الزر هذا يجي في السيارات الدفع الرباعي المستمر ، فيه اكس بالنص بين الكفرات الامامية والخلفية والاكس هذي عبارة عن الدفرنس الوسطي (غير الدفرنس الخلفي)، لما تضغط عليه تقفل الدفرنس فيصبح توزيع القوه متساوي بين الكفرات الامامية والخلفية ،،،
هذا الدبل الخفيف يعني اذا غرزت بالرمل ضع القير على الفاضي واضغط هذا الزر
حتى تضي لمبه نفس الشكل اللي على الزر بعدين عشق القير ودوووس وان شاالله
ماتغرز وللمعلوية دائما اذا جيت تكشت ودخلت يم الرمل خل هواءالكفرات على مقاس 25
احسن للسيارة واذا طلعت من الرمل وقف وفض القير وافصل الدبل وبعدين حرك ...
لتشغيل الدبل الخفيف في سيارتك تضغط الزر هذا والسيارة ماشية والقير في وضع التعشيق مو مشكلة ، اهم شي ما تكون كاسر الطارة يعنى السيارة تكون ماشية في خط مستقيم واذا اشتغل بتشوف لمبه برتقالي في الطبلون بنفس الشكل مثل ما قال اخوي كنافه
وسيارتك اخوي دفع رباعي مستمر بدليل وجود مثل هذا الزر عندك ،
غير كذا بتلقى قير الدبل عليه ثلاث حروف بس ، هى L N H وهي اختصار للسرعة العالية (High) والفاضي (N) والسرعة المنخفضه (Low )
بينما لو كان دفع خلفي فسيكون فيه H2 N H4 L4 ومعناها سرعة عالية كفرين ، سرعة عالية اربع كفرات (الدبل الخفيف) سرعة منخفضة اربع كفرات (الدبل الثقيل)
