[ايمن محمد]

السلام عليكم ورحمة الله وبركاته

موضوعي .. اعتبروه فضفضه بالي صار لي

بالاضافه الي طلب مشوره من الاخوان

حجزت اوريون جراندي اللون ابيض

المهم مر عليها حوالي الشهرين اذا مو زياده

اكتشفت انه المكتب الي براجعه ما اعنده صلاحية الحجز والفتره هذي كلها كان يحاول يجيب السياره

بالطريقه المتبعه في الدول المتغدمه ( بالتلفوون )

المهم ... راجعت فرع اخر في منطقه اخرى .. وقالولي مافي اورويون ابيض وماراح تجي

كرهت الاوريون واليوم الي فكرت اشتري فيه اوريون ولا عاد ابي افكر فيها مرررره

الحين ابي اشتري افلووون :d لبمتد


سمعت انه 2006 مافي اي فرق بينها وبين 2007

تنصحوني اخذ 2006 ..

وممكن احصلها في الوكاله .. وكم سعرها ؟

[الـــراقـــي]

2006 في الوكاله مافي

مالك الا 2007 بـ 116 في الوكاله

وفي المعارض بـ 113,500

وبالتوفيق انشالله

[ي ا س ر]

الوكالة فيها بس الوان بايخة مثل الاخضر الظاهر ان سعرها 109الف
وانا انصحك في 2007من قالك مافيه فروق اكيد فيه بس بسيطة وعلى فكره ترا ضمان 2006ثلاث سنوات و60الف كيلو وضمان 2007ثلالث سنوات و100 الف كيلو

[أ ف ا ل و ن]

المشاركة الأصلية كتبت بواسطة ي ا س ر

الوكالة فيها بس الوان بايخة مثل الاخضر الظاهر ان سعرها 109الف
وانا انصحك في 2007من قالك مافيه فروق اكيد فيه بس بسيطة وعلى فكره ترا ضمان 2006ثلاث سنوات و60الف كيلو وضمان 2007ثلالث سنوات و100 الف كيلو

الضمان ما يعتبر فرق بين الموديلات

الفروق الي نقصدها في مواصفات وشكل السياره من الداخل والخارج

[فرحة لقانا]

يا رجال خذلك افلون مالك ومال الاريوون .

والان الجديدة راح تلقاها بحدود 113 الف

ومستخدمة بحدود 92 الف اليمتيد 2007

[جنوبي افالوني]

استخير الله ثم اسال من عنده افالون ولو تجربها مع صديق لك او محل تاجير سيارات يكون افضل
لان الناس اذواق قد تعجبك قيادتها وتشتريها وقد تغيير رايك
ولو تصبر حتى موديل 2008 يكون ازين لك اذا فيه اختلاف عن 2007 اشتر بعد التجربه والسؤال عنها
ولك خالص تحياتي

[أمير لكزس]

لا تشتري ابد ما انصحك يقولون المكينة 4 سلندر خخخخخخخخخخخخخخخ

صراحة هذا الاختيار الصح وتوكل على الله

[وااوأفالون]

أخوي توكل على الإفالون والله يديلك خيره ويكفيك شره
وللقرار الإول والإخير لك
أجرب افالون ولا أجرب أوريون
مع تحياتي