[المحب بلا حدود]

انا اليوم كنت بالوكاله واكد لي الموظف سالفه القزوز وان مالها حل هي بعد فتره بتروح بحالها ويقول انهم ارسلوا للوكاله نفسها على الموضوع هذا وردو انه طبيعي وبيختفي من نفسه

[المــمـــيــز]

والله الى الحين ماراحت بس حاولت كذا محاولة انا ولا ضبطو

انا صارت سيارتي ماشية 28 الف ولا راحت بس

بلقالها حل باذن الله مع كثر التجارب بلقالها باذن الله

[الغريب11]

اللهم لك الحمد سيارتي مافيها ريحه وارد بهوان الله يحفظها

[سفاري الكويت]

انا رحت الوكالة قالوا لي ان الفلتر فيه رطوبة من كثرة الوقوف
وراح يبدلونه او ينظفونه
بس للحين ما دخلتها

[المــمـــيــز]

لا تصدقهم يا سفاري كل وكالة تخترع شي تصرف فية الزبائن

حنا اول مرة قالو لنا طربة البنزين بعدين قالو المكيف بعدين فلتر الهواء والقدم مذهل

يمكن يطلع لنا واحد يقول الريحة من الكفر الاضافي (( السبير ))

[ابوعبدالمللك]

أتمنى تلقى الحل بشكل سريع

وشكرا للجميع

[المكيانيكي]

مع احترامي الشديد لكاتب الموضوع اقول له ليس هذا هو سبب الريحة الريحة تصدر من ثلاجة السيارة
وحلها هو انكم لازم اثنا الدعس القوي او السرعات العالية لازم تخلون الهواية مفتوحة(زرهواية المكيف) لدخول الهواء الخارجي للسيارة وبكذا ما تطلع الريحة
تحياتي

[المحب بلا حدود]

ترى ياشباب الريحه بتروح من نفسها انا كانت عندي ريحه تخنق اول ماطلعت السياره اول ماتشغلها تطلع الريحه مع الايام راحت الحين في ريحه بس اذا اقلعت بالسياره ويعني ماتذكر خفيفه بالحيل

[حامل الورد]

الحمد لله سيارتي 2007 وماشيه 35000 ومافيها ريحه

[المــمـــيــز]

المشاركة الأصلية كتبت بواسطة المكيانيكي

مع احترامي الشديد لكاتب الموضوع اقول له ليس هذا هو سبب الريحة الريحة تصدر من ثلاجة السيارة
وحلها هو انكم لازم اثنا الدعس القوي او السرعات العالية لازم تخلون الهواية مفتوحة(زرهواية المكيف) لدخول الهواء الخارجي للسيارة وبكذا ما تطلع الريحة
تحياتي

والله اذا الوكالة قالت لي كذا وش تبيني اقولك

واذا رحت لوكالة ثانية قالو لك السبب شي ثاني وتروحلهم بعد كلامهم هذا بيوم يقولون لك شي ثاني

غير الي قالولك امس ؟؟؟

[خبرة سيارات]

كلام منطقي وجميل .

تحياتي ,,,

[أبيض غامق]

اعرف صاحب 2005 ليس لديه المشكلة
أما صاحب 2006 عنده شسالفة

[المــمـــيــز]

المشاركة الأصلية كتبت بواسطة أبيض غامق

اعرف صاحب 2005 ليس لديه المشكلة
أما صاحب 2006 عنده شسالفة

ما ندري والله يمكن الخبر عندك

[راعي فزعه]

السلام عليكم شباب

أنا عندي افالون موديل 2007 وكنت أعاني من نفس المشكلة

ووديتها لوكالة عبداللطيف جميل اللي بتقاطع العليا مع الامام سعود الساعه 8 الصبح وقلتلهم عن المشكلة

طلعولي السيارة الساعه 2 الظهر وظبطوووولي السيارة

الحين مافيها رييييحة أبد ولله الحمد

سألت الميكانيكي عن المشكلة وقالي: انه كان فيه فتحات في الشكمان تدخـّل الريحة عالمقطورة ولحـّمتلك اياه.

وترا السيارة سيارتي يعني لا تشكون بكلامي وتحسبوني سمعت هالكلام لا أنا مجررررربها يعني طريقة أكيدة 100%

ولكم جزيل الشكر

أخـوكم:
راعــــ فزعه ــــي

[المكيانيكي]

قلنا لكم الريحة تصدر من المكينة وليس للمكيف علاقة فيها (من شي يسمى الثلاجة في المكينة) ولكن المكيف يدخلها لكم ولتفاديها وعدم دخولها لداخل السيارة يجب ترك زر الهواية مفتوح اثناء السرعات العالية
واتركوا عنكم كلام اللي يتعلمون فيكم بالوكالة واحد يقول فتحات بالشكمان والثاني مدري وش يقول
اي فتحات شكمان واي خرابيط انا طلعت عندي الريحة والسيارة ما كملت 1000 كيلو اي فتحات بالشكمان واي كلام فاضي بس مشكلة اغلب السعوديين يسمعون كلام اللي يسمونهم مهندسين بالوكالة وكأنه مرسوم ملكي ياناس قلنا لكم ترا والله ماعندهم سالفة لا تطيرون بالعجة معهم

[الحـ(درب)ـب]

انا كانت عندي الريحة قوية


بسفرة للبحرين
كنت ماشي الخط كله من 200 لين 240
وفاتح التهوية
وبدون مكيف بآخر شهر 3 الساعه 1:30 بالليل ( يعني الجو بارد بالليل)
وكانت ماشية 19.000

واختفت الرائحة تماما

وبعد 10.000 كيلو بدت ترجع



يعني كلام الميكانيكي صحيح - من رغم اني اقتنعت بكلام المميز


احتار الأخ
درب

[راعي فزعه]

قلنا لكم الريحة تصدر من المكينة وليس للمكيف علاقة فيها (من شي يسمى الثلاجة في المكينة) ولكن المكيف يدخلها لكم ولتفاديها وعدم دخولها لداخل السيارة يجب ترك زر الهواية مفتوح اثناء السرعات العالية
واتركوا عنكم كلام اللي يتعلمون فيكم بالوكالة واحد يقول فتحات بالشكمان والثاني مدري وش يقول
اي فتحات شكمان واي خرابيط انا طلعت عندي الريحة والسيارة ما كملت 1000 كيلو اي فتحات بالشكمان واي كلام فاضي بس مشكلة اغلب السعوديين يسمعون كلام اللي يسمونهم مهندسين بالوكالة وكأنه مرسوم ملكي ياناس قلنا لكم ترا والله ماعندهم سالفة لا تطيرون بالعجة معهم

أخوي الميكانيكي بس بغيت أقولك ان الفتحاات اللي في الشكمان هذا كلام المهندس ويوم لحـّملي اياه راحت الريحة.

يعني ماأدري وش تبي أكثر من كذا عشان تقتنع انها هذي هي المشكلة

وسامحني اذا كان اسلوبي فظ

وتحياتي لك