسار الدركسون موجوده ومافي ولا زرار مغطى مكانه !
زرار التانكي الاحتياطي
زرار المرايات
زرار الحساسات
زرار البلوتوث
زرار ادوف لوك

[حسونه]

المشاركة الأصلية كتبت بواسطة هاردماز

للاسف يا اخواني انا طالب السيارة من اسبوعين وامس لمارحت لهم قالوا ال gxr4 مخلص من السوق والمصنع ما عاد ينتج 2007 وشهر 11/2007 يبدا انتاج 2008
والصور التجسسيه للجيب صحيحة100% لاني شفتها على جهاز مدير المبيعات

قابلت واحد (معاه 2007 GXR4 ) وانا خارج من الشركه عند قسم الصيانة وسألت عن المواصفات (مع انه ماراح استفيد منها ولكن من باب العلم بالشئ ) فقال ان كل المواصفات موجوده ماعدا التشغيل عن بعد
وسألته بالذات عن التثبيت قالي موجود بس ( على كلامه ) انه اضافوه في اخر دفعه في ال GXR4
وللمعلومية سعر الكاش لGXR4 = 164,350

والمشكله اني مستعجل على السيارة يعني مافي غير البرادو <---(مصر على التويوتا خخخخخخ )

لانه بصدق مافي زي صيانة تويوتا

المثبت لا أعلم أنه موجود على الجي أكس آر نهائياً .

أذا ملزم شف لك المعارض 100% راح تحصله أكيد بيكون غالى شوى .


التشغيل عن بعد موجود في الــ3 أصلى .............؟

[داحس]

سلام عليكم

تبي النصيحه العجله شينه استاجر لك اي سياره اذا مستعجل من حدا هالشركات وانتظر شهرين ولا ثلاثه واخذ 2008 من عند وكالة البريمي في عمان مواصفاتهم خطيره واسعارهم رخيصه
والشكل القديم لو شريته يبي يوقف عند موديل 2007 اما 2008 كل ماله يزود في الشوارع وكل ماله يحلو في عيون الناس حتى لو كان في البدايه بايخ بس مصيرهم يحبونه والشكل الجديد يعطي معاك مده اطول ان شاء الله وانت بكيفك